跳躍生命線

【跳躍生命線】雄姐殉職原來有寓意 一早埋下死亡伏線?!

最新娛聞

廣告

無綫劇《跳躍生命線》最近成功再次掀起一股煲劇風,皆因劇集令救護行業嘅工作寫實展現觀眾眼前。上星期五嘅一集,更講到飾演雄姐嘅張彥博殉職,令唔少觀眾非常難過!不過大家可能未必有留意,原來雄姐嘅死一早就已經埋下伏線!

撰文:東方新地|圖片:影片截圖

《跳躍》雄姐殉職原來有寓意

《跳躍生命線》中,張彥博飾演嘅雄姐係全劇最受歡迎人物之一,因其性格溫柔體貼、單純天真,因此喺劇中非常討人歡喜!

可惜雄姐呢個角色喺上星期五嗰集,因接報到唐樓單位出勤時,房間地板突然坍塌,雄姐最後墮樓,並送上救護車趕往醫院搶救,何廣沛一邊用盡全力為好友兼同袍雄姐做心肺復甦,一邊大叫:「雄姐醒啊!」,聽到觀眾心都酸埋。

最後,雄姐宣告死亡,原本以為搶救一輪後會有個醫生走出嚟搖頭話:「對唔住,我哋盡咗力。」,不過今次無綫似乎有別於一向做法,捨棄舊有模式,反而以新聞報導手法報導雄姐殉職。

與此同時,劇集更安排雄姐暗戀對象李靖筠含淚彈結他,一幕幕回憶重現觀眾眼前,讓觀眾從入學堂開始到出班一同回顧雄姐點滴,的確更為賺人熱淚!

另外,最以諗唔到嘅係連劇名及片尾曲都由平日嘅彩色轉成黑白,再配合雄姐講出:「咁多位兄弟,我落更先啦,Good Day!」,成個效果極為煽情,同時亦為雄姐呢個角色嘅一生畫上完美句號。

一早埋下死亡伏線?!

可能唔少人對於雄姐明明係個好人,但都要安排佢喺劇中死去而感到傷心及不解。不過,據知雄姐喺劇中嘅其中一個使命,就是為身邊各人帶出更好嘅自已,例如第三集張彥博與何廣沛嘅相遇係有原因,因為雄姐要幫兄弟何廣沛及郭子豪和解。

另外,劇中馬德鐘不時會講救護員最無奈係遇上「無常」與「意外」,事實上無論好人定壞人都難逃命運嘅安排,因為呢啲就係無常,一切都係突然而來,人亦難以控制或改變。

雄姐於劇中一向嘅感覺係充滿正能量,而佢嘅死令觀眾傷心,但亦更加為劇集帶出「無常,就是救護員的日常」嘅主題,所以雄姐要喺最毫無先兆下,最突然同被認為最唔應該死亡嘅時刻就走。因此,如編審冼翠貞所指:「雄姐嘅死係必然,唔係為死而死!」。

《跳躍生命線》眾人手執白玫瑰浩園哀悼雄姐

今晚就會講到大家全黑上陣,手執白玫瑰喺浩園對住個墓碑哀悼雄姐,甚而連消防及救護學院方Sir(冼灝英飾)亦在場。

張彥博入行13年辛酸史

張彥博在大台劇《跳躍生命線》飾演救護員「雄姐」呂劍雄,故事講佢同何廣沛、郭子豪等一齊教入消防處做救護訓練員,當中經歷好多困難,最終成功畢業,而張彥博穿起西裝面試,成個𡃁仔咁!

曾組band後解散

38歲的張彥博天生一副童顏baby face,被指激似小豬羅志祥,05年以樂隊《赤子》成員身份出道,隊員包括同馮嘉輝、伍德耀,可惜4年後樂隊無聲無色解散!

阿博年前參加《聲動亞洲》,已被國內傳媒指似小豬。

曾是樂隊《赤子》的成員

後來張彥博與Boy’z成員張致恆(Steven)孖住玩音樂,不時為教會出騷,更識到王祖藍、鍾舒漫、馮允謙等教友。

同克勤合唱

阿博熱愛音樂,又參加過內地音樂節目,對歌手夢唔死心的他,年前先後參加內地歌唱比賽《聲動亞洲》及《快樂男星》,2012年參加上海東方衛視的歌唱比賽《聲動亞洲》,曾與李克勤合唱〈紅日〉,均未能為他帶來獎項。

兜兜轉轉,直至14年加入無綫藝員訓練班,同年8月訓練班畢業後,最初被派在十多部劇集中演保鑣、家丁等連名都冇的閒角!

