謝天華

謝天華飲「便便」未算最誇 王嘉爾鯨吞XX最離譜 重溫藝人陸綜重口味挑戰

最新娛聞

廣告

容祖兒早前亮相內地節目惹來熱話,有網民睇完片段回憶起唔少藝人上內地節目挑戰食重口味食物,謝天華一幕「自循環」畫面嚇親唔少人,不過最誇張都係GOT7成員王嘉爾(Jackson)挑戰食呢一樣嘢!

謝天華
容祖兒早前亮相內地節目《牧野家族》惹來熱話,有網民睇完片段回憶起唔少藝人上內地節目挑戰食超重口味食物。(圖片來源:微博@霍汶希Mani)

葉璇食蟋蟀唔敢吞

內地綜藝節目《今天吃什麼》每集有唔同特殊食材主題,葉璇2015年有份拍嗰一集就要食蟋蟀,片段所見葉璇全程都係頂硬上,主持人擺完隻蟋蟀入佢口,葉璇已經拎起杯茶諗住試下吞落肚,不過都係頂唔順,當場嘔返出嚟。

謝天華
(圖片來源:《今天吃什麼》節目截圖)

馬德鐘生吞竹蟲讚好味

睇見葉璇慘況,馬德鐘竟然冇有怕照拍《今天吃什麼》,主持人食竹蟲嗰陣佢自告奮勇主動擺竹蟲入口,吞完仲大讚好食,到底係馬神演技好,定真係咁好食?

謝天華
(圖片來源:《今天吃什麼》節目截圖)

立即睇葉璇馬德鐘《今天吃什麼》片段(葉璇由9:00開始,馬德鐘由17:00開始)

食緊飯真係唔好睇葉璇、馬德鐘食另類食物。

謝天華「自循環」飲隔夜小便

謝天華2016年北上拍內地節目《跟着貝爾去冒險》體驗野外求生,節目除咗要謝天華挑戰食蟲、食牛睪丸,重頭戲更要佢「自循環」飲隔夜小便。為咗節目效果,謝天華決定鼓起勇氣一啖過飲晒,飲完自己小便仲表示:「味道真的很難聞,可是知道是自己的東西,所以也沒甚麼難受。」

謝天華
(圖片來源:微博@謝天華)
謝天華
謝天華「自循環」飲黃黃地嘅小便,隔住個mon都聞到味。(圖片來源:《跟着貝爾去冒險》節目截圖)
謝天華
謝天華一啖過飲晒隔夜小便。(圖片來源:《跟着貝爾去冒險》節目截圖)

王嘉爾鯨吞排泄物

韓國男團GOT7成員王嘉爾(Jackson)2016年拍內地節目《大學生來了》試過挑戰食動物排泄物,當中包括兔仔、飛鼠、蝙蝠等便便,雖然呢堆排泄物唔係新鮮滾熱辣出爐,但睇見王嘉爾敢拎上手成盤鯨吞落口,真係服到五體投地。

謝天華
韓國男團GOT7成員王嘉爾(Jackson)2016年拍內地節目試過挑戰食另類食物。(圖片來源:IG@jacksonwang852g7)
謝天華
男團GOT7成員王嘉爾(Jackson)將成盤排泄物倒入口,果然夠搏。(圖片來源:《大學生來了》節目截圖)
謝天華
節目組指王嘉爾(Jackson)所吞的排泄物經過後製,有中藥方面的功效。(圖片來源:《大學生來了》節目截圖)
謝天華
王嘉爾(Jackson)2016年拍內地節目《大學生來了》試過挑戰食兔仔、飛鼠、蝙蝠等排泄物。(圖片來源:《大學生來了》節目截圖)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:微博@霍汶希Mani、《今天吃什麼》截圖、《跟着貝爾去冒險》節目截圖、《大學生來了》節目截圖、IG@jacksonwang852g7、微博@謝天華資料或影片來源:YouTube@中国东方卫视官方频道China DragonTV Official