鄭伊健 紅館 鄭伊健演唱會2022

鄭伊健演唱會加3場|門票10.25門票公開發售附連結+購票限制

最新娛聞

廣告

鄭伊健演唱會加場,今次加了三場,演唱會由6場加至9場。鄭伊健近日經常蒲頭,準備有新戲《深宵閃避球》上映,而今日再次投下震憾彈,宣布將於11月中在紅館舉行九場「Here & Now 2022鄭伊健演唱會」,令到一眾Fans都忍唔住尖叫!

鄭伊健 紅館
(圖片來源:鄭伊健fb)

鄭伊健演唱會加場

鄭伊健今日在社交平台出post,宣布會加3場至9場,會加的場數如下,並會在10月25日在城市售票網/app/電話公開發售,上次未買到,今次唔好錯過!

  • 11月19日
  • 11月20日
  • 11月25日

鄭伊健演唱會2022訂票詳情

鄭伊健《HERE & NOW EKIN IN CONCERT 2022》演唱會2022
日期: 2022年11月19至27日(共9場)
時間: 晚上8時15分
地點: 紅磡香港體育館
票價: $980 / $680 / $480

鄭伊健演唱會2022|門票優先訂票/公開發售日期

演唱會門票發售日分成Citibank信用卡持卡人優先訂票及公開發售,每張Citibank信用卡最多購買10張,每次交易最多6張。

公開發售

公開發售日期:10月25日(星期二)

訂票方法:

  1. 城市售票網網頁
  2. 流動應用程式My URBTIX(Android 及 iPhone版)
  3. 信用卡電話購票:2111 5999(每日上午10時至晚上8時,包括公眾假期)

優先訂票

預訂日期:2022年10月5上午10時至2022年10月7晚上11時59分

訂票方法:

  1. 致電 (852) 31 288 288 (上午10時至晚上8時)
  2. 快達票
鄭伊健 紅館 鄭伊健演唱會10月5日起優先預訂門票詳情
鄭伊健11月紅館舉行演唱會 10月5日起優先預訂門票詳情(圖片來源:鄭伊健Facebook)

鄭伊健演唱會原來有新歌《遇怪魔我識得變大個》 盤點7個必睇伊健演唱會理由

講到鄭伊健,雖然近年作品唔多,但大家對他十分支持,對上一次演唱會是2019年初,當時太太蒙嘉慧陪同伊健爸媽睇足全場,觀眾今回磨拳擦掌決定搶飛,甚至有人表示「好過睇Eason」,支持入場有以下幾個理由:

【1.鄭伊健新歌已經準備好同大家見面】今次演唱會唔止係懷舊金曲重溫,原來鄭伊健今個月就有新歌推出!10月6日公映的電影《深宵閃避球》入面,擔當男主角的鄭伊健亦有唱出熱血主主題曲,歌名叫做《遇怪魔我識得變大個》!這首電影主題曲無論曲風、歌詞、唱腔,都同22年前動畫《數碼暴龍》主題曲《自動勝利Let’s Fight》非常接近,而且歌詞與電影主題亦甚為貼切,要為演唱會熱身記得入場先聽為快!

鄭伊健 紅館 新歌填詞人就係資深填詞人陳心遙。事隔22年,新歌更用咗當年的歌詞「遇怪魔我識得變大個」做歌名!
新歌填詞人就係資深填詞人陳心遙。事隔22年,新歌更用咗當年的歌詞「遇怪魔我識得變大個」做歌名!(圖片來源:東方新地)

【2.冧歌真係好聽!】觀眾最期待鄭伊健演唱會上唱的經典金曲,當中包括陳光榮的一系列作品:《一生愛你一個》、《甘心替代你》、《動地驚天愛戀過》、《友情歲月》、極速》等等,首首都絕對係金曲,聽到每一首都會跟住唱出來。

鄭伊健 紅館 鄭伊健
2019年《Along With Ekin Live Concert 》他唱出名曲《甘心替代你》,由與他合作多年的音樂監製陳光榮彈琴伴奏。之後冧歌一首接一首:《一個為你甘去蹈火海的人》、《仍能情深愛上》、《直至消失天與地》、《誰可情深如我》等。之後走到台邊與觀眾握手,先多謝老細林珊珊,再多謝太太蒙嘉慧。(圖片來源:東方新地)

【3.阿嫂親民Fans要撐!】鄭伊健太太蒙嘉慧近半年長駐日本甚少在港露面,飛日本睇實盤房地產生意,但原來都得到唔少Fans支持,皆因蒙嘉慧在網上經常與網友親民互動,講得笑又唔介意畀人話佢肥,得悉老公開Show更第一時間點唱幾首心水金曲:

鄭伊健 紅館 蒙嘉慧 轉發老公演唱會消息時順便點唱:「我想聽《內傷》、《一個人戀愛》、《我願你知道》、《夜還未深》、《迷戀》、《從妳眼中》⋯⋯仲有冇?」
蒙嘉慧 轉發老公演唱會消息時順便點唱:「我想聽《內傷》、《一個人戀愛》、《我願你知道》、《夜還未深》、《迷戀》、《從妳眼中》⋯⋯仲有冇?」(圖片來源:蒙嘉慧 Yoyo Mung)

【4.完美克服佬味白背心!】由1998年的《22098 EKIN in Concert 1998》,到《友情歲月演唱會2010》,再到今年的《Along With Ekin Live Concert 2019》,每次Encore的環節,跳完熱舞的伊健都會換上白背心,繼續唱歌。不知是否因為散熱及Show肌,穿上白背心的他展現岀濃濃的男人味!