畢業後的第一套係《老表,你好hea!》夾band,有份同謝安琪同場;《東坡家事》做過歐陽震華個書僮「高貴」,《EU超時任務》同朱千雪做同事,但都是大閒角。

之後喺《東坡家事》及《完美叛侶》都有佢份,戲份愈來愈多㖭!

《一屋老友記》晒音樂才華

最終喺2016年憑不老萌樣演活《一屋老友記》廢青細寶殺出血路,劇中講佢讀完大學後乜都唔願做,寧願搞音樂唔正正經經打工!

細寶喺劇中原來好有理想,可惜屋企人唔明白,成日鬧佢冇出色,只有依蘭同白樺清楚細寶有幾熱愛音樂,劇中講佢精通結他、彈琴等樂器,阿博可以活用佢喺現實中同樣熱愛音樂,同樣精通以上樂器,絕對唔係揸住支結他做個樣㗎!

一時間人氣爆燈,工作排得密麻麻,同時兼顧《一》劇宣傳及新劇《翻生武林》拍攝的他直言「幾日冇瞓」,但回想之前坐冷板,也為了支持自己的音樂路,再辛苦也值得!

張彥博由閒角突變紅人,拍緊古裝劇都要戴住頭套分身為《一》劇宣傳。

食即食麵食到入院

早前在髮型屋抽空接受本刊訪問,講及以往坎坷經歷時,仍脹紅臉泛起淚光,他說:「搞樂隊之前,我喺電腦公司做,嗰時已經好窮,得六千蚊人工,同朋友夾份每個月俾三千蚊租屋,試過一個月裏面每日三餐都食即食麵,因為十蚊可以買到三個麵煮,結果食到塊面紫色,好似中咗毒咁要入醫院,從此我發誓唔再食即食麵!」

重提昔日辛酸,細寶禁不住面紅紅熱淚盈眶。

細寶張彥博眼大面細青靚白淨,識音樂、有樣有才華,難怪被電視迷熱捧為新男神。

早年本刊曾拍得阿博自攜私伙結他,到尖沙嘴天星碼頭玩快閃表演。

戶口曾冇錢

「到搞赤子(樂隊)嗰三年,冇出過糧,靠教樂器維生,但好唔穩定,戶口係冇錢,搭車都要問人借,要靠屋企人support。」赤子解散後,曾在附有舞台的餐廳工作,為表演者set樂器,由被簇擁的歌手變成侍奉別人的幕後人員,坦言亦曾感到不快,但身為基督徒的張彥博最終靠信仰度過。

接受本刊訪問時自彈自唱自己作曲、跟裕美合唱的〈愛上未愛上的你〉,未知是否當年追裕美時的示愛歌。

結他不離身,經常帶住結他趁拍劇空檔練歌、jam歌,年前曾將跟蔣志光所jam的〈好久不見〉upload上網而獲陳奕迅注意。

忙足一日,最後返回租住、旺角區51年樓齡的單棟大廈。

《一屋老友記》入面,張彥博戴住眼鏡似足後生版Joe Junior,今年10月即將36歲、天生一副baby face嘅佢其實激似小豬羅志祥,仲有人話佢似郭富城㖭!

凍齡師兄妹

阿雪同張彥博曾經在IG上載合照,自爆兩人其實係中學師兄妹關係,難得入同一行,仲有機會一齊工作,當然感覺好特別最開心!

原來佢哋中學時期都係喺小西灣衛理中學讀書,仲要兩人都咁童顏,實在難得!

網民唔單止讚兩人keep得好,仲話佢哋真係好襯!

張彥博有著一副天生的童顏,經常被派演學生哥嘅角色,觀眾又怎會想到他已經38歲呢!

View this post on Instagram

放學了😼

A post shared by 張彥博 (@bobcyp1005) on

睇番佢細個啲童年照,已經有對大眼,都幾靚仔可愛!

張彥博天生長得一副俊俏baby face,有人話佢似張敬軒有人話激似小豬羅志祥,總之都係靚仔啦!之前佢喺《一屋老友記》中飾演細寶而人氣急升,角色設定為25歲的無業青年,張彥博演得入木三分,嗰種反叛與不成熟感相當自然,難怪觀眾受落!

張彥博着起校服真係完全冇違和感,會唔會俾人問考咗DSE未?


將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!