撰文：東方新地｜圖片：新傳媒圖片庫、蕭正楠IG

《深宮計》蕭正楠 升呢做王子

謝雪心飾演的尚宮「瓊香」因發現蕭正楠胎記，懷疑其身份，四出調查後，終證實他是李旦(李龍基飾)與肅明皇后之嫡幼子，即李隆基(馬浚偉飾)同父異母的弟弟。

Holy 好 happy !! 謝謝你支持 !! 讀一次..這是押韻的 !! #宮心計2深宮計 #河狸 #何離
Edwin Siu（@edwinsiu）分享的貼文 於 PDT 2018 年 6月 月 23 日 上午 4:17 張貼

此河狸貌似認真，其實也幾好笑，日飲一碗蜜可抗毒😂😂😂😂 #宮心計2深宮計 #河狸 #Holy
Edwin Siu（@edwinsiu）分享的貼文 於 PDT 2018 年 6月 月 5 日 上午 6:26 張貼

從小自律

蕭正楠(Edwin)自小在大欖涌水塘附近的懲教署宿舍長大，佢話最愛同細五年的妹妹好似《龍貓》內的小姊妹每日去附近草地踩單車、放狗、捉草蜢，夠鐘就自動自覺返屋企食飯，自小就好自律。

目擊走犯暗地裏喊驚

兒時Edwin屋企窗口可以望到大欖懲教所囚犯，佢話最難忘有次望落去，竟然見到有個囚犯鬼祟四圍望，未幾爬鐵絲網逃獄，當時Edwin只是小學雞，天真以為囚犯走失是小事，至翌日聽佢爸爸講走犯先知事態嚴重，自己暗地裏喊驚。

15歲初戀失敗

當年與一長髮眼大女同學戀上，不到半年分手，蕭正楠稱大家當時都細路仔脾氣，性格不合，且撞破女友同暗戀她的男同學食飯，分手收場。

13歲陽光少年

呢張相由蕭正楠表弟操刀，兩老表感情極好，有朝起身無事做就做model畀表弟影沙龍。

8歲娘爆登場

以藍色運動服、雙手插袋參加同學仔生日party，神情、衣著似足蕭正楠《巨輪》復古造型。

4歲官仔骨骨

去石澳閒遊海景留影，蕭公子文質彬彬，搭埋對露趾涼鞋夠晒老積。

3歲三七模格

幾歲人仔已經識擺甫士，嚟個三七面兼gel晒頭，chok！

10個月赤腳亂衝

幼時門外有大走廊，蕭正楠坐住學行車周圍衝學行，當時的他冇乜頭髮肥嘟嘟，是個米芝蓮BB。

同場加映陳煒激罕童年照曝光

陳煒在熱播劇《宮心計2深宮計》中飾演太平公主，雖然已經44歲，但仍然keep得勁好，無論皮膚定係身材都依然fit爆，在劇中更將太平公主嘅霸氣演繹得淋漓盡致，獲網民封為「民間視后」，究竟女神童年的樣子是如何呢？

煒哥入得廚房出得廳堂，44歲仲keep得咁fit，究竟女神的童年的樣子係點嘅呢？

係咪好kawaii呢？

女神當年真係又pure又true！

《美女廚房》蕭正楠替馬國明擔心

除咗《深宮計》外，蕭正楠近日仲擔任無綫節目《美女廚房》嘅主持，對於劇集拍檔黃心穎被網民封做「地獄廚神」，蕭正楠笑指替馬國明擔心：「建議心穎唔好煮嘢畀馬國明吃！」

要為翠如平反

而早前出席活動，蕭正楠仲話想請女友黃翠如上節目晒廚藝：「希望佢會嚟，雖然我成日踩佢，其實佢真係唔係咁差嘅，我要幫佢平反！」

黯然煎蛋飯

事實上，翠如曾經喺活動上表演過佢嘅「拿手菜」煎蛋！

Back to Work😎✌🏻 With @bigbigchannel_official in Malaysia🐒 #BigBigChannel #表演煎蛋 #誰害的
Wongtsuiyu（@wongtsuiyu）分享的貼文 於 PST 2018 年 1月 月 19 日 上午 9:09 張貼

但最愛食太陽蛋嘅蕭正楠，早前po咗張爆咗黃嘅煎蛋飯相，仲話：「革命尚未成功同志仍需努力！」唔通呢個係翠如BB嘅傑作？

日頭猛做，到而家輕鬆下，食個晚飯，要… Excuse me what is this 😦？ #一日一蛋 #最愛太陽蛋的是我 #你怎麼捨得佢爆黃 #革命尚未成功同志仍需努力 #鹹魚白菜也好好味
Edwin Siu（@edwinsiu）分享的貼文 於 PDT 2018 年 3月 月 15 日 上午 8:09 張貼

唔知如果翠如BB上到節目，蕭正楠會畀幾多分呢？

今晚都ok吖…多謝捧場😂😂😂 #美女廚房 #0分是一種鼓勵 #有笑有淚
Edwin Siu（@edwinsiu）分享的貼文 於 PDT 2018 年 6月 月 23 日 上午 7:49 張貼
>