蘇施黃

67歲蘇施黃自爆患上大腸癌三期 曾戰勝乳癌 下月開始做化療

最新娛聞

廣告

蘇施黃由DJ轉型做飲食節目主持,近年仲做埋飲食界KOL,開設YouTube頻道《教煮蘇 This is So good》拍片,題材由生活Vlog、餐廳開箱甚至拍片教煮都有,日前她卻忽然在YouTube自爆患上了大腸癌第三期!

蘇施黃 曾在05年戰勝乳癌

現年67歲的蘇施黃2005年曾戰勝乳癌,日前她忽然在其YouTube頻道以「照腸結果出咗啦!」為題,公開自己因為發現屙血,於上月26日入院做檢查,結果發現患癌,她隨即接受切除腫瘤手術,並住了8日醫院,臨出院前一日,蘇施黃就醫院拍片表示:「星期三切割咗腸,大腸轉角位切咗15cm,嗰度有個腫瘤,側邊攞咗25粒淋巴,其中3個位有感染。」

蘇施黃續說:「醫生晨早已經話肯定唔係第一期,驗出嚟係大腸癌第三期,佢話穩陣啲,做完手術後再檢查,睇吓有冇走去身體其他地方,骨或胸邊度。」幸好檢查結果係無擴散。

蘇施黃 蘇施黃在影片中顯得精神奕奕。
蘇施黃在影片中顯得精神奕奕。(圖片來源:YouTube@教煮蘇 This is So good)

蘇施黃 :做完手術瘟瘟沌沌

蘇施黃又大讚醫院的飲食不俗,指自己做手術後第三日已要求不再吊鹽水,改為正常進食,她說:「做完手術嗰日瘟瘟沌沌,但精神,吊咗兩日鹽水,第三日要求唔要吊鹽水,我好鍾意食嘢,拔晒啲尿喉鹽水喉進食,自己喺病房行來行去,行一陣發現房太細,行出走廊,特登用手擺腰後面,挺直啲行,傷口因為微創,郁來郁去唔係好痛,感謝醫生同護士護理人員,另外要超讚醫院啲飲食。」

蘇施黃 蘇施黃大讚醫院的飲食不俗。
蘇施黃大讚醫院的飲食不俗。(圖片來源:YouTube@教煮蘇 This is So good)

蘇施黃:保持心境開朗

蘇施黃直言最緊要係保持心境開朗:「一個人當你食嘢覺得自己病就好病,但當你覺得同正常人一樣就一樣,我開咗刀,咁大個症,仍然笑口噬噬,最緊要心境開朗,全靠食物,我而家仲有大考驗,因為仲要做化療,唔緊要,化療完又嚓過,朋友話化療前先吃為敬,化療後再吃為敬。」

網民都紛紛留言祝福蘇施黃早日康復,她在接受傳媒訪問時,就透露自己現時一切生活如常,將在下月頭開始做化療。

蘇施黃 蘇施黃下月將要做化療,佢話化療前要先吃為敬,化療後就再吃為敬。
蘇施黃下月將要做化療,佢話化療前要先吃為敬,化療後就再吃為敬。(圖片來源:YouTube@教煮蘇 This is So good)
蘇施黃 早前蘇施黃曾同金燕玲一齊去睇黃子華主演的舞台劇。
早前蘇施黃曾同金燕玲一齊去睇黃子華主演的舞台劇。(圖片來源:FB@蘇施黃)

蘇施黃曾捲「茶包事件」

一向惹火頭的蘇施黃,最為人熟悉的一定是「茶包事件」,她在2014年到銅鑼灣皇冠假日酒店飲茶,要求店員提供三杯,每杯兩個茶包的English tea,店員表明需要收兩杯茶錢,阿蘇當時直言:「你敢收就得嘞!」,最後酒店收取六杯English tea費用,阿蘇就將對方的「惡行」在網上公開,以「cheap精惡行」形容之餘並叫網友廣傳,不過當時網友認為她恃住自己的名氣去索取利益,無法得到利益就發難,阿蘇曾鬧「茶包一個值幾多錢呢,三個茶包就立即可以損害Crown Hotel的聲譽」,反被網友串她「茶包一個值幾多錢呢,三個茶包就立即可以損害蘇施黃的聲譽。」

