Ivy So自認從來唔覺自己靚 Locker爆對3、4位COLLAR成員超心動

Ivy So大爆未有對象 唔鍾意壞男孩？

整個測慌機過程由《試當真》游學修主持，問主演的成員唔同的問題，問題都相當「啜核」！先由Ivy So講起，問到有無遇到100分的人，Ivy就表示未有，游學修再問咁一百分的男仔係點？Ivy就表示係好體貼到佢現時情緒的變化，特別係接咗呢套《百分百感覺 2024》的舞台劇令佢壓力山大！而對象方面，Ivy暫時仲未有對象，大爆如果想同佢有進一步要用幽默攻勢。游學修問到2位主演的男士中，有無邊啱Ivy心水，Ivy表示雖然Locker好笑啲，但都唔啱，因為2人俾人感覺會成日去蒲的男仔！似乎Ivy係鍾意乖乖仔。

Ivy大爆係「連登仔」 覺得自己唔靚！

游學修再問Ivy覺得自己係唔係COLLAR成員中最靚，Ivy就表示唔覺得自己最靚，覺得Day先係最靚，而且坦然覺得自己係醜樣，仲話睇到網上討論區的網民經常對佢的容貌作出評價，並且表示認同，更坦言「都唔知點解人哋會覺得自己係靚」。被問及有沒有該討論區的帳號，她笑稱有，，不過就唔會留言，只係為了睇加密留言！

Ivy被提醒要小心Locker 私底下唔好覆佢！

游學修再問Ivy身邊有無人提醒佢要小心Locker呢個人，Ivy尷尬表示有，叫佢小心啲，唔好同Locker行得太埋，仲叫Ivy私底下唔好理佢，唔好覆佢信息！問到吳肇軒，Ivy就話佢個人唔搞笑，但有節目效果，直頭有反映過佢唔搞笑，但係佢無理，仲大爆佢個人都幾幼稚似足小朋友。

Locker從未遇到一百分的女仔！

游學修問Locker林家熙無遇過100分的女仔，Locker坦然「冇」，游學修即寸Locker「咁你點解要拍拖呀？」，疑似暗寸Locker眼角高，連前女友Kayan9896都沒有100分。游學修再追問Locker在COLLAR的7位成員入面揀選，Locker表示沒有100%心動的人，但卻漏口風稱「有feel嘅都有」，他面紅表示大約有3、4個，但拒絕透露是誰！

2位男主演都揀Ivy So！

2位男主演都揀Ivy So！問到Locker點睇Ivy時，Locker表示幾有趣，話Ivy個人好男仔頭，男仔頭係吸引佢。而吳肇軒都揀咗Ivy，有成100分中有成70分，而點解唔揀顏卓靈，係因為覺得顏卓靈個人太認真，用「妙麗」嚟比喻佢。

睇片：

《百分百感覺 2024》 愛上你的感覺故事大綱：

廣告公司工作的許樂（Locker林家熙 飾）和 Jerry（吳肇軒 飾），是同事、好友、二人更一同合租公寓，在一次工作中遇上少女 Cherie（Ivy@COLLAR飾） 。在許樂心目中 Cherie 是他等待已久的 100 分女孩。許樂出盡計謀希望抱得美人歸。但怎料竟然被 Jerry 捷足先登。Jackie（顏卓靈 飾）為保護好友 Cherie 也與三人纏上。 憑著感覺的帶領，眾人聚在一起。Cherie 想二人關係更進一步，Jerry 卻對 Cherie 若即若離。而追求失敗的許樂卻依然對 Cherie 一往情深不離不棄，作為朋友的 Jackie 也陷入自我懷疑的危機。大家努力維持「關係」，但當面對「關係」與「感覺」的抉擇，眾人如何選擇？人會轉變，那「感覺」也會變嗎？當初的那個「百份百感覺」的成份還有甚麼？

舞台劇《百分百感覺 2024》門票現已公開發售：

2024年1月13-14, 16-21日 8PM；2024年1月14, 20-21日 3PM
$780/ $680/ $580/ $480