袁沅玉離巢後終貼出父女合照！前TVB新聞之花被傳5年係高層袁志偉姪女

袁沅玉 轉減齡新Look變身美少女

現年28歲的袁沅玉自上月宣布離巢後，至今尚未公布新去向，不過她近日就在社交網公布了她的新形象，原來她轉了一個擁有空氣瀏海的新髮型，令她看起來減齡了不少，她也笑言：「爸媽都說我變小朋友了！」

網民大讚似未成年中學生

袁沅玉的新Look引來不少網民留言大讚又cute又靚女：「變咗美少女」、「巧打意」、「青春咗」、「好似中學生」、「成個小妹妹咁，好似初初出來社會打拼」、「妹妹，夠16歲未呀」、「妹妹影完相好去換身份證啦」等。

趁父親節出po澄清：其實我爸爸不是電視台高層

除了出po公開自己的新形象外，袁沅玉日前趁著父親節，又曬出與父親的合照，分享自己有一個偉大的爸爸之餘，又澄清：「被人問咗好多年，其實我爸爸不是電視台高層，又不是誰誰達官貴人，只是普通不過的一個平凡人。」並Hashtag講明雖然同樣係「袁家」，但自己「不是姪女」！

網民柯南上身：同花哥全完唔同樣

網民對此紛紛柯南上身，表示：「謎底終於解開啦！」、「一路都覺得佢唔係花爺（指袁志偉）啲親戚」、「我一直都深信沅玉同花爺喺冇關係」、「（袁父）同花哥（袁生）全完唔同樣」、「沅玉係靠實力，因為佢做主播同主持都好受歡迎」、「之後會唔會傳妳係袁紹、袁術、袁崇煥、袁枚、袁世凱其中一位嘅後代」等等。

入TVB五年極速上位曾被傳係袁志偉姪女

袁沅玉於2017年曾在有線新聞做實習記者，2018年浸會大學傳理系畢業後，她便加入無綫新聞台做主播，由報天氣開始，未夠一年已有個人節目《武測天》與香港天文台助理台長梁榮武一齊做主持，更迅速升職至高級主播，曾被指上位速度快過火箭。有指現年28歲的Yuki能如此快速上位，全因是無綫新聞部助理總經理袁志偉的姪女，不過消息從未能證實，如今更被袁沅玉親自出po澄清。

仲有其他袁沅玉靚相：