杜汶澤一向言行出位，雖然得罪人多，但亦有好多人撐佢夠真夠直接，唔似其他「偽人」咁作狀！今日阿澤又有新嘢，話說佢揸車出街，去到停車場搵位時，遇上一個集合駕車人士最怕遇到的「Benz L」加「泊車L」加中港牌。其實唔揸開車未必明呢個組合有幾威力強大，簡單啲講，就係一架有中港牌而又泊車泊到出晒界的Benz。

阿澤在FB群組中出post，留言「難泊都要泊，原則問題，果個的而且確係車位嚟吖嘛！SPxxxx 多x謝你泊到架車出x曬界比機會我練眼界」爆晒粗鬧，睇得出阿澤係堅嬲嘅！

真‧杜汶澤現真身，谷友當然拍手歡迎兼力撐。全部清一色鬧Benz司機泊得衰，又po《頭文字D》經典金句screen cap，熱鬧到不得了！短短1個鐘未夠就有過500人like同過百個留言。

如欲率先接收資訊，請讚好我們的FB專頁並於「已讚好」選單設定「搶先看」，多謝支持。

網址：www.facebook.com/orientalsundayhk

延伸閱讀：

《人在邊緣》六大精采必睇位

花心洪永城被爆翻撻舊愛

反應熱烈，阿澤都有抵死回覆，先自嘲手車屎，又話本來諗住揸Uber，依家都係拍戲算喇！

最後最後，可能有人到依家都未知發生乜事、究竟邊架先係杜汶澤架車？俾埋張相你睇，係灰色果架呀！

全文完