連詩雅英文震撼連登仔 當年打錯「Rest in piece」惹爭議！

連詩雅英文訪問被翻Hit 當年打錯「Rest in piece」再引大戰

連詩雅由細到大都就讀國際學校，其英文相信都有一定水平，不過曾經因為「Piece」同「Peace」兩個詞語而引發一連串的網民嘲笑行為。2013年逝世的演員Paul Walker，憑《狂野時速》電影作品在全球爆紅，而當時逝世亦引起極大迴響，連詩雅當時都有出post悼念對方，不過就將「Rest in Peace」寫成「Rest in Piece」，因此被網民封為「連Piece雅」。

二次搞錯《One Peace》

不過唔止一單，Shiga在其後出席一個《海賊王One Piece》的活動時，不小心將作品改名成《One Peace》，再次引來網民的關注。不過Shiga其後都好醒地決定直播罰抄呢個詞語，希望自己下次不要再錯。其公關災難亦因此被化解。

訪問片大騷流利英文

不過都有唔少網民質疑其英文水平到底去到邊度，畢竟她是於國際學校就讀，應該點都有返啲斤兩。近日一條Shiga接受英文訪問的影片再度被翻Hit，片中可見Shiga在訪問過程中都大騷流利英文，完全唔似會將「Piece」同「Peace」搞錯的一個人。

究竟連詩雅為偽ABC定係堅勁？

網民力撐連詩雅：冇讀Ｕ都流利過九成連登仔

有唔少網民都力撐Shiga，認為其實當時「Piece」同「Peace」的確是不小心打錯，仲指：「大把人中文字都打錯，但笑X人英文差」，「冇讀U（大學）都流利過九成連登仔」，仲有網民指其影片下方不少人都為英文口音或者文法去鬧交，怒轟只有香港人先會咁做。亦有網民指其口音是難以模仿的，指當年其實笑都只是笑佢打錯，並非質疑其英文程度。