野外步出2

野外步出2| 波波挺「天然水泡」潛水阻力大 新晉花旦陳嘉慧自揭坎坷童年

最新娛聞

廣告

《野外步出2》來到第15、第16集,嘉賓是陳嘉慧與波波黃婧靈,外形好陽光的陳嘉慧,原來童年缺少了父母的愛,今次方紹聰帶她去玩三項鐵人,陳嘉慧將游水變嬉水,仲大晒日文;至於波波黃婧靈,奶仔一於自肥,安排波波落水做美人魚,兩位女嘉賓各有特色,一定啱睇!

撰文:東方新地 圖片:《野外步出2》發相、《野外步出2》影片截圖、[email protected]

波波大晒個人之處

《野外步出2》第16集女嘉賓是波波黃婧靈,正所謂波波一出,誰與爭鋒?今集奶仔約到連曾志偉都讚好的波波一齊挑戰學做美人魚,仲請到何泳芍(Honey)做嘉賓教練,Honey暫時卸吓藝人身份,擔當Free-diving (自由潛水)教練,教授水底閉氣,原來Honey全盛時期可以超過5分鐘水底閉氣。

野外步出2 奶仔請來波波與Honey做女嘉賓。
奶仔請來波波與Honey做女嘉賓。(圖片來源:《野外步出2》發相)
野外步出2 12月都仲有水著睇,男觀眾叫好。
12月都仲有水著睇,男觀眾叫好。(圖片來源:《野外步出2》發相)

男士們最期待的一集-波波開黃腔「睇吓個咪」

奶仔簡直當波波係節目的秘密武器,他說:「大家最期待嘅《野外步出2》,因為有波波做嘉賓,希望可以衝破J2收視之冠,呢集好精彩㗎,我同波波喺水底跳舞,呢個係新興活動Free-diving,公司用咗幾部水底攝影機,Honey做教練教咗好多嘢,我哋可以唔落任何裝置喺水底潛5、6分鐘,希望大家了解多啲呢個活動。」而節目一開始,波波就同奶仔講咸濕笑話,提到潛水嘅危險,奶仔就問波波身上有什麼「太重」要先行拆除,波波即二話不說示意夾在心口上的咪高峰說:「個咪囉!(奶仔:咪?大咪定細咪呀?即係個咪高峰大定細呀!)你咁都睇唔到咩?(唔夠膽睇呀!)睇吓囉!睇少少囉!」

野外步出2 自帶浮波,唔識游水都應該冇事。
自帶浮波,唔識游水都應該冇事。(圖片來源:《野外步出2》發相)
野外步出2 波波話個咪好重。
波波話個咪好重。(圖片來源:《野外步出2》截圖)
野外步出2 叫奶仔欣賞吓。
叫奶仔欣賞吓。(圖片來源:《野外步出2》)

波波爆喊自揭慘痛經歷

按照慣例,奶仔每集都會搞喊啲嘉賓,波波亦唔例外!波波提到自己好之前因為學業成績差而感到好委屈,加上對比起其它能夠升讀大學的朋友,只能退而求其次讀「副學士」的波波非常大壓力,更自言曾經想「解決自己」。慶幸有朋友挺身而出陪足她三日三夜解愁困,波波在鏡頭面前哭成喊人:「我一句唔開心,我打電話嗌佢出嚟,佢就同我講,佢話有你有咩唔開心同我講,我陪你,結果佢陪咗我三日三夜,佢冇停過聽我放負,嗰一刻我真係喊到冇停過。」及後波波話好感激呢位朋友,仲承諾唔會忘恩負義!

野外步出2 唔怪得奶仔話靠波波谷收視。
唔怪得奶仔話靠波波谷收視。(圖片來源:《野外步出2》發相)
野外步出2 波波會唔會太搶fo?
波波會唔會太搶fo?(圖片來源:《野外步出2》發相)
野外步出2 波波喊得好淒慘。
波波喊得好淒慘。(圖片來源:《野外步出2》發相)
野外步出2 淚流滿面。
淚流滿面。(圖片來源:《野外步出2》發相)
野外步出2 奶仔都唔輸蝕。
奶仔都唔輸蝕。(圖片來源:《野外步出2》發相)

《野外步出2》陳嘉慧玩三項鐵人

野外步出2 奶仔搵埋教練,同陳嘉慧一齊學做三項鐵人。
奶仔搵埋教練,同陳嘉慧一齊學做三項鐵人。(圖片來源:《野外步出2》發相)
野外步出2 陳嘉慧踩單車最叻。
陳嘉慧踩單車最叻。(圖片來源:《野外步出2》發相)

《野外步出2》玩三項鐵人

《野外步出2》第15集女嘉賓是陳嘉慧,入行3年藝員訓練班出身的她,最近人氣急升,更首做女一拍新劇《愛上我的衰神》,陽光味十足的她,今次在節目中與奶仔一齊試玩三項鐵人賽,不過陳嘉慧竟然唔識游水,變成在岸邊嬉水。

野外步出2|新晉花旦陳嘉慧自揭坎坷童年 波波挑戰肺容量

野外步出2 唔識游水的陳嘉慧,唯有騷Quali。
唔識游水的陳嘉慧,唯有騷Quali。(圖片來源:[email protected]

陳嘉慧童年與二姐相依為命

陳嘉慧坦言平日唔多做運動,踩單車算是她的強項,因為曾在日本生活,需要踩單車返學。與奶仔坐低傾心事時,陳嘉慧更道出一段鮮為人知的童年往事,因為自小雙親就在日本工作,年幼時的陳嘉慧與二家姐留港生活,她表示當年總覺得欠缺了父母的愛與照顧,母親甚至忘記她們的生日,她非常感謝二家姐的照顧。此外節目中更以短劇形式,盡顯陳嘉慧的流利日文,睇真啲,其實陳嘉慧好有東瀛女仔feel。

野外步出2 奶仔又想整喊人。
奶仔又想整喊人。(圖片來源:《野外步出2》影片截圖)
野外步出2 陳嘉慧講童年時父母不在身體,有啲傷感。
陳嘉慧講童年時父母不在身體,有啲傷感。(圖片來源:《野外步出2》影片截圖)
野外步出2 仲加插短劇畀陳嘉慧大晒日文。
仲加插短劇畀陳嘉慧大晒日文。(圖片來源:《野外步出2》影片截圖)

去片!《野外步出2》15集陳嘉慧唔識游水玩三項鐵人

讀者留言