蔡潔

法證先鋒5 | 蔡潔拒認撞樣李佳芯 洪永城一句寸爆KO:我覺得人哋靚好多!

最新娛聞

廣告

TVB現正熱播的《法證先鋒V》踏入結局週,一班主角黃宗澤、袁偉豪、蔡思貝、蔡潔及洪永城近日在「See Saw先」YouTube頻道宣傳劇集,輪流互問對方Mean爆提問。其中被指撞樣李佳芯的蔡潔,更被洪永城一句寸爆KO:「我覺得人哋靚好多」,全場尷尬到冰點!

蔡潔自認化妝技巧高超

一班《法證先鋒V》的主角為了宣傳劇集,齊齊現身「See Saw先」YouTube頻道接受「EQ訓練營」的考驗,輪流互相問對方寸爆問題。一開波,袁偉豪就直指蔡潔化妝技巧高超,每次都以不同面貌出現於熒幕前,蔡潔就話:「係啊,我化妝技巧真係好好㗎,我覺得我自己都適合做演員嘅,總知就嗰樣比較普通」,間接話自己可塑性好高。黃宗澤一聽都頂唔順,在旁邊寸爆回覆:「咁樣兜個圈讚自己嘅。」

蔡潔 蔡潔自認化妝技巧高超
蔡潔自認化妝技巧高超(圖片來源:Youtube@See Saw 先 截圖)

黃宗澤、洪永城夾攻 蔡潔以「八公」兩字反擊

其後,黃宗澤又突然爆料:「我同個朋友食飯啊,某出名剪片師,佢話此次剪親蔡潔嗰啲片,次次都係俾人強姦嘅」,之後洪永城都插口問蔡潔「係唔係好識得演?」蔡潔聽畢都忍不住翻白眼回覆道:「八公!咁我梗係識演啦,因為我冇試過,咁只能夠演囉,咁即係演技都唔錯啦!」

蔡潔 蔡潔俾黃宗澤同洪永城寸足全場,最後霸氣以「八公」兩字反擊!
蔡潔俾黃宗澤同洪永城寸足全場,最後霸氣以「八公」兩字反擊!(圖片來源:Youtube@See Saw 先 截圖)

被四人寸到作狀想喊

尖銳問題一浪接一浪,黃宗澤同洪永城繼續夾攻問有關蔡潔早年拍下的《關於我的20件事》Youtube短片一事:「你覺得真係有人想知?」洪永城又插多腳表示:「佢就係因為唔想知,所以冇睇…你覺得點解有人想知你嗰20件事呢?」蔡潔被人寸到體無完膚後,尷尬表示:「呢個問題應該係話,冇人有興趣知道我嗰20件事。」最後更作狀擦眼淚話:「我有啲想喊。」

蔡潔 最後蔡潔仲俾人寸到作狀想喊
最後蔡潔仲俾人寸到作狀想喊(圖片來源:Youtube@See Saw 先 截圖)

拒認撞樣李佳芯 洪永城寸爆KO:我覺得人哋靚好多!

話題之後又緊接到蔡潔撞樣李佳芯的問題,洪永城仲要抵死寸爆話:「咁我個人就唔覺得似,我覺得人哋靚好多」,令氣氛瞬間尷尬到冰點。蔡潔最後都大方回應表示:「我都覺得人哋靚好多,同埋好多人都喺我嗰page到話『你唔好成日扮佢,同埋一啲都唔似佢呀』,跟住我咪話『係囉!終於有人出嚟同我平反』。就係上次『See See TVB』出咗post話我似佢,搞到我畀人攻擊,你哋快啲幫我平反」,來化解尷尬場面。

蔡潔 洪永城寸爆表示覺得李佳芯靚過蔡潔好多!
洪永城寸爆表示覺得李佳芯靚過蔡潔好多!(圖片來源:Youtube@See Saw 先 截圖)
蔡潔 蔡潔都認同李佳芯靚過自己。
蔡潔都認同李佳芯靚過自己。(圖片來源:Youtube@See Saw 先 截圖)
蔡潔 蔡思貝都有為蔡潔講好說話打圓場:「我覺得似絕對唔係話外貌嘅似,係嗰種氣質,即係又係斯斯文文,即係氣質女神嗰種。」
蔡思貝都有為蔡潔講好說話打圓場:「我覺得似絕對唔係話外貌嘅似,係嗰種氣質,即係又係斯斯文文,即係氣質女神嗰種。」(圖片來源:Youtube@See Saw 先 截圖)

(同場加映)洪永城被蔡潔狠寸:「咁你覺得你識唔識做戲」

洪永城都在訪問中被其他四人寸到差啲暴走。蔡思貝就表示洪永城一留鬍鬚就老20、30年,遲啲要演70歲的角色可以連妝都唔洗化。洪永城都認同蔡思貝說法,認為是另一種方式稱讚自己㩒用:「但我都聽過人講,如果30歲到70歲你都演到,咩角色都演到呢,就即係你唔識得做戲」,蔡潔即刻寸返句:「咁你覺得自己識唔識做戲?」,搞到洪永城尷尬到唔識答!

蔡潔李佳芯三七面最似

無論係前年嘅劇集《飛虎之雷霆極戰》,定還是早前嘅《拳王》都有唔少觀眾表示二人好似樣。其實二人的身型的確差不多,蔡潔身高170cm,而李佳芯則169cm,而由於二人的IG風格都有相似之處,尤其是個三七面,「快碌」之下真係唔係咁認分得清!不過都有辦法嘅!最明顯就係蔡潔面上有酒窩,而李佳芯的卧蠶則會比較明顯。

呢位係蔡潔。
呢位係蔡潔。(圖片來源:IG@jackykycai_)
蔡潔 呢位係李佳芯。
呢位係李佳芯。(圖片來源:IG@aliaime)
蔡潔 呢位...都係李佳芯!
呢位…都係李佳芯!(圖片來源:IG@aliaime)

拒認似Ali

其實蔡潔早已有「翻版Ali」之稱,前年她拍邵氏劇《飛虎之雷霆極戰》初登無綫熒幕後,被傳媒問到會唔會想有好似Ali咁好的成績?她回答Ali係一位好斯文和超級優秀、努力的演員,是她其中一個模範,會學習Ali的努力,但自己的演藝事業始終係剛剛開始,對於成績如何不敢想太多。至於講到外貌被指激似Ali,她就否認指已睇慣了自己,所以不覺得似自己似Ali,並認為每個人都係好唔一樣。

拳王|蔡潔首擔正TVB劇 孖辮Look被指激似Ali李佳芯
32歲的蔡潔紮起孖辮有減齡作用。(圖片來源:IG@jackykycai)
拳王|蔡潔首擔正TVB劇 孖辮Look被指激似Ali李佳芯
一啲都睇唔出已經39歲!(圖片來源:IG@aliaime)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:Youtube@See Saw 先 截圖