詹天文

詹天文@After Class生日應援巴士面世 網民狂踩似奶粉廣告 聲夢次次都炒車?

最新娛聞

廣告

潮流興偶像生日,粉絲買巴士廣告做應援,不過就唔係架架生日巴士都整得靚,好似3月2日踏入17歲的After Class成員詹天文Windy咁,佢架應援巴士就出晒事,被網民彈到一文不值,除了設計同製作唔掂,仲有網民話似奶粉廣告!

詹天文 有網民在連登討論區po了這張應援巴士相,引發一輪熱討。
有網民在連登討論區po了這張應援巴士相,引發一輪熱討。(圖片來源:連登討論區)
詹天文 詹天文是After Class其中一員右二),不過知名度最低。
詹天文是After Class其中一員(右二),不過喺四女中知名度算係最低。(圖片來源:IG@win_dy__)

詹天文@After Class奀到無人識?

偶像生日應援巴士近年大行其道,不過今次呢位壽星女就真係唔係人人識,21年參加《聲夢傳奇》打入十強,現為星夢娛樂旗下「愛爆音樂」女歌手及女子組合After Class成員之一的詹天文,將於3月2日17歲生日,其粉絲名稱為「天文台」,為她買下巴士廣告慶祝生日。近日就有網民拍下詹天文的應援巴士,不過就話唔知佢係邊個,並在討論區出po問「點解依家越黎越多不知名人士喺巴士落廣告,真係唔知個醜字點寫?」

詹天文 網民完全唔知架巴士主角係邊個?
網民完全唔知架巴士主角係邊個?(圖片來源:連登討論區)
詹天文 詹天文應援巴士的右面車身。
詹天文應援巴士的右面車身。(圖片來源:連登討論區)
詹天文 詹天文應援巴士的左面車身。
詹天文應援巴士的左面車身。(圖片來源:連登討論區)

天文巴士被彈Bad taste

由出道至今,詹天文無疑是After Class最唔起眼的一個,不少網民都唔知佢係乜水,其生日應援巴士亦被批評整體非常唔掂,無論背景與設計都被網民彈到一文不值,大部份留言都不留情面,包括:「奀到咁,我係佢就包返呢架巴士唔好比佢出車廠啦」、「佢依個妝加個pose勁似屯門娜娜啲friend」。

詹天文 網民直指詹天文係奀星。
網民直指詹天文係奀星。(圖片來源:連登討論區)
詹天文 笑埋佢個名。
笑埋佢個名。(圖片來源:連登討論區)
詹天文 似長輩圖。
似長輩圖。(圖片來源:連登討論區)
詹天文 揀相唔掂,似屯門娜娜個朋友。
揀相唔掂,似屯門娜娜個朋友。(圖片來源:連登討論區)

再被網民批設計老土

此外,網民仲笑架巴士成個廣告設計勁老土,字體唔掂總之就係失敗之作,仲指出個生日日子寫「03/02」會被誤會是2月3日,其實詹天文的正日生日是3月2日,設計者更被嘲是「文盲腦殘」。

詹天文 字型同emoji被批唔掂。
字型同emoji被批唔掂。(圖片來源:連登討論區)
詹天文 網民話似奶粉廣告。
網民話似奶粉廣告。(圖片來源:連登討論區)
詹天文 成個設計都失敗。
成個設計都失敗。(圖片來源:連登討論區)
詹天文 日子都錯埋。
日子都錯埋。(圖片來源:連登討論區)
詹天文 3月2日就17歲生日的詹天文,架應援巴士搞成咁,會唔會唔開心㗎?
3月2日就17歲生日的詹天文,架應援巴士搞成咁,會唔會唔開心㗎?(圖片來源:IG@win_dy__)

After Class應援巴士風格一致?

After Class嘅另外三位成員都有收過粉絲們為佢哋製作嘅巴士應援廣告,其中姚焯菲嘅粉絲「小菲象」最揼本,姚焯菲出新歌、生日、開騷都會於巴士及巴士站落廣告,更會選上巴士應援嘅最高等級,除咗係車身有偶像嘅肖像同資料,連車廂內籠包括天花、椅背、樓梯等都鋪天蓋地印上宣傳字樣。而炎明熹及鍾柔美嘅粉絲就相對「收斂」,大部份嘅廣告都只放在巴士車身。有網民就認為After Class成員嘅應援廣告風格一致,有種「跨時代」嘅設計感,廣告設計似係粉絲簡單地用小畫家拼砌出嚟嘅感覺。

詹天文 粉絲為慶祝After Class開騷而辦嘅應援廣告。
粉絲為慶祝After Class開騷而辦嘅應援廣告。(圖片來源:FB@姚焯菲後援會 Chantel Fans Club)
詹天文 Chantel姚焯菲。
After Class隊友Chantel姚焯菲。(圖片來源:Facebook@巴士光年)
詹天文 姚焯菲親身支持粉絲嘅應援。
姚焯菲親身支持粉絲嘅應援。(圖片來源:FB@姚焯菲後援會 Chantel Fans Club)
詹天文 姚焯菲係After Class入面收到最多次巴士應援嘅成員。
姚焯菲係After Class入面收到最多次巴士應援嘅成員。(圖片來源:FB@姚焯菲後援會 Chantel Fans Club)
詹天文 炎明熹出新歌都有收到應援。
炎明熹出新歌都有收到應援。(圖片來源:FB@炎明熹粉絲後援會)
詹天文 鍾柔美嘅Fans好似花多少少心機,一次落六款唔同設計嘅廣告。
鍾柔美嘅Fans好似花多少少心機,一次落六款唔同設計嘅廣告。(圖片來源:FB@鍾柔美Yumi後援會)

其他本土偶像應援巴士一覽

其實除了生日,偶像出新歌新碟亦會在巴士賣廣告,睇埋其他人的巴士應援設計,相比之下詹天文嗰架又真係出事嘅……

詹天文 Ivy So@COLLAR。
Ivy So@COLLAR。(圖片來源:網上圖片)
詹天文 Frankie@MIRROR。
Frankie@MIRROR。(圖片來源:Facebook@巴士光年)
詹天文 Jeremy@MIRROR。
Jeremy@MIRROR。(圖片來源:Facebook@巴士光年)
詹天文 Lokman@MIRROR。
Lokman@MIRROR。(圖片來源:Facebook@巴士光年)
詹天文 Tiger@MIRROR。
Tiger@MIRROR。(圖片來源:Facebook@巴士光年)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:連登討論區、IG@win_dy__、FB@炎明熹粉絲後援會、FB@姚焯菲後援會 Chantel Fans Club、FB@鍾柔美Yumi後援會