鍾嘉欣

鍾嘉欣撇甩仔女回港拍劇 激罕晒deep V水著

最新娛聞

廣告

當年鍾嘉欣在加拿大邂逅圈外男友Jeremy,極速結婚生B,放下香港演藝事業回加拿大定居,與老公育有一對年幼子女,鍾嘉欣相隔五年再回港拍劇 ,與鄭嘉穎、馬國明和周家怡等合作無綫新劇《兒科醫生》,甫回香港因肺炎疫情隔離完畢,鍾嘉欣已經不時相約好友聚舊,繼黎諾懿、胡杏兒,日前忙裡偷閒到酒店staycation享受做女時的單身感覺,更在社交網大晒水著照,美好身段令人羨慕。

撰文:東方新地|圖片:鍾嘉欣ig、新傳媒資料庫

鍾嘉欣晒泳照 圈中美女齊齊讚

近日忙於開新劇《兒科醫生》的鍾嘉欣,忙裏偷閒到酒店休息,亦拍下不少美照,童心未泯的鍾嘉欣穿著睡衣在酒店房內歎tea,看著琳琅滿目,色彩繽紛的tea set露出甜美笑容。今日再晒出令人讚嘆的鮮紅泳衣照,一向高䠷的鍾嘉欣,身材fit到漏,一雙長腿頗為矚目,胸前大deep V亦見結實胸肌,絕對唔似兩個小孩的媽媽。泳照一出,即引來班圈中女星讚好!

穿著深藍色睡衣,提著酒店提供的氣球在酒店歎tea,鍾嘉欣一臉滿足。
穿著深藍色睡衣,提著酒店提供的氣球在酒店歎tea,鍾嘉欣一臉滿足。
鍾嘉欣坐在酒店泳池戲水,性感而不失高貴。
鍾嘉欣坐在酒店泳池戲水,性感而不失高貴。
高舉雙手展現全身美態,一雙長腿比胸前結實肌肉更吸睛。
高舉雙手展現全身美態,一雙長腿比胸前結實肌肉更吸睛。
眾女星如胡定欣、陳凱琳、吳若希、胡杏兒和陳自瑤等紛紛留言讚好。
眾女星如胡定欣、陳凱琳、吳若希、胡杏兒和陳自瑤等紛紛留言讚好。

鍾嘉欣為百萬冒險返港拍劇

身為兩個小朋友媽咪的鍾嘉欣,對上一次在港拍無綫劇集,已經是15年的《巨輪 II 》,婚後移居加拿大相夫教子女,嘉欣只曾在18年客串劇集《再創世紀》,當時全部戲份都在加國拍攝,相對今次獨自返港拍劇幾個月,難免思鄉。據知今次劇中多位主角鍾嘉欣、鄭嘉穎、羅仲謙,酬勞亦相當之高,知情人士透露:「上次拍《再創世紀》,嘉欣酬勞已經好高,今次要返香港拍幾個月,酬勞更加高到三百萬,呢個價係佢以前拍劇嘅幾倍,而且今次可以同嘉穎同馬明合作,呢個卡士好吸引,先至打動到佢!不過嘉欣最大考慮係一對仔女始終仲細,考慮咗一排同老公商量好,本來計劃好晒,自己先返香港一個月,8月再安排老公同一對仔女嚟香港陪佢,當做一齊喺香港放大假!」

和劇中拍檔馬國明合照,二人老友鬼鬼。
和劇中拍檔馬國明合照,二人老友鬼鬼。
還有鄭嘉穎。
還有鄭嘉穎。
新劇還有同為女一的周家怡,配搭新鮮。
新劇還有同為女一的周家怡,配搭新鮮。
日前已剪短髮方便打理的嘉欣收工手上還攞住劇本,新劇演兒科醫生的她,據知劇本有唔少專業名詞,令她要花更多時間熟背台詞。
日前已剪短髮方便打理的嘉欣收工手上還攞住劇本,新劇演兒科醫生的她,據知劇本有唔少專業名詞,令她要花更多時間熟背台詞。
慳妹鍾嘉欣,今次返港未有租住酒店,反而繼續住番之前的將軍澳寓所,當日收工孭住背囊的她,亦未有聘請助手照顧和協助。
慳妹鍾嘉欣,今次返港未有租住酒店,反而繼續住番之前的將軍澳寓所,當日收工孭住背囊的她,亦未有聘請助手照顧和協助。
久未拍劇的嘉欣,為應付演出,落車時仲攞住劇本睇。
久未拍劇的嘉欣,為應付演出,落車時仲攞住劇本睇。

疫情反彈被迫停工 掛念仔女偷偷匿埋喊

但世事未能盡如人意,嘉欣六月底啟程返港做準備,家居隔離14日後,定好7月中出關拍劇,卻因新冠肺炎疫情突然反彈,當時每日肺炎確診數字破百,疫情高危下劇組被迫停工,嘉欣亦只好留家繼續等。據知情者透露:「返咗嚟成個月都未開到工,同仔女分隔咁耐每日只係靠 FaceTime,又怕延遲咗有排都返唔到加拿大,嘉欣情緒好大起伏,成日掛住一對仔女,有時諗諗吓會唔開心匿埋喊,佢想盡快拍完返屋企,見確診數字回落咗啲,已經催劇組快啲開工,仲聲明務必11月要拍晒佢啲戲份,佢要趕返加拿大見仔女。」

鍾嘉欣6月24日已經返港準備投入拍攝
鍾嘉欣6月24日已經返港準備投入拍攝
到港先要留家14日自我隔離,當時她在IG上載隔離檢測手帶心情輕鬆。
到港先要留家14日自我隔離,當時她在IG上載隔離檢測手帶心情輕鬆。
為解相思之苦,嘉欣要對住仔女相片讀劇本。
為解相思之苦,嘉欣要對住仔女相片讀劇本。
返港拍新劇的嘉欣原本 plan好8月安排一對仔女來港相陪,可惜疫情反彈,令計劃告吹
返港拍新劇的嘉欣原本 plan好8月安排一對仔女來港相陪,可惜疫情反彈,令計劃告吹。