試真 D 唷｜江美儀試食$12.5高雄巨無霸飯糰！原欲三人分食 結局竟失控狂掃？
江美儀吳業坤高雄街頭失控 激讚「飯糰界A380」
節目中，江美儀、吳業坤（坤哥）及曾展望（GM）首站踏足高雄，即被一款被形容為「飯糰界A380」的巨無霸飯糰吸引。這款高雄馳名的「銅板美食」叫價僅50台幣（約12.5港元），但配料選擇竟超過50種，當中不乏腓力雞、燒肉、燻茶鵝等肉品，相當誇張。起初三人還打算一個飯糰三人分食，慳家試味，但當江美儀咬下第一口後，即時瞪大雙眼，完全推翻先前的想法。只見GM更食到開心到原地𧨾腳，完全沉醉在美食世界，而坤哥亦在一旁表現得心急如焚，場面極度搞笑。
江美儀金句連發：「真係好好食」 GM食到忘我大叫離譜
這款飯糰的美味程度令主持們完全失控，江美儀試食後即時開啟「洗腦式」讚美，對著鏡頭連說三次：「好好食呀」、「真係好好食」、「係咪好好食？！」，更專業地點評：「個飯軟硬程度啱啱好嘅」。而為食的GM則完全被征服，一邊大啖飯糰一邊含糊不清地大讚：「個柴魚勁好食」、「離晒譜呀！」，興奮到連江美儀在旁邊說話都忘記給反應。坤哥亦忍不住表示：「我已經好心急想買多個喇。」最終，三人放棄分享計劃，回歸飯糰檔每人豪掃一個足料飯糰再加豆漿，並給出4.67分的超高評價。
《試真 D 唷》衝出香港 張振朗江美儀領軍玩轉台灣
全新節目《試真 D 唷》由江美儀、朱敏瀚、吳業坤、曾展望GM及視帝張振朗組成主持陣容，貫徹首季輕鬆搞笑、有話直說的貼地風格。今季製作團隊更衝出香港，帶領觀眾去到台北、台南及高雄「試真 D」，發掘當地最地道的美食與玩意。在昨晚播出的第一集，主持團隊便率先登陸高雄，除了試食引發哄動的巨無霸飯糰外，亦會繼續發掘更多平、靚、正的旅遊Item，為觀眾帶來最真實的試玩報告。
網民睇到流口水：「隔住個Mon都聞到香！」
節目播出後，該款巨無霸飯糰隨即引起網民熱烈討論，不少觀眾都表示睇到口水直流。有網民留言大讚：「睇到我即刻想飛去台灣！個飯糰睇落好足料！」、「GM個為食樣太好笑，完全係我見到美食嘅反應！」、「12.5蚊真係平到笑，香港邊度搵？」、「江美儀食得好滋味，睇得出係真心推介！」、「求地址！下次去高雄一定要試！」。
