鄭融

鄭融親爆與外國男友分手真相 一個原因拒再食洋腸 大談中外男士尺寸

最新娛聞

廣告

鄭融日前接受蝦頭楊詩敏及連詩雅的《絲打圍爐》訪問,鄭融首度談及與拍拖八年的外籍男友分手真相,因為一個原因,八年來不能磨合,最終分手收場,經過這次經驗,鄭融更斷言拒絕再同外國人拍拖,同時在節目中鄭融大方談及中外男士尺寸,更豪氣話:我唔會答冇見過咁核突﹗

文:東方新地|圖:《絲打圍爐》截圖

鄭融首談八年情盡原因

鄭融與外籍男友Martin拍拖八年,男友曾陪她走過情緒低谷,更曾視對方為結婚對象,最終卻分手收場﹗分手一年多才承認分訊的鄭融,接受蝦頭同連詩雅訪問時,激罕談及這段「人鬼戀」,鄭融指雖然拍拖八年,但因為文化不同導致分手,被問到這八年時間如何溝通時,鄭融無奈表示:「所以去到最後時,大家係已經放棄溝通﹗」

鄭融接受蝦頭及連詩雅的《絲打圍爐》訪問。
鄭融接受蝦頭及連詩雅的《絲打圍爐》訪問,一起探討港男與老外之大不同。(圖片來源:[email protected]_cheng)

鄭融談分手因為不能撒嬌﹗

被問到與外國人拍拖的差異?鄭融指:「就係比較少撒嬌嘅機會,香港人就會明白呢個文化,我曾幾何時諗,英文真係冇撒嬌或者嗲呢啲字,外國人文化係冇,所有溝通都係正常人咁去講嘢,外國人嘅溝通係好直接,唔好估直接講﹗但有時情侶間係想暗示對方一啲嘢,想佢get到然後行動,用嗲呢啲方式去表達,係一種情趣,但外國人係冇呢種溝通方式﹗」連詩雅話因為不能講疊字而令她非常抗拒同外國人拍拖,鄭融亦認同指英文沒有疊字,但拍拖會照講廣東話疊字,然後去教識對方,但其實對方根本唔明當中的情趣,只是她單方面去撒嬌﹗

鄭融外表予人鬼妹仔性格,以為她鍾情同外國人拍拖,鄭融否認刻意揀外國人,只是緣份到了﹗但經過上一段經驗,令她決定拒絕再同外國人交往﹗
鄭融外表予人鬼妹仔性格,以為她鍾情同外國人拍拖,鄭融否認刻意揀外國人,只是緣份遇上﹗但經過上一段戀愛經驗,令她拒絕再同外國人交往﹗(圖片來源:《絲打圍爐》截圖)
鄭融指對另一半會撒嬌,可惜外國文化就算情侶間都是很直接,少了不少情趣,她笑言對前度會照講廣東講疊字,並會解釋給他,笑言英文沒有疊字這個情趣:「廣東話講攬攬,唔可以轉英文講hug hug,好似想親䁥叫蝦頭做蝦蝦會變咗HaHa﹗」
鄭融指雖然外國文化沒有講疊字去撒嬌的溝通方式,但她對前度男友照講:「我會解釋畀佢聽,但其實佢都係唔明嘅,廣東話講攬攬,唔可以轉英文講hug hug,好似想親䁥啲叫蝦頭做蝦蝦會變咗HaHa﹗」(圖片來源:《絲打圍爐》截圖)

鄭融拒再同外國人拍拖:99%會say no﹗

鄭融外表西化被誤以為男友多是外國人, 她指前度以香港人為主,鄭融指:「 上一段戀情係外國人,佢係我中學同班同學,好老土講愛情係隨緣,唔係特登揀咩人,不過如果依家有個外國人來追我,我百分之九十九會say no﹗其實都有遇過呢個事件發生,同朋友行山其中有個外國人,不停主動同我傾偈,我feel到佢想進一步,但我覺得傾偈大半日可以,但夠喇,我唔會想進一步,除非佢血裡面係土生土長香港人﹗」

鄭融斬釘截鐵拒絕再同外國人交往﹗
鄭融斬釘截鐵拒絕再同外國人交往﹗(圖片來源:《絲打圍爐》截圖)

鄭融指鬧交好蝕底:最多只係講Fxxx You﹗

鄭融又指因為文化差異,拍拖時鬧交好輸蝕,鄭融話試過鬧交時無法表達心中的嬲怒,佢話:「最多只係講Fxxx You,但其實有更加多嘢想講,廣東話表達佢又唔會識聽 ,嗰一刻我認輸﹗」鄭融笑言經過八年的訓練,在鬧交上有進步咗少少,更試過準備定下次鬧交用嘅字句,等自己在鬧交時都可以抒發出來﹗

鄭融指同前度嘈交時好蝕底,詞彙唔夠對方多,而且廣東話才能表達內心憤恨﹗
鄭融指同前度嘈交時好蝕底,詞彙唔夠對方多,而且廣東話才能表達內心憤恨﹗(圖片來源:《絲打圍爐》截圖)

鄭融:最small竟然係外國人﹗

蝦頭指外國人的外在條件上好優厚,天生藍緣眼睛、鼻高,高大﹗而且身體各方面都比較大size,鄭融大方接話指身邊朋友爆料:「 佢話見過最small嘅竟然係外國人﹗」蝦頭笑指呢啲叫好眉好貌,外國人size唔一定大﹗鄭融就話:「不過外國人中嘅比率會高啲囉,命中率係大嘅機會係高啲嘅,我梗係見過,八年點會冇見過,我唔會答冇見過咁核突,會被人掟雞蛋啦﹗」又指可能好多亞洲人都有巨鵰喎﹗

鄭融 鄭融唔介意講埋外國男士的尺吋﹗
鄭融唔介意講埋外國男士的尺吋﹗(圖片來源:《絲打圍爐》截圖)
鄭融話鍾情外國人的朋友告知「 佢話見過最samll嘅竟然係外國人﹗」
鄭融話鍾情外國人的朋友告知「 佢話見過最samll嘅竟然係外國人﹗」 (圖片來源:《絲打圍爐》截圖)
鄭融 鄭融指「洋腸」唔一定大,但比率上size大的機會是較高,講時更指手劃腳,相當傳神﹗
鄭融指「洋腸」唔一定大,但比率上size大的機會是較高,講時更指手劃腳,相當傳神﹗(圖片來源:《絲打圍爐》截圖)

鄭融唔愛洋腸愛中餐

鄭融對八年情告終不覺遺憾及可惜,因為經歷過才知香港男仔會比較適合自己,佢話:「可能人大咗啦,認識自己多啲啦 ,以前唔介意成日食西餐,但依家發現唔係喎,我都係鍾意食蒸魚、炒菜,星期日去飲茶,鍾意呢啲生活的節奏,一係將你自己扭轉,其實咁會唔開心﹗」

鄭融曾大晒三點式,被指好性感,鄭融反擊指去玩水上活動著泳衣係好平常,又不是刻意賣弄身材﹗
鄭融曾大晒三點式,被指好性感,鄭融反擊指去玩水上活動著泳衣係好平常,又不是刻意賣弄身材﹗(圖片來源:[email protected]_cheng )
鄭融話以為自己唔介意食西餐,但發覺自己原來喜歡食中餐,愛情觀亦然﹗
鄭融話以為自己唔介意食西餐,但發覺自己原來喜歡食中餐,愛情觀亦然﹗(圖片來源:[email protected]_cheng )

讀者留言