鄧兆尊

鄧兆尊踢爆王祖藍唔妥C君 預告去開電視出錢出橋撼大台

最新娛聞

廣告

鄧兆尊日前接受網上節目《田豪祖三寶》訪問,大爆王祖藍拉隊北上發展因由,直言祖藍因C君獲派任無綫J2台創意總監一職不滿。此外,兆尊又自爆將會現身開電視新派錢節目,更會出錢出橋力撼大台。

爆王祖藍不滿C君

早前政府宣布再收緊防疫政策,不准兩個以上家庭在私人地方聚會,不少網民關心鄧兆尊的情況,就連好友趙學而亦搞鬼在網上召喚向他請教。身為「時間管理大師」的兆尊日前仍能抽空接受網上節目《田豪祖三寶》訪問,席間兆尊表示有留意王祖藍與無綫高層曾勵珍、樂易玲鬧不和的傳聞,又認為三人都是為公司著想:「大家管嘅嘢都唔同,珍姐管演員、樂小要管人力資源,祖藍就係創意官,創意北上搵錢,佢離開咪交由佢哋自己搞,所以多咗個肥仔,即係C君嚟幫手,因為做啲嘢唔得,咁祖藍好似有不滿囉,呢個係幕後啲人同我講。」

鄧兆尊爆王祖藍不滿C君 預告去開電視出錢出橋撼大台
身為「時間管理大師」的兆尊(左上)日前抽空接受網上節目《田豪祖三寶》訪問。(圖片來源:YouTube@田豪祖三寶)
鄧兆尊爆王祖藍不滿C君 預告去開電視出錢出橋撼大台
席間鄧兆尊大爆王祖藍不滿C君。(圖片來源:開電視@開運秘笈)
鄧兆尊爆王祖藍不滿C君 預告去開電視出錢出橋撼大台
早前有傳王祖藍在TVB意興闌珊,拉大隊北上發展。(圖片來源:weibo@王祖藍)
鄧兆尊爆王祖藍不滿C君 預告去開電視出錢出橋撼大台
兆尊指C君出任無綫J2台節目創意總監後「做啲嘢唔得」,惹起王祖藍不滿。(圖片來源:新傳媒圖片庫)

鄧兆尊自爆去開電視出錢出橋撼大台

與珍姐份屬多年好友的兆尊更力撐對方:「珍姐曾勵珍係一個好好嘅人,佢係惡啫。佢會顧及好多演員,如果啲人要養家,就捉晒佢哋入《愛回家》,因為《愛回家》係個長期出糧嘅地方,同普通演員係差三倍價錢。」之後鄧兆尊再爆料指開電視將會成為無綫另一勁敵,打算推出一個大型派錢節目,並指節目內容由他構思︰「條橋我提議畀佢哋做,原本係sell畀TVB,叫佢哋一星期做三集,每集派50萬,收視率一定好勁!我話我出一成,TVB出九成,為香港市民謀福利,又可以救個台,我唔收人工無所謂,我唔係好多錢,但都捨得攞出嚟。依家香港人好慘,我唔想香港人繼續愁眉苦面。」

鄧兆尊爆王祖藍不滿C君 預告去開電視出錢出橋撼大台
鄧兆尊自爆將會去開電視,推出一個大型派錢節目。(圖片來源:開電視@開運秘笈)
鄧兆尊爆王祖藍不滿C君 預告去開電視出錢出橋撼大台
兆尊又預告會出錢出橋力撼大台。(圖片來源:開電視@開運秘笈)

鄧兆尊大爆王祖藍拉隊北上原因?

鄧兆尊日前接受網上節目訪問大爆王祖藍拉隊北上原因, 原來因為內部有不和…詳情請看

鄧兆尊將有什麼新作?

鄧兆尊自爆將會現身開電視新節目, 更會出錢出橋, 原本提議TVB詳情請看

撰文:東方新地圖片來源:新傳媒圖片庫、YouTube@田豪祖三寶、weibo@王祖藍、開電視@開運秘笈