袁文傑

袁文傑論電擊頸箍:當係階下囚定奴隸?

最新娛聞

廣告

由袁文傑、麥美恩、馮盈盈、朱智賢、陳煒等主持的全新飲食節目《食得好健康》,今日下午舉行了記者會,其中煒哥及蔣怡擔任嘉賓廚師晒廚藝,而三位好嘈的麥美恩、馮盈盈同朱智賢都不忘喺現場調戲袁文傑,大講有味笑話!而最近有唔少關於動物的新聞都引起各界熱論,愛動物之人袁文傑當然有意見!

煒哥唔急拍拖

擔任嘉賓主持的煒哥,今次節目中會以新鮮食材煮出健康食物,因為現在好多人都注重養生方面,自己身為藝人都要長時間保養自己皮膚,所以喺養生方法呢方面都會幫到大家。至於剛剛過去的聖誕節,煒哥表示自己都係拍劇中度過;至於感情方面,佢就表示係急唔嚟,順其自然啦,何況自己都有好多工作要做!

馮盈盈講有味笑話

袁文傑今次節目中同三位靚女拍擋合作,而佢哋三個都出晒名係好嘈,袁文傑表示唔怕被嘈親,始終一個節目熱鬧啲好!眾人更在現場大講有味笑話,袁文傑笑問麥美恩「你對奶敏感?」、馮盈盈示範包燒賣時又問「燒賣係用咩皮包?」現場爆笑!

談及導盲犬被投訴

最近有導盲犬被投訴話個樣嚇親細路,而被要求戴口罩,被問到知唔知道呢單新聞,出晒名係愛動物之人的袁文傑表示自己唔係太留意呢一單新聞,但始終覺得大家喺呢一方面仲會戴有色眼鏡去對待,所以認為要再提高大家呢方面的知識,因為狗狗始終係人類的最好朋友,應該要寬容對待。

袁文傑論電擊頸箍

對於電擊頸箍話可以訓練狗狗聽話,袁文傑就冇接觸過呢一方面的事,佢表示大家可以當一套戲咁睇,想像你將呢樣嘢帶落人身上,係代表階下囚或者係奴隸的話,放在狗狗身上都係同一道理,當然唔希望見到呢類事件發生。袁文傑最後無奈道:「大家都知道我對待流浪動物關心係好多,知道好難阻止呢類事件發生,但希望盡量少之又少啦。」

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!