鄭伊健

鄭伊健Encore環節公開多謝後輩ERROR:多謝你哋畀我哋歡樂

最新娛聞

廣告

鄭伊健在紅館舉行第二場「HERE & NOW 鄭伊健演唱會2022」,來自新加坡、日本等各地Fans捧場,觀眾反應熱烈,就算伊健已降落後台,仍然全場大合唱《感激我遇見》而且全場手燈一片星海,非常壯觀。台下觀眾勁High,台上的伊健也感受到熱情,除去外套大騷結實雙臂,全場嘩然。而伊健唱《全城效應》時太太蒙嘉慧在觀眾席揮動應援手燈和跳舞,非常投入。到Encore環節時,伊健突然連咳幾聲,清清喉嚨,然後甜絲絲地向台下,太太坐的方向清唱《從你眼中》,大放閃彈!事後說:「我想畀個驚喜⋯⋯咁Encore梗係做自己鍾意嘅嘢,唱晒要唱嘅歌,依家興自肥嘛!」

鄭伊健 好情深。
好情深。(圖片來源:大會提供)
鄭伊健 Yoyo睇得好興奮。
Yoyo睇得好興奮。(圖片來源:大會提供)

鄭伊健台上多謝ERROR,全因佢哋帶畀大家歡樂

昨天(23日)伊健第五場的Encore環節,唱出了《自動勝利 Let’s Fight》,全場起身一齊跳唱,然後舞蹈員出場表演《遇怪魔我識得變大個》,全場氣氛再度升溫。之後伊健感謝大家熱情反應,揚言令他極之開心,他說:「我另外想多謝ERROR,點解要多謝佢哋?」話未說完,全場尖叫,觀眾席上的肥仔和阿Dee立即舉手向台上伊健膜拜,193向他做大心心和小心心動作。伊健繼說:「我上一次演唱會,返去減壓就係睇你哋嘅ERROR遊。我知道今次得兩集,所以我未睇住,多謝,ThankYou,多謝你哋畀我哋歡樂。仲有,我知你哋開演唱會,我知㗎,加油啦!」三子起立向伊健鞠躬,全場歡呼。伊健還笑言學習ERROR「自肥精神」,挑選心水的滄海遺珠表演,娛人娛己。

鄭伊健 第五場ERROR都有睇伊健。
第五場ERROR都有睇伊健。(圖片來源:IG deegor_hkwa)
鄭伊健 伊健知道ERROR開演唱會,莫非會做嘉賓?
伊健知道ERROR開演唱會,莫非會做嘉賓?(圖片來源:大會提供)

雲浩影首次踏足紅館

樂壇新人雲浩影(Cloud)擔任伊健紅館演唱會表演嘉賓,與伊健合唱《For U & Me》、《心照》和《一對對》,這是她第一次踏上紅館舞台,心情既興奮又緊張,感謝公司給予機會之外,她還向伊健隔空畀心心講「I Love You 」,揚言感䁷好神奇和好幸福。

鄭伊健 Clound第一次上紅館。
Cloud第一次上紅館。(圖片來源:大會提供)

雲浩影激動又開心

雲浩影說:「終於第一次喺紅館舞台唱歌,我心情又激動又開心,未出場前已經透過幕牆見到坐滿觀眾,唱完歌同觀眾揮手講ByeBye時,好感動。」最初知道有份參與伊健演唱會,雲浩影坦言不敢相信:「我以為嚟唱和音,點知真係可以企喺台上面同大家唱歌,可以拎住支咪同大家介紹自己,我覺得呢件事好犀利和開心。」雲浩影笑言因為要保密,事前連家人都沒有透露,她說為了演唱會做了很多準備:「密集式練歌和綵排,仲有減肥!雖然服裝好鬆身,但我都唔敢食太肥,同埋跑步練氣和練體能,因為要連續唱幾首歌。」到出場一刻,雲浩影揚言感到好幸福:「見到由第一行到山頂嘅人,就算睇唔清楚個樣,都會見到佢哋拎住手機燈,感覺好神奇,雖然全場都係嚟聽伊健唱歌,但佢哋都會聽到我唱歌,而且佢哋都好用心去聽和去睇我表演,我覺得好幸福和好幸運。」

鄭伊健 伊健對後輩好好。
伊健對後輩好好。(圖片來源:大會提供)

雲浩影對鄭伊健講「I Love You」

雲浩影一開聲唱歌獲得觀眾掌聲,雖然戴了耳機,沒有聽清楚,但看見台下伊健的Fans對自己揮手,反應很好,感到好窩心。她還展示了伊健送她小禮物打氣,還一邊講一邊按奈不住心甜傻笑,說:「嘻嘻,佢送咗今次演唱會特別版手機掛鏈畀我,雖然好牢固,點揈都唔甩,但我每日只會用一陣就收埋,因為好珍貴要好好保存。」雲浩影還畀心心向伊健前輩講「I Love You」。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:大會提供