李亞男

豪搞百萬百日宴 李亞男拒修身趕追仔

最新娛聞

廣告

四年前,王祖藍為李亞男打造童話婚禮,去年12月女兒Gabrielle(王天韻)出世,成為幸福人爸的祖藍,日前再為老婆延續童話夢, 回到結婚場地為愛女Gabrielle豪搞百日宴,筵開40席星光熠熠,身穿娃娃紗裙現身的靚媽李亞男,同老公滿場飛招呼親友玩到深夜,寶貝女先由外公外婆陪返家,祖藍夫婦則殿後送客。現場所見,向來身材fit爆的亞男,產後三個多月仍未修 身,原來亞男生完寶貝女,已有計劃幫王家趕追仔,加上餵緊人奶,寧願爭取營養為先,娶得如此細心索老婆,王祖藍超級有福氣!

撰文:東方新地 圖片:新傳媒圖片、東方衛視截圖、李亞男IG

李亞男 延續童話夢

15年王祖藍同李亞男的「長短腳之戀」開花結果,索老婆李亞 男更非常旺夫,婚後不久王祖藍事業勢如破竹,由電視藝員搖身 一變成為內地紅星,近年更開埋經理人製作公司做埋老闆,收入 水漲船高,老婆亞男去年為他成功誕女,眨吓眼,女兒Gabrielle 已經三個多月大,上周日(3月17日)祖藍為愛女Gabrielle 在迪士尼 酒店舉行豪華百日宴,為女兒打造人生第一個童話回憶,同時為 愛妻延續童話夢。據知情者透露:「亞男性格好童真,雖然祖藍唔 係高大靚仔型,但喺佢眼中,老公就好似王子咁,陀住Gabrielle 時,佢已經同祖藍計劃要返去結婚場地為BB搞百日宴,延續佢哋 嘅童話回憶!」

晒全家福

娶到靚老婆,再生埋個似媽咪嘅靚囡囡,祖藍台上致 辭亦忍唔住連番多謝愛妻,幸福人爸難掩興奮。

苟芸慧做代表

百日宴筵開40席,到賀圈中好友星光熠熠,樂易玲、何超蓮、陳美詩一早到場,不過「處女黨」好姊妹鍾嘉欣在加湊B,香香快將臨盆、王君馨又趕劇,只有剛做人妻的苟芸慧做代表到賀。

長輩愛湊孫

祖藍夫婦為百日宴花盡心思,更造了大批1:1人形紙板Gabrielle ,捕捉了女兒不同超萌表情十分傳神,令賓客大讚得意,祖藍夫婦 還精心打扮襯到絕,亞男一身露背娃娃紗裙狂晒白滑玉背,又可令 仍未完全修身的她看來更苗條。據知情者透露:「亞男同祖藍都好 鍾意小朋友,結婚嗰時已經計劃咗要生多兩個,佢哋覺得仔女差唔 多年齡可以有個伴一齊玩,屋企又可以熱鬧啲,所以亞男生完 Gabrielle 之後都冇諗住修身,而且佢餵緊人奶,佢覺得要爭取營養 同飲多啲湯水,先可以畀到BB足夠營養同奶水,加上長輩們都好 鍾意湊孫,就算生多個都唔驚冇人幫手湊,所以亞男覺得依家最緊 要係keep好身體狀態,可以快啲再追B!」

似足靚媽

亞男抱住小公主Gabrielle母愛氾濫,小公主更五官精緻似足媽咪。

仲未修身

祖藍夫婦周日(3月17日)為愛女Gabrielle(王天韻)在主題樂園舉行百日宴,豪花百萬為女兒打造童話回憶,產後三個多月的亞男,現場所見仍未成功修身,原來係因為已有計劃再追B,廿四孝好媽明白養身比修身更重要!

齊集星二代

百日宴由下午四時開始,到賀嘉賓可謂星光熠熠,有紅星、 名人、星二代以至老闆級都有,久未露面的鄧萃雯一身斑馬裝霸氣到賀,陳豪陳茵媺、張晉蔡少芬、郭晉安以及湯 盈盈等均拖埋仔女到場玩,一班星二代小孩都化 身王子公主玩得非常盡興,Buffet晚宴在六時開 始,王祖藍更自己做MC上台搞氣氛,一班賓客不停同主角Gabrielle 影 相,最難得係三個多月大的Gabrielle 非常聽話,全日完全冇扭計,畀一班 Auntie 、Uncle圍住影相仲識得擺出唔同得意表情,似足爸爸咁鬼馬,不過 Gabrielle 間中會做睡寶寶,祖藍夫婦一見BB打呵欠,就以人形紙板 Gabrielle暫時頂替女兒同賓客合照,等女兒可以瞓個覺稍事休息,廿四孝 爸媽諗得非常周到!

巨鑽閃爆

成為王太後,李亞男專心做幸福少奶奶,除咗有老公送贈過億愛巢,身上行頭亦十足,當日左手戴著的鑽石戒指相當有份量。

感激老婆

夫妻上台致辭時,祖藍更即場宣布女兒改名叫王天韻:「喺拍緊《你咪 理,我愛你》嘅時候,阿女只要一聽到戲入面嘅音樂,就會踢媽咪個 肚,我覺得佢係天上嚟嘅音樂,所以佢個名係叫做王天韻。」得亞男成就人 生大滿貫,BB Cute樣更似足靚媽,祖藍興奮多謝老婆:「我成日都祈 禱,希望BB似媽咪,我好開心,初初BB出世時未收水好似一坨嘢,但收 水後,我就好感恩佢愈嚟愈似我老婆。其實我啲DNA都好強㗎!估唔到輸 咗畀太太!」他更捉住老婆玉手表示:「好多謝你呀!王家因你而改變,醫 生仲話,我個女喺同齡嘅BB嚟講算係高㗎!」

露背養眼

李亞男穿著的娃娃紗裙,前面雖然密實,但 一轉身就現出滑溜玉背,相當有睇頭!

