直擊許晉亨邊打波邊開餐 落區打波冇預李嘉欣！

撰文：東方新地｜圖片：東方新地

李嘉欣 許晉亨 迷上打乒乓

老婆係大美人李嘉欣，凍齡有方身材樣貌多年不變，作為另一 半的57歲許晉亨當然要追貼老婆，運動keep fit一樣唔少得，原來兩公婆除咗愛出埠滑雪享受富貴玩意，近年兩人同樣迷上打乒乓波。 據知情者透露：「Michele（李嘉欣）咁多年都好緊張keep住做運動，唔會畀自己偷懶變肥，當然會監督埋老公，其實佢覺得有冇型都係其 次，最緊要係想老公keep住健康，本身Michele運動好多元化，一直 同老公都好鍾意滑雪，近期兩個仲迷上打乒乓波，好多時Michele都 會落場陪老公一齊打。」

恩愛放閃
許晉亨同大美人老婆李嘉欣結婚十年，恩愛有增冇減，嘉欣更 愛在個人社交網分享同老公合照，早前幫老公慶生亦不忘放 閃。

當日許晉亨 先在跑馬地馳名 燒味茶餐廳買燒味， 買咗燒鵝、白切雞 等美食，準備開 波兼開餐。

傳每月生活費200萬

家族顯赫的許晉亨，爺爺是已故船王巨富許愛周，父親許世勳是中建企業主席，家族資產估計高達420億，不過許愛周將家族資產採用基金管理形式，家族成員未有直接分到遺產，反而是透過管理基金每月發放豐厚生活費，去年底許世勳離世，一直透過家族信託基金出糧的許晉亨，有傳每月獲派的生活費大幅調高至200萬，戶口水浸，許晉亨生活卻有貼地一面。

日前他約波友打乒乓波，竟然冇 揀私隱度高的自家豪宅或私人會所，反而透過康文署book場，在黃泥涌運動場館練波，相當平民，當日未見老婆李嘉欣同行，許晉亨 出發去運動場館前，更先去附近馳名燒味茶餐廳買燒鵝、白切雞等 美食，然後會合好友一同到運動場館，練波練足兩個鐘，不過許晉 亨打波夠寫意兼與別不同，邊食邊打，同教練打完一局，就去場邊 同好友食嘢吹水，另類運動法keep fit，許晉亨相當享受！

貴為百億「富三代」，許晉亨打乒乓波都冇揀喺私人會所玩，反而選擇去康文署轄下運動場館，不過最破格都係邊打波邊開餐，食住燒鵝練波認真與別不同。

贏波好興奮

許晉亨搵教練一齊練波兩個鐘，每 打贏一球都舉高手表現興奮，玩得 相當投入！

長凳放滿各款燒味，許晉亨打完一局就埋去食嘢補充 體力，期間一名波友仲攞住個壺倒出疑似係酒嘅飲料 給眾人，許晉亨邊食邊飲相當痛快。

落手執波

雖然含住金鎖匙出世，不過當日所見，許晉亨 並冇翹埋手等人服侍，打完波仲自己落手執波。

自己揸車

打波兩小時，許晉亨離開時同友人先放嘢入車尾箱，雖然有司機同行，但許晉亨卻選擇自己揸車離開。

老婆都打

夫妻同樣迷上打乒乓波，之前李嘉欣就曾在個人社 交網 po 出自己練乒乓波的 短片，仲打得好有姿勢。

去年底父親許世勳病逝，許晉亨 同老婆李嘉欣拖住手出席喪禮。

痛錫孫仔

許世勳生前好痛錫孫仔Jayden， 11年就曾豪花 500萬為孫仔搞百 日宴，可見他對兒媳非常愛錫！

用心教子

婚後減產相夫教子的李嘉欣，近年將 全副精神照顧愛兒Jayden，更坦言寧 做「虎媽」都唔想兒子被寵壞，教仔用 心良苦！