豬肉檔AK 黎峻

豬肉檔AK都要行埋一邊﹗ 「美妝界古天樂」黎峻開工被近百人圍觀塞爆商場

最新娛聞

廣告

繼豬肉檔AK後,近來興起一陣「Supermarket男神」潮,不得不提「素人男神」始祖、更被fans稱為「美妝界古天樂」的藝人黎峻,本身是一名知名化妝師,當時工作時經常吸引一眾慕名女子前來圍觀拍照,更誇張試過近百人圍觀,原來豬肉檔AK都唔夠佢嚟﹗

美妝界古天樂 圍觀者眾塞爆商場通道

近期一眾「Supermarket男神」紛紛冒起,一眾網民或市民都發掘不同界別的「隱世男神」,黎峻身為「素人男神」始祖、更被fans稱為白面版的古天樂,他指亦有留意,他認為這是好事,「有人欣賞佢哋嘅外表,我會覺得可以show多啲自己嘅talent出嚟,都覺得佢哋靚仔。」黎峻入行前曾任職國際知名化妝品牌的化妝師,屬於「美妝界」代表,由於樣似初出道的古天樂,故有「美妝界古天樂」之稱,當時於工作的地方吸引不少人前來圍觀拍照,最墟冚的情況差不多有近百人圍觀,擠得商場舖面水洩不通,更有內地粉絲專程到商場一睹他的真身,更將位於尖沙咀廣東道一商場的化妝專櫃捧為「打卡景點」,認真誇張﹗

黎峻被公司調走「避風頭」

黎峻憶及當時情況:「我喺度幫客人試緊妝時,佢哋會好想同你影相,好多人圍住。放工時,佢哋會跟住我,問我可唔可以同佢哋影相?去邊?等等,嗰陣時係一個諗唔到嘅情況。」而最誇張的是由於公司得知情況,為免引起混亂,於是便暫時將黎峻調到back office「避風頭」,十分搞笑。

豬肉檔AK
(圖片來源:[email protected]__lai)

黎峻拍廣告 狂操麒麟臂

日前拍攝銀行廣告,廣告中,只見黎峻不停舉啞鈴,其脹爆的「麒麟臂」加上脹卜卜的胸肌,睇到現場一眾女士「流晒口水」。黎峻表示,這是他拍過眾多的廣告中,自己最豁出去、形象最搞笑的一個。由於廣告需要舉啞鈴情節,一向有操開的黎峻謂拍攝前一段日子特別加操,「重點加強手臂嘅訓練,同埋食到好清,好似食蕃薯、幾隻雞蛋,我啲friend都唔會約我食飯,因為覺得同我食飯會冇啖好食。」

除此之外,在拍攝現場黎峻都不停操練,務求上鏡時更能突顯肌肉線條,「我帶埋阻力帶去現場做,warm up吓,同埋諗住操得脹啲。」不過可能太投入拍攝,導演嗌cut機後,黎峻依然舉到唔停手,「拍緊嘅時候因為要不停咁舉啞鈴,到導演嗌咗cut我都keep住好努力咁舉,以為自己做緊gym,返到屋企先feel到勁攰,仲攰過平時做完gym,哈哈。」

常見問題

黎峻與豬肉檔AK有何相似之處?

黎峻入行前曾任職知名化妝品牌的化妝師,當時有近百人於商場圍觀,人氣爆燈後廣告不斷⋯⋯詳情請看

黎峻曾因人氣爆紅而遇到什麼事?

黎峻當時因人氣一度爆紅,試過放工後被客人跟住,最誇張是公司得知道情況後,認為事態嚴重⋯⋯詳情請看

撰文:東方新地圖片來源:[email protected]__lai、相關機構

讀者留言