虛擬情人｜倪嘉雯淚崩演技獲讚 感激林景程專業指導：畀空間我去蘊釀情緒
廣告
昨晚一集《虛擬情人》講到陳大明（鄧智堅飾）親妹阿Moon（倪嘉雯飾）因中文科成績未如理想悶悶不樂，故找當年曾修讀同一科的程晴（王敏奕飾）幫忙。不過原來阿Moon傷心的主因是被曹正然教授（林景程飾）玩弄感情，程晴在過去也曾被曹正然的追求技巧所迷惑，最終她和阿Moon聯手報復，使曹正然名譽掃地。
倪嘉雯淚崩演技獲讚
倪嘉雯在劇中的表現引起了廣泛關注，她的甜美笑容、情感爆發的演出以及活潑的跑步場面都深受觀眾喜愛。網民紛紛留言讚美她的美貌和甜美的笑容，並特別提到她的「秀髮超美」。這是倪嘉雯首次挑戰激烈情感戲份的劇集，她在接受訪問時自嘲說：「我睇番自己嗰時嘅演技好幼嫩呀！真係有好大進步空間。」
倪嘉雯分享與林景程合作：畀空間我去蘊釀情緒
倪嘉雯透露，由於對手戲的對手是資深演員林景程，她在拍攝前感到非常緊張。幸好，林景程在整個拍攝過程中都非常耐心地照顧和指導她，使她能夠在放鬆的狀態下完成拍攝。「雖然景程係前輩，但我哋對戲時，佢係完全令到我感覺唔到有壓力，佢會叫我放鬆啲，我好記得嗰場我第一take係做唔到嘅，但景程有畀空間我去蘊釀情緒之餘，亦有同我分享佢一啲心得、亦有喺對白度幫我，所以我真係好多謝佢。」
倪嘉雯靚樣保養全靠呢一招！
對於頭髮獲得如此多的讚譽，倪嘉雯感到非常高興，並慷慨地分享了她的護髮祕訣：「好多謝網民有留意到我把頭髮，因為我其實好用心打理架（開心笑）。因為拍劇唔同角色都會有唔同髮色要求，我淨係開劇先會染頭髮，如果唔使開劇就會畀頭髮抖下，好少染頭髮。另外因為成日set頭，所以平時我會將髮膜當護髮素用，洗完頭一定會用髮尾油，用任何熱嘅嘢好似吹頭、夾頭髮前，都一定會先搽抗熱product打底，同埋個個月都做一次hair treatment。」
圖片來源：TVB資料或影片來源：原文刊於新假期
