無他嘅，屋企有米、又已經被十優狀元兼瑪麗醫院內科醫生男友私有化，擺到明志不在此，保持港姐形象只是次要，最重要是擒實個醫生男友仲好過！所以人拍拖佢拍拖，早前喺銅鑼灣街頭上演真人慾火騷，攬腰掃臀啜完又啜，唔好搞錯，全部都係女方做主動，堪稱史上最進擊的港姐！

撰文：東方新地｜圖片：TVB電視截圖、新傳媒圖片

馮盈盈 初戀約會「濕晒」

孭住港姐光環，時刻保持美貌與智慧並重之餘，言行都要保住香港小姐形象，不過23歲馮盈盈冇有怕，在《後生仔傾吓偈》有味話題，而日前盈盈在節目的「人生的第一次」話題上，再度語出驚人，透露初戀約會就「濕晒」！馮盈盈爆響口話自己初戀係19歲，之後開始講番自己首次約會嘅情況，提到當時約會嘅時候都仲未係男朋友。

馮盈盈可能回憶緊第一次初戀約會嘅回憶，愈講就愈緊張，愈嚟愈就口窒窒咁，仲話約會當晚就一齊咗，然後就拖手，話自己睇落表面好似好平靜咁，但實際內裹就好緊張，所以勁多手汗！佢仲話：「到隻手啲汗已經滴緊落地下。點知要拖手喎，真係想死。」

濕完又乾，乾完又濕嘅馮盈盈，就繼續停唔到口咁繼續講落去自己對手有幾濕嘅情況。

進擊的港姐冠軍鬧市啜爆男友

現實生活中，馮盈盈是愛情大過天，萬大事大不過綁住醫生男友鍾文浩(Martin)。早前馮盈盈一收工妝都未落、頭都未拆，一支箭驅車過海先，原來相約男友Martin去銅鑼灣拍拖。

街頭連體嬰

放工冇落妝馮盈盈，身處一年三百六十五日都人山人海的老銅，身為港姐懶理會被人認得出，照樣當街搵食、醫肚都要揀間排晒長龍嘅人氣拉面麵店。參選時被爆戀情，馮盈盈將在社交網絡晒恩愛相鏟走，但去到街，後生女始終忍唔住同男友做連體嬰。

第一啜

可能係港姐史上最主動冠軍人馬，馮盈盈同醫生未婚夫Martin拍拖食面，地方淺窄逼滿食客，一樣情不自禁主動嘟嘴錫男友。

去到鬧市銅鑼灣拍拖，馮盈盈全程黐實男友扮連體嬰，甚至比男方更進取，拖手攬腰都係女方做主動。

短短幾粒鐘、食個飯又再歎個雪糕，馮盈盈完全無掩對男友嘅依賴同愛慕之心，手照拖、腰照攬。

第二啜

食完面再歎完甜品，二人齊齊攞車返歸，馮盈盈一上車又甜絲絲撩男友，主動托住Martin塊面拉埋嘴邊啜多啖。

盈盈真係好大食

等男友前先飲一杯許留山墊肚，食完碗拉面再一人一支雪糕，馮盈盈食量真係非一盤，返到屋企停車場再KO一包薯片。

第三啜

二人各自一個座駕返回男方荃灣寓所時，分離短短二十分鐘車程，一入停車場再如隔三秋嘴番個先。

十優醫生男友 藍寶石戒指求婚

馮盈盈現任男友Martin大有來頭，現為瑪麗醫院內科醫生，中學就讀喇沙書院，05年會考獲10A，順利入讀港大醫科畢業。馮盈盈早在參選期間已在社交網站刪去不少合照，不過男友唔配合，仍然狂晒二人的甜蜜照片。

晒求婚戒指

而早喺馮盈盈當選不久，有網民公開馮盈盈fb一個post，相中的她戴上一隻藍寶石戒指，寫上：「今早一起床連牙都未刷，就有個男人喺我面前捧住隻藍寶石戒指，單膝跪低……」好明顯醫生男友Martin見她當選怕她變心，故向她求婚，不過至今二人依然好甜蜜，打風都唔甩啦！

今年23歲的她青春無限，在馮盈盈的ig都可以見到不少性感的照片。這幾張泳衣照將她的美好身材都表露無遺，青春真好，火辣身材讓一眾宅男流曬鼻血！

早前位《果欄中的江湖大嫂》到沙灘做宣傳時也穿上了運動型的沙灘裝扮，運動型一樣突顯到Crystal凹凸有致的身材，雖然盈盈偏向瘦削，但要有的地方都有，加上白皙的皮膚，十分吸睛！