邵美琪

57歲邵美琪靚足38年 情路坎坷「奪麵雙琪」最轟動 曾幫曹永廉度難關

最新娛聞

廣告

57歲邵美琪(Maggie)入行38,依然keep得好好,邵美琪入行先後有過5段情,但都未能開花結果,不過她為人相當厚度,即使分手後傷透心,未曾在傳媒面前說過任何一位前度半句壞話。而曹永廉早年在訪問自爆當年欠下十多萬卡數,全靠在《妙手仁心II》演情侶檔嘅邵美琪幫他度過難關,有情有義!

邵美琪激罕出席闊太聚會

邵美琪2018年與鄭則仕合作無綫劇《街坊財爺》後,與無綫完約後減產,對上的作品是前年由羅守耀編劇兼導演的懸疑電影《被消失的凶案》,休養生息享受單身生活的她少有公開露面;入行38年一向以氣質見稱,去年被發現加入周潤發發哥的養身行山team,聖誕佳節邵美琪再次出動,與闊太好友狂歡賀聖誕迎新年。

近鏡下邵美琪容貌自然,眼紋略現,一身黑衣打扮好低調,捧著禮貌露出滿足笑容。
近鏡下邵美琪容貌自然,眼紋略現,頭髮略見凌亂,一身黑衣打扮好低調,捧著禮物露出滿足笑容。(圖片來源:小紅書@117433376)
56歲邵美琪生日在工作中度過,近日正拍攝電影《被消失的凶案》。
邵美琪之前拍攝電影《被消失的凶案》。(圖片來源:新傳媒圖片)
邵美琪近日和任達華、林雪、張兆輝、陳靜、洪天明等拍攝新戲《被消失的凶案》,日前舉行開鏡儀式。
邵美琪前年和任達華、林雪、張兆輝、陳靜、洪天明等拍攝新戲《被消失的凶案》,出席開鏡儀式。

邵美琪被張繼聰大讚:美若天仙

邵美琪、張繼聰、周秀娜出席電影《女皇撞到正》慰勞宴,張繼聰在戲中分別被飾演靈體的邵美琪、葛民輝、吳耀漢上身,鬧出不少笑話。張繼聴說︰「我們之前合作拍劇時相處了五、六個月,她(邵美琪)在我心目中美若天仙,不敢醜化。我很欣賞邵美琪,人又靚,演技又好。讀書時,每次見到她出場,我立即停下來不做功課。」

56歲邵美琪 靚足35年 有情有義 情路坎坷!
年前邵美琪出席電影《女皇撞到正》慰勞宴,依然明艷照人﹗ (圖片來源:新傳媒圖片)
56歲邵美琪 靚足35年 有情有義 情路坎坷!
張繼聰揚言邵美琪是心目中的女神,讚對方美若天仙。(圖片來源:新傳媒圖片)

情路坎坷 至今單身

邵美琪情路崎嶇,5段情都未能開花結果。要數最哄動嘅仲係同鄭伊健嘅一段情。92年,邵美琪同鄭伊健合作《九反威龍》撻著!在伊健前邵美琪跟當時擔任編劇的戚其義拍拖六年,分手後仍保持朋友關係,開劇都預邵美琪一份﹗

56歲邵美琪 靚足35年 有情有義 情路坎坷!
邵美琪和鄭伊健當年玩姊弟戀﹗(圖片來源:新傳媒圖片)

29歲 伊健陪結婚

94年邵美琪喺劇集《第三類法庭》同伍衛國拍結婚戲,化妝同婚紗都一般,而92年已同Maggie拍拖嘅鄭伊健以便服一齊影合照。

56歲邵美琪 靚足35年 有情有義 情路坎坷!
(圖片來源:新傳媒圖片)

伊健曾承諾照顧佢一生一世,可惜之後梁詠琪介入、上演轟動全城嘅「奪麵雙琪」,邵美琪成為輸家敗走,傷得好深!不過Maggie為人厚度,未曾說過半句壞話,多年後鄭伊健同蒙嘉慧結婚,她也大方送上祝福!

鄭伊健和邵美琪的姊弟戀未能開花結果。
鄭伊健和邵美琪的姊弟戀未能開花結果。(圖片來源:新傳媒圖片)
邵美琪 梁詠琪由伊健的西貢寓所步出,露出勝利笑容。
梁詠琪由伊健的西貢寓所步出,露出勝利笑容。 (圖片來源:新傳媒圖片)

戀上細十年施祖男

鄭伊健劈腿梁詠琪後,邵美琪再遇上細佢10年嘅施祖男,期間有傳Maggie好積極搵job俾工作量唔多嘅施祖男,本刊早年曾拍得二人拍拖去超市買日用品及零食,由Maggie付款。呢段姊弟戀維持咗6年,最後有傳施另結新歡!

