袁偉豪

袁偉豪拍片教整Pizza 大晒6千萬豪宅開放式廚房 屋內一幅壁畫勁誇

最新娛聞

廣告

42歲的袁偉豪(Benjamin)自去年拍完《法證先鋒V》後一直未有劇拍,被指遭無綫雪藏,不過袁偉豪就唔認,仲自爆早前開工作室做老闆,專注做音樂同寫劇本,好充實。近月見袁偉豪頻頻入廚,得閒整Pizza又整牛角包,令6千萬愛巢內的開放式廚房曝光。

袁偉豪 袁偉豪好得閒指片教大家整Pizza。
袁偉豪好得閒指片教大家整Pizza。(圖片來源:IG@benontheroad)

袁偉豪粉碎雪藏傳聞

袁偉豪清閒了一年幾,與老婆張寶兒拍落的旅遊節目《同屋企人去旅行》終於見街,日前二人出席記者會時袁偉豪回應沒有被無綫選入最新「九大焦點藝人」,仲自爆下半年將會開拍兩部劇,推翻被雪傳聞。

袁偉豪 袁偉豪大講整Pizza心得。
袁偉豪大講整Pizza心得。(圖片來源:IG@benontheroad)
袁偉豪 親自放入特製Pizza的烤爐。
親自放入特製Pizza的烤爐。(圖片來源:IG@benontheroad)

袁偉豪整Pizza一腳踢

養尊處優了一段長時間,袁偉豪開發了另一興趣,在家入廚打發時間,早前分享完無師自學牛角包,再拍片分享自製Pizza的經過。袁偉豪甚有步驟解說,如何又搓麵團開始,見他把Pizza放入特製的烤爐,有板有眼,而製成品亦似模似樣。袁偉豪看來非常滿意,更留言:「好好建立自己的興趣」,他更表示有意開一間尋於自己的餅店或咖啡店,諗定後路轉型都啱嘅!

袁偉豪 近開放式廚房的一邊牆身有一張夫婦巨型頭像壁畫。
近開放式廚房的一邊牆身有一張夫婦巨型頭像壁畫。(圖片來源:IG@benontheroad)
袁偉豪 另一個角度睇幅畫真係大得誇張。
另一個角度睇幅畫真係大得誇張。(圖片來源:IG@benontheroad)

夫婦巨型頭像壁畫搶fo

袁偉豪整Pizza的同時,其位於清水灣傲瀧花園的6千萬複式豪宅內的開放式廚房內亦意外曝光,而靠近廚房一邊牆的壁畫是他與老婆張寶兒的大頭照,佔據了成幅牆好誇張,畫中的袁偉豪低頭閉眼與張寶兒頭貼頭,特顯二人超級無敵恩愛與自戀程度。

袁偉豪 袁偉豪邊焗Pizza邊說好想開自家Pizza店、麵包店或咖啡店。
袁偉豪邊焗Pizza邊說好想開自家Pizza店、麵包店或咖啡店。(圖片來源:IG@benontheroad)
袁偉豪 袁偉豪親手整的Pizza賣相的確唔錯。
袁偉豪親手整的Pizza賣相的確唔錯。(圖片來源:IG@benontheroad)
袁偉豪 袁偉豪仲識得整牛角包。
袁偉豪仲識得整牛角包。(圖片來源:IG@benontheroad)

屋內裝修奢華有型格

袁偉豪3年前迎娶張寶兒,婚前二人聯名買入逾6,568萬的傲瀧花園,實用面積2,205平方呎,連568平方呎的私人花園,呎價近3萬元,同時二人還以400萬購入兩個車位,作為婚後愛巢。雖然袁偉豪極度介意被叫「億萬駙馬」,但他曾承認買樓是由岳父主導,仲話層樓佢都有份供。從袁偉豪拍的短片可看到其愛巢內部裝修奢華,走型格路線,而近年愛上入廚的袁偉豪更主理家中開放式廚房,除了購入專焗Pizza的烤爐外,還買了一部專業咖啡機,好讓冇工開的日子,袁偉豪可以大展身手。

袁偉豪 原來之前兩夫婦都有一齊在家拍片,袁偉豪負責在旁搞搞震。
原來之前兩夫婦都有一齊在家拍片,袁偉豪負責在旁搞搞震。(圖片來源:IG@_bowiecheung)
袁偉豪 袁偉豪有部咖啡機自己沖咖啡,仲試過表演拉花。
袁偉豪有部咖啡機自己沖咖啡,仲試過表演拉花。(圖片來源:IG@benontheroad)
袁偉豪 袁偉豪另一張抱住兩隻愛貓的照片,見到其豪宅內的樓梯,他身後的牆亦掛滿二人的生活照,屋內裝修走型格路線。
袁偉豪另一張抱住兩隻愛貓的照片,見到其豪宅內的樓梯,他身後的牆亦掛滿二人的生活照,屋內裝修走型格路線。(圖片來源:IG@benontheroad)
袁偉豪 與張寶兒結婚3年,袁偉豪最反感被封「億萬駙馬」。
與張寶兒結婚3年,袁偉豪最反感被封「億萬駙馬」。(圖片來源:IG@benontheroad)

袁偉豪伙拍有錢老婆拍新節目

袁偉豪與富貴老婆張寶兒在2017年拍攝《打工捱世界II》節目定情,6年後再以夫妻檔拍攝新旅遊節目《同屋企人去旅行》,袁偉豪表示好開心可以邊拍節目,邊帶住老婆周圍去,花式曬恩愛。袁偉豪又話今次拍攝節目到汕頭、汕尾、潮州等地,不少內地粉絲都認得出自己,仲叫自己做《使徒行者3》角色名「天堂哥」,感到非常開心。

袁偉豪 億萬駙馬袁偉豪與富貴老婆張寶兒以夫妻檔拍攝新旅遊節目《同屋企人去旅行》
億萬駙馬袁偉豪與富貴老婆張寶兒以夫妻檔拍攝新旅遊節目《同屋企人去旅行》(圖片來源:IG@_bowiecheung)
袁偉豪 袁偉豪話好開心可以同老婆邊工作邊拍拖。
袁偉豪話好開心可以同老婆邊工作邊拍拖。(圖片來源:IG@_bowiecheung)

袁偉豪富貴開工作室做老闆搞音樂

袁偉豪早前未有被選為邵氏兄弟「九大焦點藝人」,袁偉豪就話雖然自己依然係TVB藝人,演戲方面都會等公司安排,但其實自己早已經成立工作室,專注做音樂同拍MV,拍MV方面自己亦會嘗試寫劇本。

袁偉豪 袁偉豪早已經成立工作室,專注做音樂同拍MV
袁偉豪早已經成立工作室,專注做音樂同拍MV(圖片來源:IG@benontheroad)

袁偉豪親自回應雪藏傳聞

去年拍完《法證先鋒V》之後一直未有新劇在手的袁偉豪,昨日亦親自開腔回應被雪藏的傳聞。袁偉豪表示即將會在六月開始拍攝新劇,今年下半年都已經有兩套劇在手,其他空餘時間都會專注做音樂,希望大眾耐心期待自己的作品。

袁偉豪 去年拍完《法證先鋒V》就冇新劇嘅袁偉豪,昨日接受訪問時表示話下半年有兩套劇係手,非常風騷。
去年拍完《法證先鋒V》就冇新劇嘅袁偉豪,昨日接受訪問時表示話下半年有兩套劇係手,非常風騷。(圖片來源:TVB《法證先鋒V》截圖)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:IG@_bowiecheung、IG@benontheroad