郭柏妍

郭柏妍直播帶貨開濾鏡驚現「牛眼」首次直播超淡定 獲黎諾懿激讚!

最新娛聞

廣告

TVB藝人直播帶貨陸續有嚟,近日就到上位小花郭柏妍拍住黎諾懿一起直播帶貨,不過向來甜美清純嘅郭柏妍,就因為開美顏濾鏡,搞到外表大崩壞,嚇親一班網民!

郭柏妍直播帶貨開濾鏡驚現「牛眼」

日前郭柏妍同黎諾懿於淘寶直播帶貨,本身已經眼大大嘅佢,開咗美顏濾鏡反而出曬事。原本已經夠大嘅眼睛再被放大變「牛眼」,再加上濾鏡令臉頰縮小,搞到郭柏妍笑起上嚟個嘴變得超大,完全違反比例。網民都紛紛留言表示郭柏妍本身天生麗質,跟本唔需要靠濾鏡變美,原本真實面貌已經靚過濾鏡!

郭柏妍 郭柏妍日前伙拍黎諾懿於淘寶直播帶貨時,因濾鏡太重手,眼睛變「牛眼」!
郭柏妍日前伙拍黎諾懿於淘寶直播帶貨時,因濾鏡太重手,眼睛變「牛眼」!(圖片來源:淘寶直播截圖)
郭柏妍 大到嚇親人
大到嚇親人(圖片來源:淘寶直播截圖)
郭柏妍 身旁嘅黎諾懿反而就冇事
身旁嘅黎諾懿反而就冇事(圖片來源:淘寶直播截圖)
郭柏妍 連個嘴都大到變Joker
連個嘴都大到變Joker(圖片來源:淘寶直播截圖)

黎諾懿港普超搶Fo 郭柏妍竟然聽得明

同場的黎諾懿出道多年來,一直以「港普」著稱,更被內地網民封為「港普教父」,有不少內地網民都指係咗睇黎諾懿嘅「港普」而收看其直播。首次同黎諾懿合作直播嘅郭柏妍,在接受訪問時被問到聽唔聽得明黎諾懿嘅普通話,識做嘅郭柏妍即刻話聽得明,不過就話中有話:「聽得明啊!因為有時候黎監製會講廣東話,廣東話再加普通話,同我一樣,我都係mix埋一齊講。」不過黎諾懿都有自知之明,自嘲道:「我今日睇留言,佢地以為我講緊上海話啊!」

郭柏妍 黎諾懿港普一直深受內地網民喜愛!
黎諾懿港普一直深受內地網民喜愛!(圖片來源:淘寶直播截圖)
郭柏妍 郭柏妍普通話亦講得唔錯。
郭柏妍普通話亦講得唔錯。(圖片來源:IG@rositakpyy)

首次直播超淡定 獲黎諾懿激讚

雖然今次係郭柏妍首次直播帶貨,但夠曬淡定,更獲黎諾懿大讚中文程度高:「我今日對郭柏妍有重新認識咗,原來佢中文水平好高,我今日先知,佢好多文縐縐、歇後語,一定要係讀過好多書,睇過好多嘢嘅人先做到嘅。」

郭柏妍 一向以傻大姐形象示人嘅郭柏妍,獲黎諾懿大讚中文水平高!
一向以傻大姐形象示人嘅郭柏妍,獲黎諾懿大讚中文水平高!(圖片來源:IG@rositakpyy)
郭柏妍 郭柏妍話曬都係港大碩士出身,果然都好返咁上下學識。
郭柏妍話曬都係港大碩士出身,果然都好返咁上下學識。(圖片來源:IG@rositakpyy)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:IG@rositakpyy、淘寶直播截圖