56歲邵美琪 靚足35年 有情有義 情路坎坷!
(圖片來源:新傳媒圖片)

同黃德斌傳緋聞

03年,邵美琪被拍到同身家過億嘅已婚「圍村地王」鄭倫光同遊北京,喺機艙內,邵美琪仲挨住男方膊頭。及至06年,邵美琪同黃德斌合作《火舞黃沙》而傳出緋聞,兩個經常喺眾目睽睽下打情罵俏咬耳仔,但最終都係冇米粥。

56歲邵美琪 靚足35年 有情有義 情路坎坷!
(圖片來源:新傳媒圖片)

義氣女邵美琪破例出手幫曹永廉

在《兄弟大茶飯》中蕭正楠同曹永廉兄弟檔上陣一齊四出搵食,仲煮食慰勞一班藝員,節目輕鬆搞笑,其實蕭正楠同曹永廉那些年都係歌手出身,其中阿廉星途麻麻,佢惟有簽大台拍劇,不過阿廉自爆曾經因為要置裝見人出騷而買名牌衫,結果欠下十幾萬卡數,最後居然由邵美琪(Maggie)幫手還債﹐阿廉重提都好感謝對方嘅仗義幫忙。

56歲邵美琪 靚足35年 有情有義 情路坎坷!
曹永廉爆邵美琪係佢恩人﹗(圖片來源:新傳媒圖片)

曹永廉 歌手星途暗淡以賤價簽約無綫

事關曹永廉喺1994年以歌手身份出道,仲喺同年勇奪大台十大勁歌金曲頒獎典禮嘅新人獎銅獎!曹永廉喺出道嘅短短兩年間已經推出咗三張個人大碟,包括《情深款款》、《唯一的女神》同埋《不惜一切》!可惜,曹永廉當年星途暗淡,最後佢決定暫停歌手生涯,由經理人搭路入TVB簽約做藝員,不過佢話經理人話搭路成功,但講畀佢知個底薪時,曹永廉聽到係喊咗出嚟,因為係低到喊,但最後都係簽約,因為曹永廉自知人氣低,要拍劇才能入屋!

邵美琪和曹永廉在《妙手仁心II》及《妙手仁心III》中合作。
邵美琪和曹永廉在《妙手仁心II》及《妙手仁心III》中合作。(圖片來源:新傳媒圖片)

感激邵美琪帶出騷還卡數

曹永廉明白呢行人靠衣裝,不時喺名店、尖沙嘴百利買衫置裝,次次碌信用卡找數,結果條數愈滾愈大,卒之欠下十多萬卡數,但因為人工低一直只能還min pay!直至加盟TVB一年後,曹永廉被安排拍《妙手仁心III》,劇中佢同邵美琪情侶演出頗受歡迎,不少商演搵二人一齊出騷,邵美琪雖然入行以來一向都唔做情侶檔出騷,但她知道曹永廉欠下大筆卡數,為了令他可以還清債項,才答應與他情侶檔登台,曹永廉說:「好多謝佢!佢一向都唔做,但佢亦都知佢唔做我就冇得做,冇得做就還唔到錢,所以佢都幫我手還咗大部分債項。」

56歲邵美琪 靚足35年 有情有義 情路坎坷!
(圖片來源:新傳媒圖片)

邵美琪《珠光寶氣》演見錢開眼港女

之前深宵時段重播神劇《刑事偵緝檔案IV》大結局後,由大堆頭製作《珠光寶氣》頂上,兩套劇都有邵美琪嘅擔綱演出。

56歲邵美琪 靚足35年 有情有義 情路坎坷!
邵美琪站在一班花旦小生當中,依然搶鏡﹗(圖片來源:新傳媒圖片)
邵美琪 珠光寶氣
《珠光寶氣》同黎姿演姊妹﹗(圖片來源:新傳媒圖片)

邵美琪、黎姿、蔡少芬 兩度合作

邵美琪、黎姿、蔡少芬呢個靚女花旦嘅組合,其實並非首次合作,她們先後在《珠光寶氣》和《火舞黃沙》中合作,呢個組合成為絕世經典!

56歲邵美琪 靚足35年 有情有義 情路坎坷!
呢個組合可一不可再﹗(圖片來源:新傳媒圖片)

邵美琪入行前任職診所護士 無心插柳入行

邵美琪入行三十多年,入行前本來是醫務所裡的一位護士,因為陪伴朋友投考無綫電視藝員訓練班,而獲得當時的導師賞識,叫她一同遞交申請表格。結果她放棄了當護士的機會,成為了一名演員。邵美琪由1984年無綫電視第二期藝員訓練班踏入演藝界,同期同學有鄧萃雯、黎美嫻、郭富城、陳庭威等。85年開始邵美琪曾為張學友的《情已逝》及《輕撫你的臉》的MV做女主角。及後她演出機會不斷,更成為無綫80、90年代力捧的當家花旦之一。

邵美琪 《開心女鬼》劇照,邵美琪與鄧萃雯。
《開心女鬼》劇照,邵美琪與鄧萃雯。(圖片來源:新傳媒圖片)

Maggie出道不久,就同任達華合作過!

