17歲詹天文新歌校服上陣靚爆鏡 網民：呢啲真學生妹先正！
廣告
詹天文（Windy）參加《聲夢傳奇》時只有15歲，雖然人仔細細但已經靚爆，後來與炎明熹（GiGi）、姚焯菲（Chantel）和鍾柔美組成女團After Class，向來人氣不及隊員。近日詹詹就推出新歌，MV中穿上校服做學生妹，網民驚訝原來詹天文已成初熟美少女，仲話大台一直走寶咁話！
詹天文組女團After Class 潛力被忽略
詹天文近日穿上校服拍攝新歌《沒有你的新學期》MV，白裇衫百摺裙，大晒青春氣息，被指過去造型過分成熟又娘味濃，「依家做番自己係真學生妹，無得輸」，詹天文的新歌MV更是在自己學校拍攝，「勁真實，初熟最珍貴」。
詹天文 撞樣米露迪
詹天文在MV中，與幾位同學的校園生活，在學校奔跑、著住校裙打籃球、自拍、互相整蠱等。網民大讚Windy的少女味滲晒出來，勝過After Class其餘三位成員，更指愈大愈標緻的Windy與網紅米露迪（米媽）撞樣，大讚「TVB米露迪」、「同米媽一樣樣」，Windy除了年紀優勝，更擁有一對逆天長腿，十分養眼。
網民：被炎明熹耽誤事業
網民戥詹天文唔抵，指她被TVB忽略，加上女團After Class中，Chantel到澳洲升學，GiGi正考DSE，考試後好大機會到國內升學，令女團名存實亡，Windy就慘被耽誤事業及青春。網民狠批大台「大台眼大睇過龍唔捧正妹！」、「執到好籌都唔識用」、「呢啲真學生妹先正，好過啲廿幾三十歲扮中學生」、「Windy值得更多」、「平心以論Lollytalk係成隊爆出嚟啲歌hit咗，但以After Class如果逐個單飛都無一個會輸，Windy仲要跳得」、「After Class係香港當今女團年紀最細，最青春，年齡已經贏晒COLLAR同Lollytalk」、「Windy轉公司應該會有更好發展」、「大台將所有資源放喺炎明熹度，有剩先詹天文、鍾柔美分，被炎明熹拖累」、「勸Windy快啲轉公司，唔好浪費青春本錢」等。
