虎年娛圈預測

虎年娛圈預測|蕭正楠有九紫喜慶星照住 袁偉豪做老竇機會大

最新娛聞

廣告

去年牛年娛樂圈喜事一籮籮,特別多人結婚生仔,今年虎年又如何呢?本刊請來著名玄學家吳佩孚,為虎年娛圈預測,陳凱琳連生兩個仔,都係時間追番個女;至於袁偉豪與蕭正楠,又能唔能夠成功生虎B呢?

撰文:東方新地 圖片:新傳媒資料庫

陳凱琳 鄭嘉穎追個小虎女

陳凱琳與鄭嘉穎婚後火速成功造人,不過連生兩個都係仔,鄭嘉穎又曾開口恨生多個前世情人,唔知今年有冇機會成事呢?吳佩孚:「陳凱琳個八字喺虎年係『得祿』,即係吉星,亦係一個添丁、喜慶之卦象,都有機會追個女。」

陳凱琳與鄭嘉穎三年抱兩,一家四口不時放閃。(圖片來源:IG@ghlchan)
陳凱琳與鄭嘉穎三年抱兩,一家四口不時放閃。(圖片來源:IG@ghlchan)
陳凱琳對住兩個前世情人,好冧。(圖片來源:IG@ghlcjan)
陳凱琳對住兩個前世情人,好冧。(圖片來源:IG@ghlcjan)

陳展鵬專注事業

陳展鵬於18年與單文柔奉子成婚,19年小豬比出世後,陳展鵬家庭生活美滿,不過事業就停滯不前,囡囡快將3歲,陳展鵬與單文柔會唔會追個仔湊成「好」字?吳佩孚:「陳展鵬屬龍,今年虎年即係所謂龍虎相爭,事業上要急起直追,可能會有是非,工作亦會忙啲,追仔就未必,因為冇一種合成情況。」

自女兒出世後,陳展鵬成為廿四孝老公兼爸爸,幸福無比。(圖片來源:IG@rucochan)
自女兒出世後,陳展鵬成為廿四孝老公兼爸爸,幸福無比。(圖片來源:IG@rucochan)
陳展鵬要在事業上急起直追。(圖片來源:IG@rucochan)
陳展鵬要在事業上急起直追。(圖片來源:IG@rucochan)

袁偉豪 有添丁之喜

袁偉豪與張寶兒婚前已聯名斥資6568.3萬元購入清水灣傲瀧一個花園複式單位,婚後袁偉豪被封「億萬駙馬」,不時公開恩愛,袁偉更不止一次公開表示恨做爸爸,吳佩孚:「袁偉豪屬雞,但佢個名有個『豪』字就代表豬,今年都係六合,有歲君相合,會有喜慶臨門,添丁、喜慶同升仙,呢幾樣嘢都好大機會。」

袁偉豪與張寶兒結婚年幾依然甜蜜,早前去酒店Staycation慶祝周年紀念。(圖片來源:IG@benontheroad)
袁偉豪與張寶兒結婚年幾依然甜蜜,早前去酒店Staycation慶祝周年紀念。(圖片來源:IG@benontheroad)
袁偉豪抱住陳山聰個仔愛不釋手。(圖片來源:IG@benontheroad)
袁偉豪抱住陳山聰個仔愛不釋手。(圖片來源:IG@benontheroad)

蕭正楠 虎年有喜

40歲黃翠如與蕭正楠18年底宣布已結婚,並於翌年5月在峇里補辦婚宴,二人對生B一直表現積極,早前黃翠如陪老公北上工作,返港不久因孕味濃被傳造人成功,不過日前她已親口否認。究竟蕭正楠與黃翠如在虎年能否造人成功?吳佩孚:「蕭正楠77年出世屬蛇,從命格睇,蕭正楠個『楠 』字代表九紫,今年嚟講有九紫喜慶星,如果係添丁同追仔都好有機會,會有喜事。」

蕭正楠與黃翠如婚後一直勤力造人,可惜仍未有好消息。(圖片來源:IG@edwinsiu)
蕭正楠與黃翠如婚後一直勤力造人,可惜仍未有好消息。(圖片來源:IG@edwinsiu)
由內地返港的黃翠如,被指孕味濃。(圖片來源:IG@wongtsuiyu)
由內地返港的黃翠如,被指孕味濃。(圖片來源:IG@wongtsuiyu)
著名玄學家吳佩孚。(圖片來源:吳佩孚提供)
著名玄學家吳佩孚。(圖片來源:吳佩孚提供)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!