鄺潔楹《3日2夜》仙氣回歸浸溫泉

鄺潔楹《3日2夜》上位

猶記得今年一月時播出的《3日2夜》，鄺潔楹(Judy) 首次同觀眾見面，穿上襯衣熱褲的Judy首先坐籠車去動物園同野生動物零距離接觸，又去夜市做萌爆奶茶店店員等。不過好戲在後頭，Judy之後換上火辣粉紅比堅尼歎私人溫泉浴，大家都估唔到細細粒的Judy原來咁有睇頭，加上甜美笑容及可愛酒窩，真係冇得輸！

我要睇Judy浸溫泉！

鄺潔楹今次回歸《3日2夜》，當然唔會令大家失望，節目一開始時，Judy男拍檔鄭衍峰就單刀直入：「我要睇你浸溫泉！」果然照顧到香港男士的福利！

森林男女混浴

之後預告中見到Judy換上三點式泳衣，同鄭衍峰喺森林入面體驗男女混浴風侶！成件事聽落令人好有遐想……

GFable鄺潔楹

如果單單講身材，Judy固然唔及張秀文、陳婉衡或陳偉琪等前輩，不過佢勝在感覺夠貼地、夠「Girlfriendable」！鄰家女孩的外表有着甜美可愛的笑容，身材嬌滴滴，最能夠激發男性想好好保護佢的心。另外Judy喺節目中吃喝玩樂時都流露出純真少女的一面，食得夠痛快玩得夠放，真摯不造作，做女朋友真係一流！

之前年初喺前一輯《3日2夜》獲關注後，Judy曝光率提升不少，處境劇《愛·回家》都有佢份，當然愈來愈多男士喜歡佢啦！

Judy可愛臉孔加上細細粒身形，不過副Body都頗有睇頭，健康性感最吸引！

全文完