造美人|八強誕生﹗Miko反敗為勝入總決賽 Tracy被淘汰Shweta爆喊自責
文:東方新地|圖:《造美人》截圖
《造美人》八強名單於周六(26日)決賽前加時版揭盅﹗十女感情要好,宣布賽果時,充滿不捨與淭水,經理人娟姐同沈殷怡都喊唔停﹗
![造美人 八強誕生 總決賽 淘汰](https://imgs.orientalsunday.hk/wp-content/uploads/2021/06/-2021-06-26-10.36.17-copy_43297419060d733847ee25-1024x466.jpg)
《造美人》強尼宣布八強故弄玄虛
《造美人》八強名單由強尼宣布,他先讀讀出三名單,分別是Stella、Ice同AB,並請三人講出感想。《造美人》Stella:「我首先要多謝自己,喺呢個歲數好難group埋成班女仔,大家目標一致,開頭大家會話我兒戲,經過調整之後,我知道邊啲時間要正經,我冇諗可以行到幾遠,但我盡咗力,無悔﹗」
![造美人 八強誕生 總決賽 淘汰](https://imgs.orientalsunday.hk/wp-content/uploads/2021/06/-2021-06-26-10.15.39-copy_208304460360d7307f13d58-1024x591.jpg)
《造美人》Stella最高分
強尼最先叫的三人都順利入圍,Stella排名第一、Ice是排名第二,而AB是排第八,雖然腳傷仍能入八強﹗之後強尼請三位佳麗Ann、Kathy、Shweta三人行前,並請她們講出對自己在camp 2的表現﹗
![造美人 八強誕生 總決賽 淘汰](https://imgs.orientalsunday.hk/wp-content/uploads/2021/06/-2021-06-26-10.21.16-copy_93325679860d7312aace13-1024x567.jpg)
Kathy:「我覺得自己愈來愈差,好似個花瓶,乜都唔識淨係識大叫,我好迷失,以前我淨係識睇住自己,但我喺咁多個女仔身上都搵到特質,但我自己搵唔到,我好驚會比下去﹗」
![造美人 八強誕生 總決賽 淘汰](https://imgs.orientalsunday.hk/wp-content/uploads/2021/06/-2021-06-26-10.28.36-copy_182215186360d731d566766-1024x582.jpg)
強尼再分別講出三人名次,Shweta得第七,Kathy第五,Ann是第三,八強中六名單已誕生,即餘下四名佳麗只有兩名能入總決賽﹗強尼請餘下四人Jonie、Miko、Tracy及Semi講出感受﹗氣氛緊張又沉重,在一片淚水中進行﹗
![造美人 八強誕生 總決賽 淘汰](https://imgs.orientalsunday.hk/wp-content/uploads/2021/06/-2021-06-26-10.36.17-copy_14344247860d7326589760-1024x466.jpg)
Jonie:「我覺得最後衝刺盡咗力,我知自己一直係個邊緣人,我好想融入大家,但我個世界好小,可能要再勇敢啲,踏前一步,好開心喺最後階段我學到呢樣嘢﹗」
![造美人 八強誕生 總決賽 淘汰](https://imgs.orientalsunday.hk/wp-content/uploads/2021/06/-2021-06-26-10.36.33-copy_152005130160d732bca02dd-1024x596.jpg)
Miko:「都係嗰句搏盡無悔,呢兩個月係好難得,結咗婚生咗仔仲可以去玩,或者今日之後我可以做番全職媽媽同老婆,其實我老公好不滿嘅﹗」
![造美人 八強誕生 總決賽 淘汰](https://imgs.orientalsunday.hk/wp-content/uploads/2021/06/-2021-06-26-10.39.32-copy_28692569960d732e19bd07-1024x566.jpg)
Tracy :「我對自己camp 2後半部分表現好唔滿意,因為唔係我擅長嘅運動挑戰,之前我係諗點攞第一,但今次我成日諗點先可以唔被淘汰﹗」
![造美人 八強誕生 總決賽 淘汰](https://imgs.orientalsunday.hk/wp-content/uploads/2021/06/-2021-06-26-10.41.58-copy_157434826360d732b2bd112-1024x584.jpg)
Jonie被投暗票終被淘汰
強尼宣布Jonie在camp 2名次排第六,但因暗票中最多佳麗投Jonie淘汰,這次賽制要結合暗票,故Jonie雖然在後段表現令人另眼相看,但仍難逃被淘汰,最後由名次排第九的 Miko攝上,Miko反敗為勝順利入八強。
![造美人 八強誕生 總決賽 淘汰](https://imgs.orientalsunday.hk/wp-content/uploads/2021/06/-2021-06-26-10.05.52-copy_62312944660d73c4ead467.jpg)
而最後公布打入八強名單的是Semi﹗Tracy被淘汰,但Shweta喊得比Tracy更激動,不停自責:「如果射槍比賽,我可以快啲,Tracy就可以入八強,係我累咗佢﹗」順利進入八強的包括Stella、Ice、Ann、Kathy、Shweta、AB,Miko和Semi﹗Jonie和Tracy被淘汰出局﹗
![造美人 八強誕生 總決賽 淘汰](https://imgs.orientalsunday.hk/wp-content/uploads/2021/06/-2021-06-26-10.06.53-copy_20281760360d73c6f11a11-1024x593.jpg)