袁偉豪

袁偉豪爆因為張寶兒一句說話發力追求 樂在太太面前做弱者:有乜困難啫?

最新娛聞

廣告

袁偉豪接受Bob林盛斌《人夫放假約出去滾》訪問,大談同太太張寶兒的相識經過,透露因為張寶兒一句說話,令他「飄飄然」然後展開追求﹗袁偉豪提到被指女尊男卑,造成心中鬱結,婚後心態才改變,現在享受在太太面前做弱者,「聽老婆話有乜困難啫?」果然開竅﹗

袁偉豪拍拖前問張寶兒:會唔會做我背後女人?

袁偉豪17年拍攝旅遊節目《打工捱世界II》而認識了張寶兒,一trip定情,袁偉豪話:「每一日我都會飲咖啡,有一日佢走嚟同我講『你都幾似鬼佬㗎喎﹗』,咁我飄飄然,心諗你都幾欣賞我喎﹗之後就同佢人傾人生、音樂,互相試探,傾過會唔會想快啲結婚,跟住我問佢:『咁你會唔會做我背後女人?』,其實嗰時坐緊車轉景,我吔喺車度前後座位,互傳訊息,問完嗰句佢就冇答我喎﹗大家對住個非洲大草原,靜咗﹗」

袁偉豪 袁偉豪大爆未拍拖前,曾試探張寶兒問對方是否願意做其背後女人?
袁偉豪大爆未拍拖前,曾試探張寶兒問對方是否願意做其背後女人?(圖片來源:《人夫放假約出去滾》截圖)

袁偉豪指「嫁畀張寶兒唔使做」心結終解開

袁偉豪話返香港之後互相瞭解,跟住便拍拖,其後公開戀情都被人寫一餐,袁偉豪話:「會話以前又唔認,依家改口?對以前嗰個又唔係咁,依家喺度放閃,大佬,唔關我事㗎喎﹗」袁偉豪話不斷承受外界聲音,公開婚訊換來不是祝福,而是一大堆負評,袁偉豪話:「嗰時好多難聽說話,我覺得呢一行唔需要我咁,啲人會話你同咗一個家境唔錯嘅女仔一齊,你唔使做啦,話我嫁咗畀張寶兒唔使做,呢個鬱結用咗好多時間去解開﹗」

袁偉豪 袁偉豪公開婚訊後,聽到好多難聽說話,令他好長一段日子都鬱鬱不歡﹗
袁偉豪公開婚訊後,聽到好多難聽說話,令他好長一段日子都鬱鬱不歡﹗(圖片來源:《人夫放假約出去滾》截圖)
袁偉豪 阿Bob聽到袁偉豪話:「啲人話我嫁咗畀張寶兒,唔使做啦﹗」之後狂笑,唔知係認同還是羨慕﹗
阿Bob聽到袁偉豪話:「啲人話我嫁咗畀張寶兒,唔使做啦﹗」之後狂笑,唔知係認同還是羨慕﹗(圖片來源:《人夫放假約出去滾》截圖)

袁偉豪享受做小男人:好開心好舒服喎﹗

袁偉豪對張寶兒由做女友到太太都有讚冇彈,更指婚後感覺好正:「我搵到一個人可以喺心靈上有依靠,我可以喺佢面前做一個弱者,其實做一個弱者聽老婆話,有乜咁難啫?幾好呀,唔會有乜困難,好開心,好舒服喎﹗」坦白話唯獨對住太太無需要面子及任何枷鎖,袁偉豪不停大讚張寶兒「識好多嘢」好有學識,自己不及太太:「不論係計錢定思考都好,某程度女人都比男人更透徹,落決定嘅果斷性都係﹗」

袁偉豪 袁偉豪反問喺張寶兒面前做一個弱者有乜困難?仲好開心好舒服㖭﹗
袁偉豪反問喺張寶兒面前做一個弱者有乜困難?仲話好開心好舒服㖭﹗夠晒坦白﹗(圖片來源:《人夫放假約出去滾》截圖 )
袁偉豪 袁偉豪示範平時點對張寶兒撒嬌﹗
袁偉豪大爆在太太面前做弱者,更示範平時點對張寶兒撒嬌﹗(圖片來源:《人夫放假約出去滾》截圖)

重溫袁偉豪肉麻拍片誠實招認張寶兒係佢第一桶金

袁偉豪和張寶兒去年為慶祝結婚一周年,特別安排到灣仔一間酒店Staycation度春宵,張寶兒更拍片放上自己的YouTube頻道,被指是億萬駙馬的袁偉豪,食咗誠實豆沙包,坦言張寶兒是她的最大投資,仲話人生第一桶金就是娶了張寶兒做老婆。

袁偉豪慶祝執到寶一周年。
袁偉豪慶祝執到寶一周年。(圖片來源:YouTube@張寶兒Bowie Cheung)

