譚坤倫

愛回家︱毒男CPU譚坤倫剝衫大曬爆肌Body 現身為健身教練22日狠減23磅

最新娛聞

廣告

TVB《愛·回家之開心速遞》中飾演IT部毒男之一CPU的譚坤倫,近日一集突然一改油頭垢面毒男形象,剝衫大曬六嚿腹肌,驚艷在電視機前的一班女性觀眾。爆肌大騷body嘅譚坤倫原來大有來頭,除咗本身就是健身教練之外,自小更曾經到少林寺習武練功!

譚坤倫 在TVB《愛·回家之開心速遞》中飾演IT部毒男之一CPU的譚坤倫,近日突然剝衫大曬六嚿腹肌,驚艷在電視機前的一班女性觀眾。
TVB《愛·回家之開心速遞》中飾演IT部毒男之一CPU的譚坤倫,近日突然剝衫大曬六嚿腹肌,驚艷在電視機前的一班女性觀眾。(圖片來源:IG@alantklun)

毒男CPU譚坤倫大曬壯碩Body

愛回家》近日一集講到三太白天娥要求員工擔任服裝模特兒,並且要求所有男模帶上面具以示公正,而其中一位擁有六嚿腹肌的壯男竟然就係IT部毒男之一CPU的譚坤倫。每集都以毒男形象登場的譚坤倫,一剝衫之後竟然咁驚為天人,成功吸引到電視機前一班女性觀眾的眼球。

譚坤倫 一向油頭垢面的譚坤倫右二),近日於《愛回家》中大曬壯碩Body。
一向油頭垢面的譚坤倫(右二),近日於《愛回家》中大曬壯碩Body。(圖片來源:IG@alantklun)
譚坤倫 雖然個樣依然一樣咁毒,但身形就完全唔毒,爆曬肌好厲害!
雖然個樣依然一樣咁毒,但身形就完全唔毒,爆曬肌好厲害!(圖片來源:IG@alantklun)
譚坤倫 譚坤倫在社交平台大曬自己壯碩身形。
譚坤倫在社交平台大曬自己壯碩身形。(圖片來源:IG@alantklun)

譚坤倫為一場戲 22日狠減23磅

為了拍攝此場剝衫戲,譚坤倫在收到劇本之後,便即刻展開地獄式訓練,不但以168斷食、5天水斷食等方法減脂,更每日做足3小時運動訓練,成功在22日內激減23磅,非常敬業:「多謝有一個咁有挑戰性嘅劇本,睇到成班人喺Cafe形容到CPU身材咁誇張嘅對白,就知道今次只可以實行最極端嘅減肥方法,22日減23磅,雖然效果出到嚟未達到完美,但我盡咗力符合劇情㗎喇。」

譚坤倫 為咗拍呢場剝衫戲,譚坤倫特登進行地獄式訓練。
為咗拍呢場剝衫戲,譚坤倫特登進行地獄式訓練。(圖片來源:IG@alantklun)
譚坤倫 之前係《拳王》都已經大曬肌肉
之前係《拳王》都已經大曬肌肉(圖片來源:IG@alantklun)

呂慧儀大讚:呢個乖仔真係好認真對待呢場戲

同劇演員呂慧儀亦特意在社交平台上傳與譚坤倫的合照,大讚對方敬業、認真對待劇本:「佢係CPU, 佢好犀利啊!由收到劇本到拍攝才個多星期,斷食減肥將一舊腹肌變成六舊腹肌!呢個乖仔真係好認真對待呢場戲,雖然只係短短一幕,也有旁人叫他靠化妝畫畫就算,他就堅持努力忍口咗個幾星期,期間我哋喺度食飯,佢就望住我哋食飯,但係完全冇俾我哋分散注意力,繼續專注減磅!」

譚坤倫 呂慧儀發文大讚,譚坤倫都有留言回覆表示感謝:「我只係盡我能力,希望盡量符合劇情需要,當時依然未達到最好嘅效果,只能夠講係盡咗力。希望大家今晚睇得開心」
呂慧儀發文大讚,譚坤倫都有留言回覆表示感謝:「我只係盡我能力,希望盡量符合劇情需要,當時依然未達到最好嘅效果,只能夠講係盡咗力。希望大家今晚睇得開心」(圖片來源:IG@​​konniecrab)

現身為健身教練 自小于少林寺習武

唔少網民同觀眾都好好奇譚坤倫係如何極速減脂操肌,原來譚坤倫來頭唔細,本身就係健身教練之餘,6歲開始已經在河北少林寺習武,更曾經獲得河南省全市武術比賽「棍術套路冠軍」及「劍術套路亞軍」。

譚坤倫 譚坤倫參加《功夫新星》入行
譚坤倫參加《功夫新星》入行(圖片來源:TVB《功夫新星》截圖)
譚坤倫 本身都係健身教練。
本身都係健身教練。(圖片來源:IG@alantklun)
譚坤倫 光睇背肌就知道夠曬大隻
光睇背肌就知道夠曬大隻(圖片來源:IG@alantklun)
譚坤倫 平時正正常常咁打扮都好BFable
平時正正常常咁打扮都好BFable(圖片來源:IG@alantklun)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:IG@​​alantklun、IG@​​konniecrab、TVB《功夫新星》截圖