靚靚詹天文著旗袍跳Jisoo新歌 秒變中國風初熟美少女
詹天文旗袍look海上跳舞騷長腿細腰
詹天文近日突然大玩旗袍look出海，唔少網民都留大讚，仲話只有17歲的詹天文好有古典美人Feel「樣真心好睇！」「民初美女」「可以拍古裝劇呀」其後After Class IG的粉絲專頁po出詹天文喺船上跳舞的影片。影片中詹天文著住旗袍跳上BLACKPINK成員之一Jisoo新歌꽃(FLOWER），開大叉的旗袍配上fit爆的詹天文，騷出長腿細腰！
網民意見兩極：對波鞋想點？
雖然詹天文已經講咗因為自己租咗旗袍但唔夠時間租鞋，所以先會著波鞋，叫大家唔好因為佢對波鞋而出戲，但網民似乎都係覺得波鞋好影響整體觀感「旗袍唔著白絲+露指鞋係？」「似大陸玩直播小姐姐」「對波鞋想點？」「真係以為詹sir又扮女人着旗袍」「用埋啲咩app拉長個人」
重溫詹天文單曲MV著校服曬長腿
詹天文早前穿上校服拍攝新歌《沒有你的新學期》MV，白裇衫百摺裙，大晒青春氣息，被指過去造型過分成熟又娘味濃，「依家做番自己係真學生妹，無得輸」，詹天文的新歌MV更是在自己學校拍攝，「勁真實，初熟最珍貴」。
詹天文撞樣米露迪
詹天文在MV中，與幾位同學的校園生活，在學校奔跑、著住校裙打籃球、自拍、互相整蠱等。網民大讚Windy的少女味滲晒出來，勝過After Class其餘三位成員，更指愈大愈標緻的Windy與網紅米露迪（米媽）撞樣，大讚「TVB米露迪」、「同米媽一樣樣」，Windy除了年紀優勝，更擁有一對逆天長腿，十分養眼。
網民：被炎明熹耽誤事業
網民戥詹天文唔抵，指她被TVB忽略，加上女團After Class中，Chantel到澳洲升學，GiGi正考DSE，考試後好大機會到國內升學，令女團名存實亡，Windy就慘被耽誤事業及青春。網民狠批大台「執到好籌都唔識用」、「呢啲真學生妹先正，好過啲廿幾三十歲扮中學生」、「Windy值得更多」、「平心以論Lollytalk係成隊爆出嚟啲歌hit咗，但以After Class如果逐個單飛都無一個會輸，Windy仲要跳得」、「After Class係香港當今女團年紀最細，最青春，年齡已經贏晒COLLAR同Lollytalk」、「Windy轉公司應該會有更好發展」、「大台將所有資源放喺炎明熹度，有剩先詹天文、鍾柔美分，被炎明熹拖累」、「勸Windy快啲轉公司，唔好浪費青春本錢」等。
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
