鄧紫棋富男友撐腰誓飛經理人 億萬富三代銀彈支持!

最新娛聞

G.E.M.鄧紫棋16歲加入張丹與Lupo Groining創立的「蜂鳥音樂」正式出道,一直對經理人言聽計從,近年放眼國內市場,14年參加《我是歌手》一炮而紅,經理人當G.E.M.國際巨星咁捧 , 所以被封「宇宙G.E.M.」。G.E.M.單方面發聲明和所屬的蜂鳥音樂終止合約,並指控對方壓迫她且有違法行為,蜂鳥則反駁G.E.M.想自立門戶及提出多項無理要求。然而,G.E.M.背後嘅解約行動原來係有男友喺背後做軍師!

撰文:東方新地|圖片:東方新地

多年來 G.E.M. 鄧紫棋與經理人張丹的關係非常密切,本名鄧詩穎的G.E.M.,06年在校園歌唱比賽演唱一首自創的〈睡美 人 〉,獲得經紀人張丹賞識簽她做歌手,經過兩年的音樂訓練,多 才多藝的 G.E.M. 正式在香港出道,至今累積多首作品,有「 小巨肺 」之稱的 G.E.M.一鳴驚人,亦愈紅就愈囂,不止一次在香港傳媒面前擺巨星款。

張丹早已看準國內市場,14年安排 G.E.M. 參加國內歌唱節目《我是歌手》,一首〈泡沫〉令 G.E.M. 大受歡迎,此後張丹更推她走向國際,近年不停到世界各地舉行巡迴騷,G.E.M. 恍如識生金蛋的歌手。不過今時唔同往日,G.E.M. 不再是十一年前的黃毛丫頭,見識廣了入世漸深,再加上16年認識了男友Mark Ngai, G.E.M.的世界從此改變。

據知情者透露:「同Mark拍拖 後,G.E.M.即換走造型師 Emma( 張丹老婆 ),早年 G.E.M. 次次出嚟都畀人笑著衫肉酸,嗰條窄到爆嘅皮褲更成為時裝界車禍,G.E.M.試過喊住反抗話唔著,但張丹好堅持,以前細個乜都唔識 就要聽經理人話,依家G.E.M.有自己諗法,同Mark拍拖後堅決要搵男友做造型師,張丹最後都冇辦法。」

從Mark成為G.E.M.貼身造型 師後,G.E.M.的形象明顯有變,與男友出埠工作更順道拍拖,感情有增無減。

鄧紫棋富男友撐腰

「但呢幾年雙方拗撬愈來愈多,因為G.E.M.好多嘢都會同 Mark 傾,唔再只得張丹話晒事,意見多咗就有分歧,最後鬧到僵晒,G.E.M.覺得再合作唔到。本來G.E.M.都想忍到約滿為止,但原來合約寫明張丹有優先續約 權,惟有諗其他辦法解約,呢件事其實煩擾咗G.E.M.好耐,呢段時間 Mark 喺佢背後做軍師,Mark 家族好顯赫,亦同圈中人有關係,佢話會全力支持 G.E.M.,令G.E.M.唔會孤身作戰,如果解約成功就會另起爐灶合作開工作室。」

G.E.M.男友來頭不小

Mark的來頭亦不簡單,外公是關之琳首任丈夫王 國旌(左一),是金融公司老闆,祖父王啟宇是第 一代紗廠富商。媽媽 Jannine(左上二)則與「四洲太子女」戴凱欣在中環合資開餐廳 Room 28,與 好多圈中人稔熟,連帶他的生活圈子非富則貴。

Mark既有家底,外形又高大俊朗,絕對 是城中的「筍盤」,早年曾與歌手王灝兒(JW)拍拖,有傳當年 G.E.M.介入才分手,而他與不少圈中人都稔熟,更曾與最近捲入多宗性醜聞的韓星勝利一起夜蒲。

經理人張丹被飛起

雖然有Mark 在身邊力撐,但張丹亦不是省油的燈,G.E.M. 發 出解約聲明後,以張丹為首的蜂鳥音樂亦發聲明回應,看來對 G.E.M. 要解約並未作出妥協,更謂對於 G.E.M. 的指控不排除會作出法律行動。

G.E.M.鄧紫棋近日與經理人公司蜂鳥音樂爆合約糾紛,雙方發聲明各執一詞,或會對 簿公堂。早前在澳門舉行演唱會,G.E.M.由荃灣寓所出發往澳門進行綵排。臉容有點憔悴的G.E.M.回應:「我唔知講咩,要講已經講晒,要做嘅已交晒畀律師處理,我只希 望件事唔會演變成罵戰,希望正確嘅事得到公平對待。」言談間一度眼濕濕。

單方面宣布與張丹結束經理人關係的G.E.M.,收拾心情走入錄影室繼續工作,更在社交網留言自我鼓勵。

親人變仇人

G.E.M.以小巨肺唱腔走紅,十一年來張丹陪住她成長,情同父女,G.E.M.在聲 明中難過表示:「這輩子除了我爸爸,你們曾是我最信任的男人吧!」有指張丹早知 G.E.M.有離心,多年前開始註冊「鄧紫棋」商標,且音樂版權全在蜂鳥,屆滿期內G.E.M.無法用藝名及相關影音版權,對其事業將影響甚大。

張丹亦早已有此一著,日前爆出蜂鳥音樂早已為「 鄧紫棋 G.E.M. 」這名字先後在香港及內地完成商標註冊,所有關於 音樂上的出品都受註冊保護,香港的屆滿期是今年10月,而國內 的屆滿期至25年,這代表 G.E.M. 在未來六年將不能以「 鄧紫棋 G.E.M. 」的身份在國內接洽任何商業活動,不少 G.E.M. 粉絲力撐 她用回真名「 鄧詩穎 」繼續其歌唱事業,改名就可以繼續唱?咁就要睇張丹肯唔肯放手喇!

