鄭嘉穎

鄭嘉穎48歲恨做老竇 助養港童學湊B

最新娛聞

廣告

三年前被年齡相差21歲陳凱琳收服,鄭嘉穎可能係史上拍拖最高調一次,唔止公開戀情、情侶檔搵銀、高密度放閃外,亦都恨私有化女友、升格做人夫兼人父恨到出面。繼雙雙與賴慰玲囝囝上契做人契爺契媽積極學湊B外,日前再被女友發放甜到漏拖住女童父愛滿瀉私相。原來呢頭盛傳求婚就快做老襯,嗰頭鄭嘉穎已經等唔切助養保良局兒童,感受吓做老竇滋味先。

撰文:東方新地|圖片:新傳媒圖片庫、陳凱琳IG

鄭嘉穎 仔女成群搶抱B

幾時都話愛情最講時機!入行25年的鄭嘉穎,14年因為一套無綫劇《殭》,同13年港姐冠軍陳凱琳戲假情真,拍拖兩個月已經急急公布情侶關係。下個月二人就拍拖三年,感情愈來越愈穩定、女朋友陳凱琳更榮升鄭嘉穎社交網絡發聲筒。日前就公開一張鄭嘉穎拖女相,鄭嘉穎一臉慈愛拖住約三歲的小妹妹在保良局兒童遊樂場玩耍,小妹妹紮紮跳開心到爆,至於配圖文字,Grace就話:「請支持保良局兒童助養計劃!」

互融社交圈

陳凱琳回應本刊解畫,原來鄭嘉穎愛心爆棚,獲邀擔任保良局兒童大使,除助養兒童仲會定期探訪:「其實張相係嘉穎助手影嘅,當日我都冇去現場。佢係助養兒童大使,所以每個月都會去探訪班小朋友,嗰日就陪佢哋去公園玩、又打波、又煮嘢食咁。我哋唔係一齊領養,但係我知嘉穎助養咗幾個小朋友,好錫佢哋,亦都出咗唔少錢畀佢哋讀書、令到佢哋有更好生活。我覺得件事好有意義好有愛心,都有興趣助養埋一份。」

齊認契仔

問到陳凱琳男朋友鄭嘉穎係咪恨結婚生仔恨到出面?Grace笑住話:「哈哈⋯⋯多謝先,咁我同佢都真係好鍾意小朋友,尤其係嘉穎,同賴慰玲囝囝上完契,又幫佢改咗名叫Marat,仲次次見親佢都搶住抱!」都係嗰句,鄭嘉穎有心有力,陳凱琳有仔趁嫩生啦!

兩年嫁得

大學同學、圈中好友一個二個嫁得出,陳凱琳亦不諱言希望兩年內可以結婚,剛過去的聖誕更帶埋男友鄭嘉穎一齊返加拿大拜見岳父岳母。而做完視帝離埋巢的鄭嘉穎,據悉家底豐厚,愛買磚頭投資,近年有心放慢事業腳步,轉移重心成家立室。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!