野外步出2

野外步出2|方紹聰又氹掂傅嘉莉落水濕身 陳約臨「復出」衝落山勁驚險

最新娛聞

廣告

《野外步出2》來到第9、第10集,嘉賓是傅嘉莉、陳約臨及鍾晴,估唔到無綫花旦中是非多多的傅嘉莉,去到野外進行活動,人氣竟輸畀主持方紹聰(奶仔);至於在今年奧運甩碌失禮人前的陳約臨,就與鍾晴一齊挑戰越野單車,又有人畀奶仔搞到喊喇!

撰文:東方新地 圖片:《野外步出2》發相、《野外步出2》影片截圖

《野外步出2》奶仔同傅嘉莉鬥人氣

第9集的《野外步出2》,嘉賓是傅嘉莉,方紹聰(奶仔)今集約埋傅嘉莉Kelly玩水上電單車,穿越西貢多個特別地形及洞穴,之後又去到近期西貢熱點綠蛋島。究竟去到野外環境,奶仔受遊人歡迎啲定係傅嘉莉受歡迎啲?

野外步出2 方紹聰請來傅嘉莉做第9集嘉賓。
方紹聰請來傅嘉莉做第9集嘉賓。(圖片來源:《野外步出2》發相)
野外步出2 傅嘉莉一身運動裝束加救生衣,準備十足。
傅嘉莉一身運動裝束加救生衣,準備十足。(圖片來源:《野外步出2》發相)

奶仔受寵若驚

奶仔對本刊記者說:「第9集比較得意嘅係,傅嘉莉正常嚟講應該紅過我多人識過我,但係去到野外環境呢,我哋去玩水上電單車,去到嗰度啲人見到我同我傾咗好多關於野外嘅資訊啦!好多人喺西貢郊野公園見到我好開心,佢哋仲話因為睇咗《野外步出》先會去郊外玩,真係令我好開心。」

野外步出2 傅嘉莉在節目中大玩水上電單身。
傅嘉莉在節目中大玩水上電單身。(圖片來源:《野外步出2》影片截圖)
野外步出2 奶仔表示節目出街後,多咗好多人認識他。
奶仔表示節目出街後,多咗好多人認識他。(圖片來源:《野外步出2》發相)

陳約臨與鍾晴挑戰越野單車

至於第10集的《野外步出2》,嘉賓打孖上有陳約臨與鍾晴,奶仔今集帶住兩位兩嘉賓去挑戰越野單車,結果過山波、落樓梯時發生意外,場面非常驚險。奶仔說:「陳約臨同鍾晴真係好驚,其中一幕陳約臨『cut車』,落前brake落得太大力,令成個人衝向前,連教練都畀佢嚇一跳,因為真係都幾危險!」而鍾晴就邊玩邊喊,奶仔笑指今次她流的是「恐懼的眼淚」。

野外步出2 奶仔與陳約臨、鍾晴一起玩越野單車。
奶仔與陳約臨、鍾晴一起玩越野單車。(圖片來源:《野外步出2》發相)
野外步出2 陳約臨就係呢一下「cut車」,嚇死教練。
陳約臨就係呢一下「cut車」,嚇死教練。(圖片來源:圖片來源:《野外步出2》發相)
野外步出2 唔使上山下海,鍾晴踩單車都喊?
唔使上山下海,鍾晴踩單車都喊?(圖片來源:《野外步出2》發相)
野外步出2 鍾晴喊到收唔到聲,要陳約臨安慰。
鍾晴喊到收唔到聲,要陳約臨安慰。(圖片來源:《野外步出2》發相)
野外步出2 鍾晴玩到喊,陳約臨當場責怪奶仔又搞喊女嘉賓。
鍾晴玩到喊,陳約臨當場責怪奶仔又搞喊女嘉賓。(圖片來源:《野外步出2》發相)

讀者留言