對於偶像或要改名,粉絲們紛紛到G.E.M.的社交平台留言打氣,並有網民建議她將名字改作「紫棋」或「鄧紫琪」,更有網民認為其實叫真名鄧詩穎都可以,因為大家喜歡的是她本人和其歌曲。

鄧紫棋 同經理人反目收場

事情其實有迹可尋,事緣G.E.M.日前前往美國洛杉磯參加進修課程,一向活潑開朗的她突然在IG抒發愁緒,留言:「不忍心真的狠下心。但不忍心,就是對自己狠心⋯你會怎麼選擇?」不少粉絲見偶像散發負能量,均大表擔心。

只見照片中有一隻鳥孤獨的站在樹頂,沉重的文字配上灰暗的照片,連女星鍾舒漫也留言關心她:「狠下心可能對大家都健康bor。」

即時回顧:

鄧紫棋成功打入BBC百大女性榜唯一入圍中港台藝人!

去年底,G.E.M.入選國際知名媒體BBC嘅「百大女性」名單,評語中提及G.E.M.係一名暢銷女性音樂人,會利用其影響力致力於音樂,以及協助教育、慈善組織,不過大會就將佢列為來自中國嘅創作歌手!

去年11月初,G.E.M.出席有「科學界奧斯卡」之稱嘅「科學突破獎」頒獎典禮,當時G.E.M.就同主持人交談時就話:「I am from Hong Kong(我嚟自香港)」。

View this post on Instagram

集郵post😁 其實真的超榮幸,因為當晚唯一的另一位表演嘉賓就是神級的Lionel Richie!他實在太多太多厲害又感人的作品,能跟他同台我太開心啦!笑到眼睛都不見了🤣 而且我仰慕好久的好多人,包括音樂人、演員、企業家等等,我當晚都去集遊了,哈哈哈哈!好開心! OMG I have been inspired by @Lionelrichie since I was young. Soooooo excited when I met him haha! Look at my face lol. What an honour to be able to perform not only for the great scientists, but also for so many great artists and entrepreneurs! @lanadelrey @orlandobloom @davidfoster #rachelmcadams #sergeybrin #susanwojcicki #annewojcicki #love

A post shared by G.E.M.鄧紫棋 (@gem0816) on

何韻詩曾入選BBC百大女性榜

值得一提嘅係,前年何韻詩亦曾經因以藝人身份經常為社會議題發聲而入選!

G.E.M.獲邀去NASA頒獎唱歌 竟爆整容疑雲

一直有「宇宙 G.E.M.」之稱嘅鄧紫棋(G.E.M.),唔通真係同太空特別有緣?

話說講返轉頭佢點解會有個咁嘅稱號,就要講到2014年,佢成為了亞洲首位華人形象大使,當時仲話2015年會去荷蘭阿姆斯特丹接受訓練,準備飛上太空。

當時宇宙巨G.E.M.仲有post過唔少著晒太空衣嘅相,可惜最後都未有達成使命,未有上到太空,17年G.E.M.就話收到email呢次太空旅行唔能夠成行。

上次唔成行唔緊要,呢次G.E.M.就獲邀去到美國擔任表演嘉賓,出席堪稱係「科學界奧斯卡」嘅「科學突破獎」(Breakthrough Prize)頒獎禮,更在台上表演唱中文歌,認真威水!

出發前G.E.M.都有在網上貼文,話自己收到邀請時完全係受寵若驚,真係發夢都估唔到!

佢話:「有點小緊張,因為以前在占士邦電影裏看到Pierce Brosnan時,根本沒想過有一天他將介紹我出場然後聽我唱歌!而且當晚唯一的另一位表演嘉賓更是我從小超級無敵仰慕的Lionel Richie,反正我好興奮好激動,必須表達一下,哈哈哈!」

「宇宙 G.E.M. 」呢日以一身低胸晚裝現身,在台上跟主持人交流時,佢介紹自己係來自香港,之後就獻唱中文歌,係電影《太空潛航者Passengers》中文主題曲《光年之外》。

個面幾尖…

網民:唔認得佢肯定埋咗線囉!

呢次雖然都令唔少網民覺得G.E.M.揚威國際,非常值得港人驕傲,但大家的重點除了落咗G.E.M.的英文﹑唱功之外,最受關注嘅反而係佢個樣!

近睇鼻樑似乎真係比以前挺咗喎!

有少少唔自然個表情,唔通真係「膠」咗?

好多網友留言都話覺得G.E.M.唔同咗樣,差少少唔認得佢!

網友:「個鼻似埋左線」﹑「塊面好似細左」﹑「微整過啦」

睇返G.E.M. 接受訪問時,眼利嘅網民都話真心唔同咗樣!

讀者留言