56歲邵美琪 靚足35年 有情有義 情路坎坷!
(圖片來源:新傳媒圖片)

重溫邵美琪靚足咁多年:23歲 微笑賀新歲

88年農曆新年Maggie影賀年靚相,企喺盆水仙花旁齋憑冧人微笑,就感受到嗰份新年喜悅。

56歲邵美琪 靚足35年 有情有義 情路坎坷!
(圖片來源:新傳媒圖片)

古裝好嬌俏

87年邵美琪喺TVB劇集《飲馬江湖》演紅葉堡主女兒柳凝姬,個性天真善良,古裝造型相當嬌俏。

56歲邵美琪 靚足35年 有情有義 情路坎坷!
(圖片來源:新傳媒圖片)

22歲至索茶花女

87年衣着簡約隨意嘅Maggie頭手戴花圈,手捧載滿樹葉嘅竹籃,係現代版至索茶花女。

56歲邵美琪 靚足35年 有情有義 情路坎坷!
(圖片來源:新傳媒圖片)

26歲中性鬥嘉欣

91年邵美琪同港姐冠軍大美人李嘉欣影合照鬥靚,著上西裝戴金絲眼鏡同梳咗個bob頭嘅Maggie,盡顯中性魅力。

56歲邵美琪 靚足35年 有情有義 情路坎坷!
(圖片來源:新傳媒圖片)

23歲玩港女手勢

88年23歲嘅邵美琪已早人廿幾年,識玩時下港女自拍手勢,真係港女先驅。

56歲邵美琪 靚足35年 有情有義 情路坎坷!
(圖片來源:新傳媒圖片)

25歲梳金秀賢頭

90年25歲嘅邵美琪,一改長髮look剪咗個金秀賢式冬菇頭,感覺清爽令人耳目一新。

56歲邵美琪 靚足35年 有情有義 情路坎坷!
(圖片來源:新傳媒圖片)

《今生無悔》演黎明女友

90年代,邵美琪已成為大台當紅花旦,90年她在《我本善良》中和溫兆倫合演情侶到了91年的《今生無悔》並沒有再撮合溫兆倫和邵美琪,她反而周旋於黎明及周海媚之間的感情;劇中黎明演浪子程朗,而他最愛的是由邵美琪扮演的越南難民展翹,也是她的經典作品之一。

56歲邵美琪 靚足35年 有情有義 情路坎坷!
(圖片來源:新傳媒圖片)

2016年,邵美琪憑藉《刀下留人》花蕊紅一角,於《萬千星輝頒獎典禮2016》中獲提名「最佳女主角」並入圍最後五強。

《刀下留人》邵美琪與黃德斌合作。
《刀下留人》邵美琪與黃德斌合作。(圖片來源:新傳媒圖片)

《PTU》成電影代表作

邵美琪拍過無數劇集及電影,要數經典一定係杜琪峯執導嘅《PTU》,她在戲中演為求升職上位不惜取巧走捷徑的火爆女沙展,而Maggie也憑此電影獲提名「最佳女配角」!

56歲邵美琪 靚足35年 有情有義 情路坎坷!
(圖片來源:新傳媒圖片)
56歲邵美琪 靚足35年 有情有義 情路坎坷!
(圖片來源:新傳媒圖片)

40歲大晒34C半球

05年40歲嘅邵美琪擔任陳妙瑛豐胸產品代言人拍廣告,24吋纖腰豐胸瘦身嘅佢罕見露半球,34C堅挺巨乳呼之欲出。

邵美琪拍纖體廣告,盡顯fit爆身材。
邵美琪拍纖體廣告,盡顯fit爆身材。(圖片來源:新傳媒圖片)
邵美琪著住三點式,好索﹗
邵美琪著住三點式,好索﹗(圖片來源:新傳媒圖片)
邵美琪拍纖體廣告,拍了多輯水著相。
邵美琪拍纖體廣告,拍了多輯水著相。(圖片來源:新傳媒圖片)
邵美琪拍攝纖體廣告,好有女人味﹗
邵美琪拍攝纖體廣告,好有女人味﹗(圖片來源:新傳媒圖片)
邵美琪拍纖體廣告,穿上水著大擺不同甫士騷身材。
邵美琪拍纖體廣告,穿上水著大擺不同甫士騷身材。(圖片來源:新傳媒圖片)

41歲 露四吋乳溝

邵美琪05年,四張嘢露肉拍豐胸產品廣告迴響極大,翌年添食三點式上陣露出四吋乳溝,極度吸睛。

56歲邵美琪 靚足35年 有情有義 情路坎坷!
(圖片來源:新傳媒圖片)
56歲邵美琪 靚足35年 有情有義 情路坎坷!
(圖片來源:新傳媒圖片)

56歲邵美琪 靚足35年 有情有義 情路坎坷!

撰文:東方新地圖片來源:小紅書@117433376、新傳媒圖片

讀者留言