袁偉豪認真檢討婚後生活

袁偉豪、張寶兒一邊在房間內歎High Tea,一邊檢討過去一年的婚姻生活,袁偉豪直言與張寶兒婚後的相處,舒服過拍拖的日子,原因竟然是請了工人姐姐幫手做家務,張寶兒承認與袁偉豪爭執得最多是在家務方面:「我生出嚟就唔係做家務嘅材料,你唔應該咁用我!」含住金鎖匙出世的張寶兒果然是千金小姐,唔做得家務。

袁偉豪與張寶兒開餐前先錫錫。
袁偉豪與張寶兒開餐前先錫錫。(圖片來源:YouTube@張寶兒Bowie Cheung)
袁偉豪 千金小姐講真話。
千金小姐講真話。(圖片來源:YouTube@張寶兒Bowie Cheung)

袁偉豪:我人生第一桶金就係娶咗張寶兒

片中袁偉豪與張寶兒不斷互數優點,表現出二人是天作之合,張寶兒感激袁偉豪樂意為她拍照、拍片,更加好欣賞丈夫為人坦白、不愛計較,對身邊的人非常大方,袁偉豪又指老婆讓他滿足兒時買車買玩具的興趣,又體諒他與女拍檔拍親熱戲。當張寶兒有少少埋怨他不懂得投資把錢愈滾愈大,早幾年把多年來的積蓄花盡,袁偉豪直言:「我投資咗啦!投資喺你身上囉!我賺到人生第一桶金就係娶咗張寶兒做我老婆。」仲話花盡積蓄娶張寶兒後,都不會覺得自己好窮。

袁偉豪係咪食緊誠實豆沙包?
袁偉豪係咪食緊誠實豆沙包?(圖片來源:YouTube@張寶兒Bowie Cheung)
袁偉豪 張寶兒拍拍心口話自己會升值,是潛力股!
張寶兒拍拍心口話自己會升值,是潛力股!(圖片來源:YouTube@張寶兒Bowie Cheung)
袁偉豪聲言婚前花了很多錢與張寶兒外遊,又話結婚幾乎花光自己的積蓄。
袁偉豪聲言婚前花了很多錢與張寶兒外遊,又話結婚幾乎花光自己的積蓄。(圖片來源:YouTube@張寶兒Bowie Cheung)

惹來網民熱議

袁偉豪婚前與張寶兒以聯名形式斥資超過七千萬購入清水灣豪宅王傲瀧一個複式花園單位共築愛巢,當時有傳四千萬首期由女友張寶兒父親張煌煌支付,當作愛女嫁妝,被封「億萬駙馬」的袁偉豪看來已豁出去,不再介意外間的閒話,網民都笑指袁偉豪好老實,為氹有米老婆終於講出了心底話。

袁偉豪終於承認張寶兒是他人生最大的投資。
袁偉豪終於承認張寶兒是他人生最大的投資。(圖片來源:YouTube@張寶兒Bowie Cheung)

袁偉豪入豪門做三億駙馬

2020年於疫市下藝人收入大受影響,袁偉豪與張寶兒卻在這個非常時期以7千萬入市,對於從未買過樓的袁偉豪來說,是次行動非常大膽,如果沒有張寶兒娘家作為後盾,單靠男方的資金,應該唔敢行出這一步,袁偉豪回應是否買定豪宅做新愛巢時說:「人生有好多唔同嘅路要行,有時候係要勇敢去面對未來,多謝。」

張寶兒和袁偉豪17年合作拍攝《打工捱世界II》擦出愛火花,完成拍攝回港後戀情即曝光,二人亦大方認愛。
張寶兒和袁偉豪17年合作拍攝《打工捱世界II》擦出愛火花,完成拍攝回港後戀情即曝光,二人亦大方認愛。
拍拖一年合作拍劇集《鐵探》 ,拍攝期間袁偉豪喪父,幸有張寶兒在旁陪他過渡,令二人感情迅速昇華。
拍拖一年合作拍劇集《鐵探》 ,拍攝期間袁偉豪喪父,幸有張寶兒在旁陪他過渡,令二人感情迅速昇華。(圖片來源:新傳媒圖片庫)
前年袁偉豪帶身患重病的父親外出飲茶,張寶兒亦有同行並協助袁母收起輪椅,如此乖巧又孝順的女仔,當然深得袁母歡心,早已視她為新抱仔。
袁父生前,袁偉豪帶身患重病的父親外出飲茶,還未做袁家新抱的張寶兒亦有同行並協助袁母收起輪椅,如此乖巧又孝順的女仔,當然深得袁母歡心,早已視她為新抱仔。(圖片來源:東方新地)

袁偉豪爆因為張寶兒說了什麼話而展開追求?

袁偉豪張寶兒當年因到非洲拍攝《打工涯世界II》而撻著…詳情請看

袁偉豪與張寶兒結婚被指「唔使做」,他現時有何感受?

袁偉豪表示當時聽盡不少難聽說話,成為心中鬱結,但今日已經解開了…詳情請看

撰文:東方新地圖片來源:《人夫放假約出去滾》截圖、YouTube@張寶兒Bowie Cheung、東方新地