玩到晚上十時許,賓客陸續離開,陳豪陳茵媺一家五口行去上七人車,細女Camilla扭計唔願走,陳豪就將女兒成個抬起抱上車,身後的陳茵 媺就趕緊拖住兩個仔Aiden及Nathan行上車。至於張晉同蔡少芬的兩個寶貝女,離開時就不停將長條氣球當劍對打,又同爸爸格劍相當有趣。同祖 藍餅印一樣的祖藍媽更罕有穿上四吋斗零踭高踭鞋招呼親友,寶貝女 Gabrielle則由外公外婆陪住走先,由陪月抱住的Gabrielle睡得香甜,有咁多人錫,祖藍小公主這個百日P肯定為她美好人生添上唔少色彩!

岳母陪孫走

李亞男父母專登由加拿大來港陪亞男坐月兼湊孫,當晚亞男父母就同抱住孫女的陪月一齊離開,玩足一日,由陪月抱著的Gabrielle已經熟睡。

雯女斑馬裝到賀

到賀嘉賓星光熠熠,曾經簽約祖藍旗下的鄧萃雯,亦以一身斑馬盛裝來賀祖藍夫婦。

陳豪 一家五口到賀

李亞男同陳豪曾合作劇集《潮流教主》,當日陳豪同陳茵媺 就一家五口到賀。

玩足4個鐘

陳豪夫婦同仔女到場玩足幾個鐘,期間帶仔女去攞棉花糖食。

陳豪細女Camilla更玩到唔捨得走,爸爸就以公主抱抬起抱上車。

蔡少芬女格劍

蔡少芬同張晉一家四口出席,近期剪短頭髮的兩個寶貝女亦變身公主打扮,不過,活潑好動的楚兒、信兒,就不停攞住長形膠氣球當寶劍同爹哋格劍,更打到連劍都飛走,畫面相當有趣。

湯盈盈單拖湊女

錢嘉樂有工作在身,湯盈盈同好友帶同兩個女到場參加百日宴。

玩到夜深,郭晉安拖住囡囡以雅聯同陳國邦夫婦及女兒陳禛一同離開。

上山母女到場

上山詩鈉同女兒Hilary都有到場賀小公主 百日P。

同場加映:內地節目直擊 王祖藍返港陪產過程

王祖藍同李亞男喺2018年12月17日喜獲千金Gabrielle,但係就喺12月22日先正式對外公佈呢個喜訊,原來王祖藍一早已經安排好內地節目對佢進行貼身追訪,直擊佢由內地返港陪李亞男生B嘅過程!

 

片段喺內地東方衛視綜藝節目《沒想到吧》最新一集播出,當時王祖藍喺內地工作完,就急急腳上車去機場,直飛香港。

 

到達香港之後,王祖藍就上咗保姆車,發現原來老婆已經幫佢準備好晒所有嘢,包括BB車同日常用品,令王祖藍不禁大讚老婆細心:「她就是沒毛病(冇得彈),所有事情都是她去弄,寶寶的房間、所有的衣服、迎接寶寶的聚會,她基本上一個人都搞定,如果沒有她,我最近就真的不知道同一個怎麼樣的心情,好好地去工作。」

祖藍仲話覺得生命入面好多嘢都估唔到,就好似兩個身高完全唔同嘅人,都可以愛上對方,相信Gabrielle出世之後,會有更多「估唔到」等住佢兩個去發掘!

去到醫院,王祖藍就換上全副裝備,準備入產房陪李亞男生BB,生B過程當然冇拍攝低,不過老婆幫你生咗個咁可愛嘅囡囡,祖藍一定要好好愛錫亞男呀!

囡囡出世未有即時出樣

王祖藍同太太李亞男結婚3年,一直Keep住甜蜜!小祖藍終於喺上月出世,而當時王祖藍和李亞男同一時間,係IG公布B女已經出世,分享一家三口拖著手既相,但未有揭盅BB囡究竟似爸爸定媽媽。王祖藍古惑表示,「個樣太似我,所以唔俾你睇」,而媽媽表示,「我們很高興地宣布,Gabrielle是我們收到的最好的聖誕禮物!對我們三個人來說,2018年真的是特別的一年。」更祝大家冬至快樂!

李亞男大方分享B女得意樣

不過喺祖藍生日當日,李亞男趁機放閃,上載一家三口合照。Gabrielle被媽咪公開了個靚樣之後,亞男又再於她的ig post了Gabrielle的多張靚相,攝於不同角度且有多個造型,全部都好趣緻㗎,相信亞男已經化身做狂曬B女的媽咪了。

李亞男:同嫲嫲餅印一樣

李亞男喺Instagram分享多張Gabrielle嘅玉照,其中一張係佢同嫲嫲嘅對比照,仲未足月嘅Gabrielle原來同嫲嫲真係好似樣,連李亞男都忍唔住留言表示:「Gabrielle, watching you grow up have been the best thing that has happened to me #myangel #同奶奶餅樣」而其中一張相,就是以Gabrielle的樣子來跟祖藍媽咪個樣做對比,望落兩人的輪廓確是幾似的,唔怪之得亞男都話囡囡同奶奶個樣是餅印啦。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!