客串賀歲片發生小插曲 梁詠琪：「畀人搵笨！」
無幾耐又到農曆新年，緊係唔少得賀歲片啦！由彭浩翔執導嘅賀歲電影《恭喜八婆》近日舉行煞科宴，自從結婚生B後鮮有出鏡嘅天后梁詠琪（GiGi）都有份拍攝，不過中途發生咗小插曲，GiGi大呻彭浩翔「搵佢笨」！
撰文：東方新地 ｜圖片：Instagram
梁詠琪客串賀歲片畀人搵笨
就快農曆新年，彭浩翔執導嘅賀歲片《恭喜八婆》舉行煞科宴，一眾演員好似陳靜、謝賢、邵音音、徐天祐、梁詠琪等都有份出席。
好耐無出鏡拍攝嘅梁詠琪（GiGi）都有份拍攝呢套賀歲片，不過就只係客串。講到明客串就姐係戲份唔多啦，不過導演彭浩翔就將GiGi原定四組戲加到七組，而全套片都只係15組戲，所以GiGi變到拍咗半部。
GiGi表示佢只係收四組戲嘅片酬，仲要係友情價，但係彭導加重佢戲份時又無同時加片酬，大嗌「搵笨」啊！
GiGi話彭導一向醒目過人，拍呢套賀歲片應該慳咗唔少錢。雖然GiGi拍足戲但係收唔齊人工，但係都表示拍賀歲片好開心，都值得嘅！
