金宵大廈2

金宵大廈2|〈雙魚〉伍詠薇演操控狂阿媽吐氣揚眉 自爆曾被大台女高層羞辱

最新娛聞

廣告

正所謂「山水有相逢」,伍詠薇(伍姑娘)曾於2013年被無線高層羞辱而提早解約,事隔7年才正式回巢,而近日熱播的《金宵大廈2》正是伍姑娘回巢後的首部劇集作品。近日伍姑娘在《金宵大廈2》的一場獨腳戲,短短40秒內做出近20個瘋狂表情,盡現功架,更獲觀眾激讚。日前伍詠薇出席由林柏希主持的節目《月傾會》,除了大談《金宵大廈2》外,更還原當年被女高層羞辱的始末。

伍詠薇為演《金宵大廈2》減磅過足戲癮

由林柏希主持嘅網上平台BOX channel節目《月傾會》,最新一集請到伍詠薇做嘉賓。伍姑娘在《金宵大廈2》中飾演一位神經質母親芬姐,她透露為了角色而刻意減磅,減到成個人又凹又乾:「本身我都唔係肥底嘅人,我特登跌磅跌到去47 kg,然之後再dehydrate,拍緊嘅時候唔飲水、唔食嘢再dehydrate,乾住唔上妝!」非常專業!問到她有否介意要演蘇皓兒阿媽,一貫真性情的伍姑娘說:「黐線㗎!我之前做過黃宗澤阿媽啦(《飛虎之潛行極戰》)!」

金宵大廈2 由林柏希主持嘅網上平台BOX channel節目《月傾會》,最新一集請到伍詠薇做嘉賓。
由林柏希主持嘅網上平台BOX channel節目《月傾會》,最新一集請到伍詠薇做嘉賓。(圖片來源:)
伍詠薇透露為了《金宵大廈2》而刻意減磅。
伍詠薇透露為了《金宵大廈2》而刻意減磅。(圖片來源:[email protected]
伍姑娘在《金宵大廈2》中飾演一位神經質母親芬姐。
伍姑娘在《金宵大廈2》中飾演一位神經質母親芬姐。(圖片來源:[email protected]
日前伍姑娘在《金宵大廈2》的一場獨腳戲,短短40秒內做出近20個瘋狂表情,盡現功架。
日前伍姑娘在《金宵大廈2》的一場獨腳戲,短短40秒內做出近20個瘋狂表情,盡現功架。(圖片來源:TVB《金宵大廈2》截圖)
金宵大廈2 令人大叫心寒。
令人大叫心寒。(圖片來源:TVB《金宵大廈2》截圖)

伍詠薇還原被女高層羞辱事件

講到2013年伍姑娘曾經離開TVB,當時有指曾被女高層羞辱!主持林柏希叫她還原實況:「當日就喺一個conference room,約咗我開會,再傾下個角色!」伍姑娘立即女高層上身:「其實講晒㗎喇,你知唔知呀,主角都未知個劇情係點樣呀,你伍詠薇已經知道咗好多㗎喇已經!」伍姑娘回憶說:「跟住鬧到我呢,我開始唔反駁喇,因為見到你咁燥底,我識咗你咁多年,你咁燥底,我咪開始唔反駁。我話:『唔係,我都係想嚟問一問呢個角色啫』,之後佢就執住呢一樣嘢,話你要咁多戲做咩啫,得呀,我寫好多場俾你都得,你咪棟喺度,即係類似講丫鬟,未必係呢兩個字!」伍姑娘繼續女高層上身:「個主角都未必鍾意你做㗎!」之後伍姑娘直言:「我嗰下真係着啦!我真係走,我話唔該晒,咁我考慮一下,佢話:『咁咪好啦,你唔做嘅話呢,我哋搵第二個做呢個角色!』」之後伍姑娘索性提早解約。但一年之後,她表示另一個女高高層找她了解詳情:「到底嗰日發生咩事,點解你唔作出解釋!」到2020年,伍姑娘宣布簽約邵氏重返無綫。

金宵大廈2 節目上伍姑娘大談當年被無綫女高層羞辱事件。
節目上伍姑娘大談當年被無綫女高層羞辱事件。(圖片來源:BOX channel《月傾會》)
金宵大廈2 伍姑娘直言:「我嗰下真係着啦!」,更提早解約。
伍姑娘直言:「我嗰下真係着啦!」,更提早解約。(圖片來源:BOX channel《月傾會》)
金宵大廈2 到2020年,伍姑娘宣布簽約邵氏重返無綫。
到2020年,伍姑娘宣布簽約邵氏重返無綫。(圖片來源:BOX channel《月傾會》)

頂唔順翁虹同萬綺雯作狀

之後林柏希問入行33年的伍姑娘,有否遇過令她發晒脾氣的對手,伍姑娘竟說有兩個,但就沒有開名:「兩個字!男人!兩個!失蹤唔到、另一個飲醉!」男星A玩失蹤、男星B就入廠拍劇拎住汽水罐,原來入面係酒,伍姑娘續說:「因為我同呢個人真係好多戲,(成浸酒除?)唔,真係汽水味囉,一身酒氣,何以我會認得你!」問佢係咪亞視年代嘅?伍姑娘話:「我仲去得邊度呀?」又給了四個字提示:「芳華絕代!」回顧入行歷史,伍姑娘出身1989年亞姐,當年冠軍翁虹、亞軍萬綺雯、季軍趙靜儀,頂頭大熱嘅伍姑娘只獲「最上鏡小姐」。主持林柏希問伍姑娘當年最唔妥邊個?她說:「又係兩個字呀!翁虹其實係炒作到我同佢唔啱咋嘛!冇乜特別憎,當時可能憎幾嘢咁囉,即係可能覺得你咁樣撥下啲頭髮,作狀,作狀到佢,好似萬綺雯『耶』一聲咁樣,作狀,即係呢啲囉!」

金宵大廈2 節目上伍姑娘話頂唔順當年翁虹同萬綺雯作狀。
節目上伍姑娘話頂唔順當年翁虹同萬綺雯作狀。(圖片來源:BOX channel《月傾會》)
金宵大廈2 伍姑娘又揞名爆兩位令好發晒脾氣的對手。
伍姑娘又揞名爆兩位令她發晒脾氣的對手。(圖片來源:BOX channel《月傾會》)

《月傾會》EP08伍詠薇

常見問題

伍詠薇為演出〈雙魚〉做了什麼事前準備?

伍詠薇為演出〈雙魚〉而刻意減磅,連皮膚都要做特別處理……詳情請看

伍詠薇被女高層如何羞辱?

講到2013年伍姑娘曾經離開TVB,當時有指曾被女高層羞辱……詳情請看

撰文:東方新地圖片來源:[email protected]、TVB《金宵大廈2》截圖、BOX channel《月傾會》資料或影片來源:[email protected]盒子 BOX channel

讀者留言