袁偉豪

袁偉豪疑不滿成《愛.回家》影射情節 爆Seed鬧「繼續無限放大?」後刪Po

最新娛聞

廣告

無綫小生袁偉豪又網上爆Seed?事緣他接受《Star Talk》的訪問昨晚(18/11)播出,提到近年成為箭靶被攻擊感到壓力大,加上昨晚TVB劇集《愛.回家之開心速遞》播出一集,當中角色KC有對白:「我而家欠咗你班傳媒呀?」又出現「軟飲王」情節,似衝著袁偉豪而來,難怪他晚上再出po爆seed:「點解啲報道,永遠都係錯重點?明明係宣傳新歌,講吓近況,但係永遠出嚟就係錯重點嘅呢?又繼續無限放大 ?」但他轉頭又刪走這個限時動態!

袁偉豪疑不滿成開心速遞影射情節 爆seed「繼續無限 袁偉豪昨晚又出po呻被誤解,但冇耐又刪走這個限時動態。
袁偉豪昨晚又出po呻被誤解,但冇耐又刪走這個限時動態。(圖片來源:IG@benontheroad)
袁偉豪疑不滿成開心速遞影射情節 爆seed「繼續無限 佢亦曾經於Facebook留言表示「我欠左你地班傳媒」?
佢亦曾經於Facebook留言表示「我欠左你地班傳媒」?(圖片來源:FB@袁偉豪)

重現「而家欠咗你班傳媒呀?」對白

袁偉豪早前被冠以「三億駙馬」,又被網民開post群插走樣,曾嬲豬發長文爆Seed,今年九月,金像獎最佳男配角得主馮皓揚退修TVB藝員訓練班的相關新聞中,導師之一的袁偉豪被網民質疑導師資格,事後袁偉豪在Facebook轉發相關的報道,嬲嬲留言:「我欠咗你哋班傳媒?」

湊巧向來貼地的TVB處境劇《愛回家之開心速遞》昨晚播出一集,講到KC因為節目腰斬,被傳媒追訪期間同記者交惡,爆seed話:「你質夠我未呀?我而家欠咗你班傳媒呀?」完全是以袁偉豪鬧傳媒事件做故事素材,對白又有出現「軟飯王」、「靠姐夫上位」情節。

袁偉豪疑不滿成開心速遞影射情節 爆seed「繼續無限 《愛.回家》最新一集影射袁偉豪鬧傳媒的對白。
《愛.回家》最新一集影射袁偉豪鬧傳媒的對白。(圖片來源:TVB愛回家》截圖)
袁偉豪疑不滿成開心速遞影射情節 爆seed「繼續無限 《愛.回家》指KC被網友話係「軟飯王」,充滿聯想。
《愛.回家》指KC被網友話係「軟飯王」,充滿聯想。(圖片來源:TVB愛回家》截圖)

質疑傳媒「點解永遠錯重點」?

再加上昨晚播出袁偉豪接受《Star Talk》的訪問,除宣傳新歌及分享製作心得外,袁偉豪亦提出成為眾人箭靶感到壓力大和不公平:「其實好大壓力,但我好被動,嗰段時間好低潮,好迷失,覺得工作上付出咗咁多,但反而外來嘅聲音,專注唔係工作上,而且仲成為箭靶,覺得有啲唔公平,變咗有一種好失落嘅感覺,成個人都冇晒光彩,跌咗落漩渦中。」袁偉豪再度於晚上出po爆seed:「點解啲報道,永遠都係錯重點?明明係宣傳新歌,講吓近況,但係永遠出嚟就係錯重點嘅呢?又繼續無限放大 ?」他更希望大家不要搬字過紙,集中在他的音樂作品上,不過袁偉豪未知何解,今日已刪走這個限時動態!

袁偉豪疑不滿成開心速遞影射情節 爆seed「繼續無限 袁偉豪接受《Star Talk》訪問,講新歌之餘又講自己大壓力。
袁偉豪接受《Star Talk》訪問,講新歌之餘又講自己大壓力。(圖片來源:IG@benontheroad)
袁偉豪疑不滿成開心速遞影射情節 爆seed「繼續無限 雖然袁偉豪被冠以三億駙馬之外,但張寶兒表示是袁偉豪養活她的日常。
雖然袁偉豪被冠以三億駙馬之外,但張寶兒表示是袁偉豪養活她的日常。(圖片來源:IG@benontheroad)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:IG@benontheroad、TVB愛回家》截圖