鍾嘉欣

鍾嘉欣38歲生日報喜懷第三胎 曾憶述生大女十級痛似西瓜穿小洞

最新娛聞

廣告

鍾嘉欣去年返港爭視后輸畀林夏薇,最後帶埋囝囝返加拿大繼續相夫教女,表示短期內都唔會拍劇。一直傳聞她因為失落視后心灰意冷,但原來係秘密造人成功,仲趁住38歲生日公布喜訊!

鍾嘉欣 恭喜晒!
恭喜晒!(圖片來源:IG@chungkayanlinda)
鍾嘉欣 鍾嘉欣與老公一齊慶祝生日。
鍾嘉欣與老公一齊慶祝生日。(圖片來源:IG@chungkayanlinda)

鍾嘉欣失落視后已經懷孕?

剛剛於4月9日踏入38歲的鍾嘉欣唔只有老公同一對仔女同佢慶祝,原來肚裡面仲有一個小生命,日前更在IG分享喜悅,貼出仔女錫錫自己腹部的相片,以及一張超聲波圖片,並以英文寫道:「We are very happy to announce that we are expecting a little Tigger this year. Thank you so much for the birthday wishes everyone. My heart and hands are now full. And, I’m really hungry… (中文意譯:我們很高興地宣布,我們期待著今年會有一隻小老虎。 非常感激大家的生日祝福。我的心和手現在都圓滿了。而且,我真的很肚餓…… ) #happybirthday #38yearsyoung #april9 」,網民都紛紛留言送上祝福!雖然鍾嘉欣未有透露懷孕幾耐以及胎兒性別,不過按照「懷孕未夠三個月不能公開」的傳統,估計嘉欣在頒獎禮時已經懷孕了!

鍾嘉欣
(圖片來源:IG@chungkayanlinda)
鍾嘉欣
(圖片來源:IG@chungkayanlinda)

鍾嘉欣拍片講生大女

日前鍾嘉欣在其YouTube個人頻道拍片,憶述16年生大女Kelly的經歷,她表示那種痛楚難以形容,就好似一個西瓜要穿過一個小洞一樣,鍾嘉欣因為大出血而暈倒,醫生更建議為其下體做重建手術。生仔真係搵命博,不過鍾嘉欣好勇,兩年後繼續順產生細仔Jared。

鍾嘉欣 鍾嘉欣在其YouTube頻道大講5年前生大女的經歷。
鍾嘉欣在其YouTube頻道大講5年前生大女的經歷。(圖片來源:YouTube@鍾嘉欣Linda Chung)
鍾嘉欣 鍾嘉欣以全英語拍片。
鍾嘉欣以全英語拍片。(圖片來源:YouTube@鍾嘉欣Linda Chung)

鍾嘉欣全英語講述生女經過

37歲的鍾嘉欣於15年底閃嫁脊醫老公Jeremy,翌年在加拿大誕下大女Kelly,日前她在自己的YouTube頻道以全英語拍片講述當年生大女時的經歷,整個分娩過程驚心動魄,就連鍾嘉欣自己講到緊張處都忍唔住用手掩面。

鍾嘉欣 鍾嘉欣直認因為冇經驗,唔了解官縮真實感受,原本醫生指示擴張至5厘米就要入院,但佢未有為意,仲堅持在家慢慢食早餐,憶述生女之痛不時掩面。
鍾嘉欣直認因為冇經驗,唔了解官縮真實感受,原本醫生指示擴張至5厘米就要入院,但佢未有為意,仲堅持在家慢慢食早餐,憶述生女之痛不時掩面。(圖片來源:YouTube@鍾嘉欣Linda Chung)
鍾嘉欣 鍾嘉欣話當時的感受,就好似一個大西瓜要穿過一個小洞,其實形容得好貼切。
鍾嘉欣話當時的感受,就好似一個大西瓜要穿過一個小洞,其實形容得好貼切。(圖片來源:YouTube@鍾嘉欣Linda Chung)

鍾嘉欣諗起仍然痛

鍾嘉欣生第一胎未有經驗,完全唔知產前宮縮的感覺,入院前堅持食飽早餐先,點知用餐中途突然下體流血,即被奶奶勒令要坐車去醫院,入院後情況非常緊急,原來鍾嘉欣的子宮口已擴張至8厘米,仲差兩厘米(10厘米)就生得,即被推入產房,鍾嘉欣全程都要吸氧氣,諗起都覺到好痛好痛,她更掩面指「好似個大西瓜要穿過一個小洞。」鍾嘉欣更要靠奶奶給她的冰水和雪條減輕痛楚。

鍾嘉欣 大女Kelly出世時體重有7磅5安士。
大女Kelly出世時體重有7磅5安士。(圖片來源:YouTube@鍾嘉欣Linda Chung)
鍾嘉欣 生完個女,鍾嘉欣整個人幾乎虛脫。
生完個女,鍾嘉欣整個人幾乎虛脫。(圖片來源:YouTube@鍾嘉欣Linda Chung)
鍾嘉欣 鍾嘉欣話其中一件難忘事,就係剛出世的囡囡竟與醫生勾手指。
鍾嘉欣話其中一件難忘事,就係剛出世的囡囡竟與醫生勾手指。(圖片來源:YouTube@鍾嘉欣Linda Chung)

鍾嘉欣落床即血崩暈倒

幾經辛苦囡囡Kelly終於出世,不過鍾嘉欣並未有得休息,因為接下來的一小時她要把胎盤排出體外,之後護士叫要她嘗試落床小解,不過鍾嘉欣行唔夠兩步已經下身大量出血,最後更暈倒,幸好當時有老公Jeremy扶住,並及時呼叫護士幫忙,鍾嘉欣要折返產房再次接受醫生檢查,醫生建議即送她入急症室做一個下體重建手術,鍾嘉欣真係嚇得腳軟,即時拒絕,醫生表示可以觀察一日才決定,最後鍾嘉欣雖然逃過一刀,但傷口未復原,要休息足足2個月才可以正常走路。

鍾嘉欣 鍾嘉欣當年忍受十級痛楚生下大女Kelly,母愛真偉大。
鍾嘉欣當年忍受十級痛楚生下大女Kelly,母愛真偉大。(圖片來源:IG@chungkayanlinda)
鍾嘉欣 鍾嘉欣18年再誕下細仔Jared,湊個「好」字。
鍾嘉欣18年再誕下細仔Jared,湊個「好」字。(圖片來源:IG@chungkayanlinda))
鍾嘉欣 鍾嘉欣去年底帶埋細仔Jared返香港工作,在台慶頒獎禮卻不敵林夏薇,再次與視后寶座擦身而過。
鍾嘉欣去年底帶埋細仔Jared返香港工作,在台慶頒獎禮卻不敵林夏薇,再次與視后寶座擦身而過。(圖片來源:IG@chungkayanlinda)

去片!鍾嘉欣拍片講生大女Kelly的痛苦經歷

真係聽到都覺得痛!

鍾嘉欣生大女時差點病危嗎?

鍾嘉欣近日於自己YouTube頻道拍片分享分娩時的血崩經歷⋯⋯詳情請看

鍾嘉欣未來去向如何?

鍾嘉欣去年出席頒獎禮失落視后,及後已立即帶細仔回加拿大⋯⋯詳情請看

關鍵詞
鍾嘉欣
撰文:東方新地圖片來源:IG@chungkayanlinda資料或影片來源:YouTube@鍾嘉欣Linda Chung