鄭伊健 紅館 鄭伊健
Encore部份,身穿白色背心的伊健騷肌肉,仲唱出《自動勝利Let’s Fight》,即係動畫《數碼暴龍》的第一代主題曲,童年回憶返晒嚟!(圖片來源:東方新地)

【5.消失的聲音已在減退 彼此為著目標相距】近年《古惑仔》成員齊齊北上搵銀,更加成為了「大灣區哥哥」,不過一向作風低調的鄭伊健,則選擇逆風而行,去台灣拍新劇《百萬人推理》做神探,此舉反而得到不少觀眾的好感,今次重返香港市場歌、影同步有新作,大家都表示支持!

【6.唔識跳舞但好努力】雖然鄭伊健唔係郭富城,熱舞欠奉但會打筋斗!上次演唱會伊健唱完《蒸發眼淚》時,台的中間出現一個大的呼拉圈,伊健大顯身手做出多種高難度動作,又大展強壯臂力,用呼拉圈做引體上升,然後倒吊在呼拉圈上,看到觀眾狂歡呼。

鄭伊健 紅館 鄭伊健
其實在3年前的演唱會,伊健唱出多首快歌如《友情歲月》、《極速》、《野森林》、《Shine》、《快相》及《全城效應》時,都有走到旋轉舞台中與舞蹈員一起跳舞。(圖片來源:東方新地)

【7.Encore最想聽呢首!】網民都指有一首歌一定要唱,就係《數碼暴龍》的主題曲《自動勝利Let’s Fight》,熱血歌詞「遇怪魔我即刻變大個!」在2019年初演唱會曾是Encore曲目,諗返起都即場喊出嚟!

鄭伊健 紅館 鄭伊健
Encore部份,身穿白色背心的伊健騷肌肉,仲唱出《自動勝利Let’s Fight》,即係動畫《數碼暴龍》的第一代主題曲,童年回憶返晒嚟!(圖片來源:東方新地)

上次演唱會伊健太太蒙嘉慧陪同著老爺奶奶睇足全場,伊健獻唱情歌經典《一生愛你一個》時,他多次面向著觀眾席的上的太太憑歌寄意,真係好冧!

鄭伊健 紅館 鄭伊健

近年鮮有公開露面的蒙嘉慧,這段日子多陪伴伊健做運動及行山,伊健曾在訪問表示,太太身體不好,現時最重要是多休養身體,而太太跟家人的健康是伊健現在最大的責任。 鄭伊健 紅館 鄭伊健

網民:唔要大灣區哥哥

除此之外,網民更直言:「唔駛嘉賓呀,睇你就夠」,暗示伊健唔使再請個班「大灣區哥哥」一齊熱唱《友情歲月》,唔少網民都認同該諗法,認為伊健就算請嘉賓,都唔應該再請佢地。

鄭伊健 紅館 聲生不息 「古惑仔」班底陳小春、謝天華、林曉峰近年在內地積極發展,獨欠鄭伊健,有指他是因為疫情期間,不願長時間留在內地工作。
「古惑仔」班底曾舉行過多次《歲月友情》演唱會,其中陳小春、謝天華、林曉峰近年在內地積極發展,獨欠鄭伊健,有指他是因為疫情期間,不願長時間留在內地工作。(圖片來源:IG@ahlo)
鄭伊健 紅館 鄭伊健
(圖片來源:YouTube@芒果TV)
鄭伊健 紅館 聲生不息 林曉峰在首集將會獻唱張學友的《寂寞的男人》。
鄭伊健經理人林姍姍的弟弟、51歲林曉峰近年獲「歌手身份認證」,上月唱到上中央電視,但有網民就留言呼籲「唔好搵大灣區哥哥」,古惑仔舞台重聚在2019年初的紅館個唱是反應最熱烈環節,如今「期待值」變得不一樣。(圖片來源: TVB
鄭伊健 紅館 鄭伊健
(圖片來源:YouTube@芒果TV)

鄭伊健逆風赴台灣發展

近日元老《古惑仔》成員齊齊北上搵銀,實行「有你有我」政策,更加成為了中國人心中的「大灣區哥哥」。不過一向作風低調的鄭伊健,則選擇逆風而行,去台灣拍新劇《百萬人推理》,另外則是專注在本地創作,獲得網民同Fans的一眾大力讚好!

鄭伊健 紅館 鄭伊健
(圖片來源:《百萬人推理》劇照)

鄭伊健演唱會門票點買飛?

繼上一個香港演唱會”Along with Ekin”已經係2019年2月,當年連同加場,合共開六場,足足闊別歌迷多年,如果今年想搶到鄭伊健演唱會門票,必須…詳情請看

除了鄭伊健演唱會外,還有那些歌手會在11/12月開演唱會?

在11-12月內,除了有鄭伊健演唱會外,還有Serrini王菀之演唱會2022陳奕迅演唱會2022等。

圖片來源:劇照,YouTube@芒果TV,YouTube@老孩子兒歌網 - 真人版 MV,Facebook@Ekin Cheng 鄭伊健資料或影片來源:原文刊於NewMonday