鄺潔楹

仙氣女神屈辱史!鄺潔楹被前度嫌胸細狠飛 簡淑兒曾被鬼仔欺凌!

最新娛聞

廣告

鄺潔楹同簡淑兒貴為「仙氣女神」,咁多兵仔同粉絲,以為佢哋一定係要風得風,要雨得雨啦!點知,原來兩位女神都曾經俾人蝦過!「咪神」鄺潔楹向來身材出眾,「事業心」勁過人,點知佢曾經俾過一個男仔狠飛!原因係……小三個胸大過佢!至於簡淑兒,一雙腰果眼迷到班巴打暈哂……原來佢細個喺美國讀書時,俾班鬼仔同學欺凌過!好在事過境遷,兩位女神而家人見人愛!

原文:對白Cap圖王 | 圖片:節目截圖、Instagram、微博

鄺潔楹曾被嫌唔夠大胸 慘被狠飛

早前上TVB節目《深夜美食團》做嘉賓,講起以前被男朋友飛嘅傷心事……

鄺潔楹大爆:「講起都想喊,當年我同嗰位男友分手嘅原因,係因為佢揀咗一個胸部比我大嘅女仔。」

嗰個女仔以前都係Judy嘅好友,但最後竟然喺社交平台封鎖咗Judy!

鄺潔楹仲承認好多人嫌佢太矮!

但Judy話啲前男友都有成米八咁高!

要坐底先Kiss到喎!

女神有樣有身材有仙氣,人又可愛,點解佢咁唔識貨?

鄺潔楹有可愛臉孔加上細細粒身形,副Body又幾有睇頭,健康性感真係好吸引!人又靚又身材好,Judy完全係極度「girlfriendable」囉!賤格前度後悔莫及啊真係!呵呵~

鄺潔楹《3日2夜》 浸溫泉經典一幕

近年來,深受歡迎的無綫節目《3日2夜》成功捧出多位女藝人,而獲封「仙氣女神」嘅鄺潔楹(Judy)就係其中一個啦。鄺潔楹多次以比堅尼上陣浸溫泉,加埋甜美笑容同可愛酒窩,𠴱幾幕真係令人一看難忘啊!

鄺潔楹大談擇偶條件

咁佢而家有咩擇偶條件呢?估唔到佢口味咁特別:「我唔喜歡太瘦嘅人,但亦都唔可以有肚腩喎!」

熊本熊好似啱條件喎!唔太瘦……不過有少少肚腩。

又要可以凌晨接到佢電話⋯⋯

簡淑兒小時候移居美國 慘被欺凌

簡淑兒早前上電台接受訪問,憶述8歲時移民到美國,慘俾鬼仔同學欺凌嘅經歷。

「嗰時我哋一家住喺意大利人區,得我哋嗰家人係中國人,所以俾同學歧視。」

「聖誕節嗰時,我喺屋企門口布置,班同學行過就成隻雞蛋掟埋嚟。」

「仲試過收恐嚇信!信入面畫咗啲好核突嘅公仔囉!」

仲試過俾坐後面位嘅男同學剪佢啲頭髮!更嚴重係…被人推落樓梯!真係好過份!

咁有冇向老師求助?「老師都唔會理,會當聽唔到睇唔到。」點解可以咁樣對一個8歲嘅小朋友㗎?

2012年選港姐不入圍簡淑兒愈大愈靚

其實簡淑兒2012年美國回流選港姐,但頭圈已經被淘汰。不過今時今日鼻又高咗、眼又大咗、面又尖咗、連人都後生埋,以一對腰果笑眼榮升新一代女神,劇接劇前途無限。生命滿希望,前路由你創呀!

事隔六年,面目全非,愈大愈靚,簡淑兒就曾經解釋係當初官方妝頭出事喎!

簡淑兒進化史

12年:面型尖咗,個鼻直咗,不過本來輪廓仲喺度,當年仲有小小似張慧儀。

13年:明顯下巴更尖,鼻型筆直,對眼都比選港姐時圓咗又深咗。

14年:多咗大眼仔美化對眼,不過明顯雙眼又大又圓,已見腰果眼初型。

16年:間尺鼻成型、嘴唇突然飽滿,角度突登低抄,其實拍埋一齊邊個係Baby,邊個係簡淑兒已經好難分!

16年:進化成功再加埋全新化妝,簡淑兒連pose表情都有意無意以Baby為藍本,正式變身成為新一代女神。

17 – 18年:新一代女神地位奠定,腰果眼笑臉已成招牌,整體樣貌都無咩改變,最多都係齊陰髮型有時會變吓。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!