蝦頭

蝦頭親述忘年戀與姊弟戀經歷 視四哥為性幻想對象有原因!

最新娛聞

蝦頭(楊詩敏)拍住連詩雅網上新節目《絲打圍爐》首次做主持,第一集嘉賓是阮小儀,三人圍爐討論兩性關係,當談及忘年戀及姊弟戀經歷,蝦頭除了自爆有戀父情意結,更公開選擇忘年戀性幻想對象是85歲的四哥(謝賢),並大讚他老當益壯。

撰文:東方新地 圖片:《絲打圍爐》發相、《絲打圍爐》影片截圖、東方新地圖片庫

蝦頭、小儀與連詩雅,三個女人一個墟。
蝦頭、小儀與連詩雅,三個女人一個墟。(圖片來源:《絲打圍爐》發相)

蝦頭被小儀爆乜都試過

蝦頭和連詩雅為新節目《絲打圍爐》獻上主持的第一次,仲請埋嘉賓小儀,一開始就擦出火花,蝦頭話自己個胸大過連詩雅,小儀就大爆蝦頭戀愛史,話佢乜都試過,經驗最豐富,蝦頭即否認:「唔係呀!動物未試過!」

小儀一開始就爆蝦頭戀愛經驗豐富,乜都試過晒!
小儀一開始就爆蝦頭戀愛經驗豐富,乜都試過晒!(圖片來源:《絲打圍爐》影片截圖)
蝦頭即澄清未試過同動物。
蝦頭即澄清未試過同動物。(圖片來源:《絲打圍爐》影片截圖)

蝦頭自小有戀父情意結

三個女人一個墟,坐埋講兩性關係,先談忘年戀,連詩雅先講自己唔介意忘年戀,並接受到另一半大自己廿年,小儀笑說代入了自己現在的年紀,可能要去醫院拍拖。蝦頭就話18、9歲時,好想有個年紀大十年的人照顧下;不過人愈大,反而調返轉,想照顧返別人,諗起年輕的男人味同汗味,蝦頭即時展露心心眼,仲流晒口水。

蝦頭自言細個時好戀父,愛大過自己的男人,十幾年都無問題,現在傾得埋就夠了。
蝦頭自言細個時好戀父,愛大過自己的男人,十幾年都無問題,現在傾得埋就夠了。(圖片來源:《絲打圍爐》影片截圖)
蝦頭同小儀都覺得後生仔有陣香的男人味,蝦頭話齌諗都流晒口水。
蝦頭同小儀都覺得後生仔有陣香的男人味,蝦頭話齌諗都流晒口水。(圖片來源:《絲打圍爐》影片截圖)

蝦頭原來係「姜糖」

講到姊弟戀,小儀話就算細自己廿年,只要思想搭通到,都會有幸福感,仲話ERROR中的Edan最得佢心。而蝦頭就含春自爆最愛姜濤︰「我由第一日開始已經係『姜糖』,我欣賞佢有一顆單純、純潔嘅心,我覺得佢好善良。尤其佢攞咗第一名之後,所有人都鍾意佢,佢依然keep住善良嘅心。」仲話如果姜濤追佢一定會受。

蝦頭 小儀話最想同Edan談戀愛,又大讚Edan夠全面似森美,搞笑又得,認真又得,而另一個心動的就會係肥仔,覺得佢份人幾好。
小儀話最想同Edan談戀愛,又大讚Edan夠全面似森美,搞笑又得,認真又得,而另一個心動的就會係肥仔,覺得佢份人幾好。(圖片來源:《絲打圍爐》影片截圖)
蝦頭自爆是姜濤,由始至終都沒有改變。
蝦頭自爆是姜濤,由始至終都沒有改變。(圖片來源:《絲打圍爐》影片截圖)

蝦頭:好想試下四哥

節目中三人又大玩問答遊戲,各自抽一個來自地獄的問題,唔答就要接受大懲罰,小儀被要在首富李家誠、古天樂及森美中,揀一個包養及出價,她竟然出價5蚊揀李嘉誠;而蝦頭就要在圈中揀選忘年戀和姊弟戀的性幻想對象,蝦頭本來想揀姜濤為姊弟戀性幻想對象,但驚畀人打,所以最後揀AK,因為夠大隻,至於忘年戀性幻想對象,她就就鍾情四哥,因為覺得四哥夠壯健,仲好識氹人,應該好好玩:「我真係想試下四哥,覺得佢有啲嘢玩!」

講到忘年戀及姊弟戀,蝦頭就最多嘢講。
講到忘年戀及姊弟戀,蝦頭就最多嘢講。(圖片來源:《絲打圍爐》影片截圖)
要揀姊弟戀性幻想對象,蝦頭唔敢揀姜濤,最後揀大隻的AK。
要揀姊弟戀性幻想對象,蝦頭唔敢揀姜濤,最後揀大隻的AK。(圖片來源:《絲打圍爐》影片截圖)
至於忘年戀性幻想對象,蝦頭諗都唔使諗就揀四哥。
至於忘年戀性幻想對象,蝦頭諗都唔使諗就揀四哥。(圖片來源:《絲打圍爐》影片截圖)
蝦頭話好想試四哥,不過四哥對身邊女伴都好有要求,蝦頭未得付合條件喎!
蝦頭話好想試四哥,不過四哥對身邊女伴都好有要求,蝦頭未得付合條件喎!(圖片來源:東方新地圖片庫)

去片:睇吓三個絲打圍爐講性經

讀者留言