蘇施黃 阿蘇2014年網上公審銅鑼灣皇冠假日酒店飲茶飲茶收Double,結果被網友反指她恃住自己的名氣去索取利益。
阿蘇2014年網上公審銅鑼灣皇冠假日酒店飲茶飲茶收Double,結果被網友反指她恃住自己的名氣去索取利益。(圖片來源:網上圖片)

密友金燕玲2019年曾患子宮癌

蘇施黃曾在2005年患上乳癌,其同性密友金燕玲現年同樣為67歲,她2019年接受蘇施黃主持的《大玩派》電台訪問,自揭在同年初發現患有子宮癌,她表示須接受手術開刀及6次化療。適逢新正頭發生不好的事,金燕玲談及時一度想喊,並透露曾不想公開病情,因不希望家人和朋友擔心。

蘇施黃 金燕玲在節目中透露,她在2019年初做例行身體檢查時證實患子宮癌1期,她表示得知患病後曾落淚:「過年前我流住眼淚染白頭髮,咁都要過年㗎!就算病,個樣都要好睇啲。」
金燕玲在節目中透露,她在2019年初做例行身體檢查時證實患子宮癌1期,她表示得知患病後曾落淚:「過年前我流住眼淚染白頭髮,咁都要過年㗎!就算病,個樣都要好睇啲。」(圖片來源:[email protected] 商業電台)

金燕玲:最唔想個女知

金燕玲透露唔想囡囡同妹妹擔心,所以今次她得知患癌後,只告知好友關之琳和蘇絲黃。「最初得阿蘇同我最好朋友關之琳知,我最唔想個女知,佢喺英國,喺咁遠幫唔到任何嘢。佢又會喊,好擔心我,我就仲擔心,咁會令我情緒好波動。我個腫瘤係惡性腫瘤,三年後復發機會好大,USPC(腫瘤名),要開刀同一定要做化、電療。」

蘇施黃 阿蘇得知金燕玲患子宮癌,阿蘇指自己異常冷靜:「我自己2005年有乳癌,收聲就係幫忙,唔好話搵乜醫生,要等佢冷靜做決定。」
阿蘇得知金燕玲患子宮癌,阿蘇指自己異常冷靜:「我自己2005年有乳癌,收聲就係幫忙,唔好話搵乜醫生,要等佢冷靜做決定。」(圖片來源:IG@ah_so_good)

直至完成手術後,因為身體虛弱,金燕玲知道瞞不了女兒多久,故選擇告知女兒,「做完之後,我諗係咪要講畀個女聽呢?唔講個心唔舒服。因為開刀好弱,我又要作狀,成日同個女視像,佢問點解我成日咁早瞓。」

捱6次化療 有脫髮現象

她表示做完手術後要開始接受化療,一共需要做六次,每三星期做一次。化療期間,她不但作嘔,連嗅覺同味覺都出現奇怪感覺,並已有脫髮現象。她坦言暫不能繼續演出工作,但會正面面對,就如未病之前也這樣生活。面對「好得人驚」的脫髮問題,她認為要做好心理準備,故勸大家若有問題去睇醫生,及早治療,這是她在節目很想表達的事。

蘇施黃 2017年 金燕玲憑《一念無明》獲香港金像獎最佳女配角時落淚多謝女兒。
2017年 金燕玲憑《一念無明》獲香港金像獎最佳女配角時落淚多謝女兒。(圖片來源:TVB截圖)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:YouTube@教煮蘇 This is So good、IG@ah_so_good、[email protected] 商業電台、TVB截圖資料或影片來源:YouTube@教煮蘇 This is So good