野外步出｜鄺潔楹爆曾戀黑人因口技出眾拍攝出意外豪氣包萬元拍攝費

鄺潔楹《野外步出》爆情史

鄺潔楹在《野外步出》分享情史，她自爆在美國讀書期間，有很多黑人同學，故已習慣他們的膚色，更曾與黑人拍拖，奶仔即追問鍾意黑人有過人之處？鄺潔楹即笑笑口話：「佢（前度）識得rap，我係鍾意佢嘅才華，鍾意會令我開心嘅人，因為我係一個唔能夠悶嘅人。」Judy大讚黑人前度口技了得，因而吸引住佢，奶仔即時亂rap一段表演，立即遭女神嫌棄，指他唔入流﹗

重提黑人前度勁冧

野外步出被問到有冇試過同外國人拍拖，鄺潔楹直認有。 — 被問到有冇試過同外國人拍拖，鄺潔楹直認有。

野外步出鄺潔楹話喺美國讀高中時，身邊大部分都是黑人同學。 — 鄺潔楹話喺美國讀高中時，身邊大部分都是黑人同學。

野外步出所以對黑人膚色沒有抗拒，已好習慣。 — 所以對黑人膚色沒有抗拒，已好習慣。

野外步出奶仔問同黑人拍拖有乜長處？Judy回味時一臉陶醉。 — 奶仔問同黑人拍拖有乜長處？Judy回味時一臉陶醉。

野外步出一提到黑人前度的過人之處，Judy相當興奮。 — 一提到黑人前度的過人之處，Judy相當興奮。

野外步出佢話欣賞對方rap的技態，特別吸引。 — 佢話欣賞對方rap的技態，特別吸引。

野外步出在節目自稱單身的Judy，奶仔叫大家有興趣可以寄信去電視城給Judy。 — 在節目自稱單身的Judy，奶仔叫大家有興趣可以寄信去電視城給Judy。

野外步出鄺潔楹僅與方紹聰在《愛回家》合作過，方紹聰（奶仔）大讚鄺潔楹有99分，笑指她似女版奶仔：「好正面，成日都好開心，又成日諗埋啲古靈精怪嘢﹗」 — 鄺潔楹僅與方紹聰在《愛回家》合作過，方紹聰（奶仔）大讚鄺潔楹有99分，笑指她似女版奶仔：「好正面，成日都好開心，又成日諗埋啲古靈精怪嘢﹗」

鄺潔楹《野外步出》爆恨生B

鄺潔楹又指自己初戀在15、6歲，奶仔問係咪由細到大都好多追求者，鄺潔楹話只是正常，沒特別多狂蜂浪蝶。鄺潔楹在節目中自稱單身，奶仔問她幾時結婚，Judy答：「我唔係不婚主義、唔生小朋友嗰啲，我其實好鍾意小朋友，不過呢個moment唔係話結就結﹗」

鄺潔楹首次玩滑翔傘，出發前一直表現興奮，更直言：「一啲驚嘅感覺到冇﹗」，當上到天空不但表現毫無懼色，更拿出事前準備好的燒賣逐粒歎，被教練指夠膽色，十分罕見﹗

野外步出鄺潔楹上到半空，相當興奮。鄺潔楹話拍《3日2夜》時被導演話乜都唔怕乜都肯玩，係出名大膽女子。 — 鄺潔楹上到半空，相當興奮。鄺潔楹話拍《3日2夜》時被導演話乜都唔怕乜都肯玩，係出名大膽女子。

野外步出鄺潔楹心情輕鬆到食燒賣，其後她表示在空中無驚慌更感到好舒服，一度想瞓覺。 — 鄺潔楹心情輕鬆到食燒賣，其後她表示在空中無驚慌更感到好舒服，一度想瞓覺。

鄺潔楹唔介意重拍

當鄺潔楹和奶仔安全降落後，攝製隊發現在空中的片段未能成功拍攝，奶仔更一度跟攝影師發生爭執，鄺潔楹做和事佬調解：「我哋一team嚟，依家唔係要邊個負上責任，攝影師亦真係出發前有檢查，但有時真係會機件故障﹗」當知道若然要重拍，滑翔費每人三千，兩位主持加攝影師，至少九千元，鄺潔楹唔介意重拍，更願意孭起這項費用，奶仔激動話：「唔可以你畀，攝影師好大責任，或者你借住畀我先，我同攝影師負責，但唔可能你畀﹗」眼見大家煩惱這筆費用時，奶仔道火又未消，Judy豪氣話：「如果公司唔肯畀，我畀吖，唔好講到又借又咩咁，呢個體驗係真係值得，如果再拍對節目對大家都係好﹗」點知，原來是奶仔設計整蠱鄺潔楹，大讚Judy有義氣，絕對是義氣仔女﹗

野外步出鄺潔楹喜歡不少刺激活動，潛水、滑水、滑雪樣樣都鍾意，活力十足﹗ — 鄺潔楹喜歡不少刺激活動，潛水、滑水、滑雪樣樣都鍾意，活力十足﹗

野外步出身形嬌小的鄺潔楹不時晒水著照，吸引有不少宅男粉絲。 — 身形嬌小的鄺潔楹不時晒水著照，吸引有不少宅男粉絲。

娛樂主播出身的鄺潔楹，不但被爆原來是千金小姐，家住獨立屋，早前更被爆與經營酒吧的有米男友，更發展至半同居關係，一直唔認有拖拍的鄺潔楹終認愛，最近在訪問中認戀有米男友，不過就話相識時不知對方家底及經濟條件，拍拖後大家更是經濟獨立，又指揀另一半是著重對方的思想、性格，而非有冇錢，她指自己雖然不用養家，沒有經濟壓力，但一直好努力工作，對事業有目標，所以期望另一半跟她目標及想法一致。

野外步出鄺潔楹在《愛回家》與梁茵演兩姊妹。 — 鄺潔楹在《愛回家》與梁茵演兩姊妹。

鄺潔楹又指自己喜歡給驚喜另一半的女友，過去拍拖都曾為男友製造過不少驚喜，她透露曾親手製作「爆炸卡」，一打開會有二人的甜蜜合照爆出來，雖然花了四、五小時製作，但Judy話見到對方開心便值得，直指自己是浪漫型，亦希望另一半會送驚喜給自己，但問到若驚喜送戒指求婚？Judy話冇計劃自己幾時結婚！仲話自己會怕醜㖭！係咪放聲氣畀男友呀？