鄭中基

爆谷一周︱鄭中基暴脹被嘲塊面大過谷德昭 重演《龍咁威》瑞士山區肺騙案

最新娛聞

廣告

鄭中基早前接受谷德昭主持的電視節目《爆谷一周》訪問,二人相識近20年,鄭中基一開場講對谷德昭的感覺:「我平時嗌佢darling,佢冇乜壞話好講,係煩啲囉!」鄭中基近日為新戲增磅,谷德昭問他肥了多少磅?鄭中基:「我龍威嗰陣128磅,而家170磅,相差42磅!我老婆(余思敏)話我塊面終於大過你。」

谷德昭指與鄭中基相識近20年,是甜蜜友誼。
谷德昭指與鄭中基相識近20年,是甜蜜友誼。(圖片來源:[email protected]
鄭中基和Edan在《闔家辣》演父子,鄭中基在新戲《死屍死時四十四》增肥再演Edan老竇,
鄭中基和Edan在《闔家辣》演父子,鄭中基在新戲《死屍死時四十四》增肥再演Edan老竇,(圖片來源:《闔家辣》劇照)

鄭中基腳靚成街坊眼中尤物

鄭中基指增肥是因為呂爵安(Edan):「之前部戲(《闔家辣》)我飾演Edan老竇,嚟緊部新戲(《死屍死時四十四》)又係演佢老竇,都係揸的士嘅,所以要肥啲令兩部戲嘅角色有唔同。」谷德昭直言因為鄭中基的腳夠靚,所以邀他在2003年電影《龍咁威》「警訊」一幕演空姐,鄭中基當年在街坊伯伯眼中竟是尤物:「當時有好多伯伯圍觀,以為有靚女!」

鄭中基在節目重遊《龍咁威》瑞士山區肺騙案舊地。
鄭中基在節目重遊《龍咁威》瑞士山區肺騙案舊地。(圖片來源:《爆谷一周》截圖 )

鄭中基美腿幼過港姐遭封殺

因為鄭中基雙腿修長纖瘦,所以穿上絲襪及空姐制服後,遠看也頗容易被誤認為靚女。當年鄭中基曾擔任港姐司儀,在泳池邊帶佳麗行,原來人人都穿游水短褲,唯獨他被導演要求穿回長褲,鄭中基笑說:「佢埋嚟同我講『你換返條長褲啦,你隻腳幼過佢哋班佳麗,好唔掂呀!』」但論搞笑爆燈,一定是鄭中基於電影《低俗喜劇》裏的「暴龍哥」。

鄭中基在《龍咁威》着空姐制服,吸引公園伯伯圍觀。
鄭中基在《龍咁威》着空姐制服,吸引公園伯伯圍觀。(圖片來源:《龍咁威》截圖)

鄭中基教講暴龍哥鄉音

暴龍哥以獨特的鄉音及標誌性的節奏語氣引人捧腹,鄭中基透露這把鄉音其實是效法當年的電影界紅人「Ba叔」,他即場教授「暴龍哥」鄉下話的竅門:「其實除咗『歪音』之外,節奏亦非常重要,要特意拖慢、形成一個獨得嘅節奏,因為佢要諗一諗某啲字詞嘅廣東話發音,可以肯定發音嘅部份會講得快啲,所以會形成時快時慢嘅效果。」

鄭中基指暴龍哥的鄉音,是參巧當年娛樂圈紅人Ba叔。
鄭中基指暴龍哥的鄉音,是參巧當年娛樂圈紅人Ba叔。(圖片來源:《低俗喜劇》劇照)
鄭中基爆老婆余思敏笑料,她戴住墨鏡入樂園,因太黑嘟唔到安心出行的瘀事。
鄭中基爆老婆余思敏笑料,她戴住墨鏡入樂園,因太黑嘟唔到安心出行的瘀事。(圖片來源:[email protected] Cheng 鄭中基)
鄭中基兒子去年幼稚園畢業,父子檔表演,非常難忘。
鄭中基兒子去年幼稚園畢業,父子檔表演,非常難忘。(圖片來源:[email protected]

大膽爆老婆余思敏瘀事

鄭中基在節目公開爆老婆余思敏瘀事,他們一家大細入迪士尼樂園,余思敏戴住墨鏡入場,她指手機屏幕太黑,找不到安心出行針卡,鄭中基細聲說:「你試吓除咗副眼鏡會唔會好啲?」余思敏瘀到立即入場。近年樂壇有不少新人出道,鄭中基漸漸榮升為前輩級,提到能夠給新人的貼士,他表示:「其實練習係唯一嘅方法,同埋要樂在其中。」

鄭中基給樂壇新人的貼士:要樂在其中。
鄭中基給樂壇新人的貼士:要樂在其中。(圖片來源:《爆谷一周》截圖)

谷德昭同鄭中基:甜蜜的友誼

谷德昭在IG感謝鄭中基這位親密戰友:「事業旅途上能夠有一位親密戰友,與此同時,又是知己好友,物以類聚,美麗的友誼。係咪未見過Ronald咁正經的一面,係呀,講到音樂,佢真係好正經,佢係讀音樂同真心鍾意音樂,好肯教又有資格教,有興趣就多啲去機動電視台聽佢分享唱歌心得。我真幸運,有得聽佢現場唱《Vincent》畀我聽,甜蜜的友誼。」

鄭中基 谷德昭在IG表示曾經向監製表示,因為MIRROR演唱會之後氣氛沉重打算抽起此集,不過最後谷德昭亦放開心事,認為若能為社會帶來一些歡樂,為大家打打氣,所以如常播出。
谷德昭在IG表示曾經向監製表示,因為MIRROR演唱會之後氣氛沉重打算抽起此集,不過最後谷德昭亦放開心事,認為若能為社會帶來一些歡樂,為大家打打氣,所以如常播出。(圖片來源:[email protected]

撰文:東方新地圖片來源:[email protected] Cheng 鄭中基、《爆谷一周》截圖、[email protected][email protected]

讀者留言