香港電影金像獎2024︱去年影帝劉青雲近況逐個捉！進駐抖音自抽拍片

劉青雲進駐抖音拍片處男作有驚喜

劉青雲在去年獲得第三度金像獎影帝之後，反而越來越平民。與一眾影帝如劉德華、梁朝偉、郭富城等巨星一樣，劉青雲於年初同樣加入了抖音平台拍片。劉青雲第一段抖音片就拍自己落街市買餸的片段，自抽多年前在街市接受採訪時，字幕被打上「市民劉先生」一事。劉青雲首條抖音片段在上傳12小時候就有超過36萬讚好，抖音賬號開通了一日就有21萬粉絲，深受內地網民歡迎。

接拍《神探大戰2》動作場面將更辛苦

去年憑《神探大戰》獲得「最佳男主角」的劉青雲，在慶功宴當時就宣佈將會接拍《神探大戰2》，當時劉青雲直指因為劇本還沒到手，所以對角色和劇情毫不了解，但依然選擇接拍。至於劉青雲在第一集《神探大戰》又跳樓又跳水渠咁辛苦，就此導演韋家輝就大爆指：「你放心，續集一定不止這些，相信會更辛苦！」

劉青雲同佢拍廣告有驚喜

此外，罕有拍廣告的劉青雲直到在新一屆金像獎頒獎前夕推出了新廣告，今次的幕前拍檔竟然係Youtube頻道「小薯茄」嘅藝人麗英 ，二人喺廣告入面近距離對戲，麗英亦有喺IG分享今次合作感受： 「我係馬拉～茶檔當值嘅馬拉～英😎☕️ 同青雲哥一齊拍廣告好夢幻✨🥹辛苦曬現場嘅各位～真係玩得好開心！！」

網民反應兩極：真係替劉青雲拍得辛苦

今次網民對劉青雲和麗英拍廣告的反應兩極，部分網民認為二人的組合夠新鮮，合作擦出新火花：「一齊唱歌得一個係影帝，合作當然冇問題」、「佢應該好鍾意麗英，佢哋癲起嚟嗰浸味係同一款嘢」、「2個加埋一齊好有喜感」；但亦有部分網民認為麗英未夠班同劉青雲合作拍廣告，認為係今次劉青雲「降呢」同麗英合作：「點解唔搵個靚啲嘅女主角？」、「劉青雲真係慘，要拍住條咁嘅女」、「一個識做戲既眼神同一個完全無戲既眼神，真係替劉青雲拍得辛苦」等。

回顧劉青雲金像獎奪影帝感言：

金像獎2023最佳男主角｜劉青雲：掌聲、噓聲我都會接受

劉青雲上台表達得獎感言時表示很多謝楊受成博士投資電影，又寄語大家一定要堅持夢想，「如果大家有夢想，只要肯努力，夠長命，夢想就會有一日，好奇怪亦帶點遺憾咁去實現。不過，唔緊要世事豈能盡如人意，我仲要多謝鏡頭前嘅大家，熱愛香港電影、熱愛香港嘅朋友，掌聲、噓聲我都會接受，因為總好過無聲。多謝自己團隊以及我太太，佢地成日都見到神探，即係唔係呢套戲裡面，佢地用左超乎一般人能夠忍受既能力，佢地其實可以每一日接受一次核爆。」

劉青雲17次提名金像獎「最佳男主角」 三度獲獎

劉青雲加入電影圈超過30年，總共17次獲提名金像影帝，在2007年憑住電影《我要成名》首奪影帝寶座。不過最經典的還是2015年劉青雲以大熱身份憑兩套作品《暴瘋語》和《竊聽風雲3》入圍，最後憑《竊聽風雲3》成功打敗彭于晏、黃渤和吳彥祖等對手，奪下演技生涯第二個金像獎影帝寶座。

當時楊千嬅率領《五個小孩的校長》的小孩頒發最佳男主角，其中有三位小朋友更選擇了青雲為影帝人選，青雲從小朋友手上接過獎項，他笑言：「多謝你哋，讓我知道我終於有番啲女性觀眾，但你哋肯定冇認錯我係古天樂？」隨後他除了向家人和工作夥伴致謝之外，更特別深情感謝老婆，創下「太空船」冧爆金句！

多謝我太太，女性觀眾鍾意聽。每次我揸太空船飛咗去宇宙唔知邊到時，你總有辦法令我安全返來地球。