金像獎2023｜重溫頒獎禮花生位 王丹妮唔識讀得獎者名 凌文龍頒錯獎勁尷尬

金像獎2023｜王丹妮唔識讀得獎者名 要公開道歉

今屆金像獎「最佳編劇」由《神探大戰》韋家輝、陳偉斌、麥天樞奪得，但負責頒奬的王丹妮卻突然不懂讀個「樞」字，要向拍檔劉俊謙求助，但劉俊謙似乎亦一樣唔識讀，令場面勁尷尬，亦被網民鬧爆二人冇做功課！今日她就在社交網發文公開致歉，表示：

「昨晚在頒獎典禮上表現末如理想，
對大會和得獎者都感到非常抱歉。
對於有這樣的情況我實在責無旁貸，
願意並會汲取此次教訓，
以後所有工作都定必努力做得更好和更負責任，
希望日後有做得不好的地方，
也請大家繼續多多給予提點。」

金像獎2023｜網民：林家謙跳舞真係災難

表演頭炮有林家謙拍住serrini載歌載舞唱成20分鐘，但似乎成效麻麻，網民大嘆頂唔順，有網民留言：「家謙跳舞真係災難！」

金像獎2023｜麥浚龍潮爆帶貴手袋登場頒獎似賣廣告

JUNO罕有任頒獎嘉賓，帶埋Gucci手袋上台「賣廣告」，價錢款式被起底，據知該為「Gucci Diana 」系列竹節黑色小型手提包，價值HK$40,500，絕對高檔野！有網民指：「我以為佢會頒埋個袋畀人！」

Gucci袋價錢大公開 網民好奇背後原因

不少網民都對Juno的黑色Gucci手袋極感興趣，其實他手執的名牌袋是Gucci今年的新款，袋身以黑色皮革為主，而手袋的手柄則巧妙地選用了木手柄，價值$40,500，造型設計的確十分特別！而網民亦對Juno大搖大擺手持這個手袋上台的背後原因感到十分好奇，有指Juno因為受品牌方贊助而高調帶著手袋上台，獲網民大讚Juno是一個盡責的代言人，將手袋帶到台上最當眼的位置搏足出鏡率！

金像獎2023｜凌文龍談善言誤以為無人領獎 頒獎甩轆勁老尷

凌文龍談善言擔任金像獎頒獎嘉賓，惟於頒發最佳動作設計時，誤以為其中一位得獎者缺席頒獎典禮，故代為領獎。惟及後發現得獎者原來有到場，此時正叫出下兩名頒獎嘉賓，登鏡頭時停頓，場面尷尬。及後者上台領獎，談善言凌文龍面露尷尬笑容，離開舞台。

金像獎2023｜Viutv勁cut嘉賓感言時間胡楓韋家輝都走唔甩

今年由ViuTV轉播香港金像獎，但ViuTV似乎承襲大台cut人感言時間嘅做法。韋家輝講感言未講完就俾人cut咗去廣告，連大前輩胡楓講完感言之後，想起舞都一樣冇面俾照cut，可見ViuTV真係一視同仁！不過ViuTV眼見頒獎禮超時，都有出下字幕提觀眾接下來節目會順延播放，唔似以前其他電視台轉播，一於無理直接cut走去廣告或者播自家節目，好彩最後頒獎禮都係超時10分鐘完成。