劉馬車

劉馬車大戰龍心秒變「監獄風雲」 鍾培生拳賽4個有3個都曾被起訴

最新娛聞

廣告

鍾培生近年搞拳賽搞上癮,早前宣佈豪花千萬港幣籌備《培生擂台無敵盃2023》拳擊擂台賽,邀請到前微辣成員霍哥和周永恆對打。近日拳賽宣佈再搵網路紅人劉馬車大戰龍心,並在今日(2日)下午舉行記者招待會。今次參賽者們4個有3個都曾經被判刑,認真有睇頭!

劉馬車 劉馬車、周永恆、霍哥和龍心四位參賽者都有出席記者招待會。
劉馬車、周永恆、霍哥和龍心四位參賽者都有出席記者招待會。(圖片來源:大會提供)

劉馬車龍心將參加鍾培生拳賽

將於12月舉行的《培生擂台無敵盃2023》拳擊擂台賽早前宣佈邀請到霍哥和周永恆對打,二人在記者會上已經大打出手,網民都表示食花生食得好開心。今次網民有福,事關外界盛傳網路紅人劉馬車和龍心即將會參加拳賽。二人在參加拳賽前早已有牙齒印,時不時在各自影片頻道隔空互相攻擊。今次直接將私人恩怨搬上擂台解決,網民可以準備定花生睇好戲!

劉馬車 網路紅人劉馬車出名夠曬狂!
網路紅人劉馬車出名夠曬狂!(圖片來源:Youtube@劉馬車)
劉馬車 龍心同劉馬車早有牙齒印。
龍心同劉馬車早有牙齒印。(圖片來源:Youtube@見小 Dragonheart 曰明 The Authentic Blogger)

龍心於記招大撻新朵「東方臥龍剋龍」

今日4位參賽者龍心、劉馬車、霍哥和周永恆都有出席記者招待會。龍心在記招現場指自己改了新名「東方臥龍剋龍」:「我返咗嚟改咗朵,新名唔好用『龍心』,我目標唔係打劉馬車,係打『龍心』,要戰勝自己先可戰勝他人。我係由第6宇宙嚟,呢度係第7宇宙,我喺第6宇宙輸咗俾鍾培生,我跟佢姓,嚟到第7宇宙,下次我準備要『中七鍾培生』。我個新朵叫『東方臥龍剋龍』」龍心指今次參賽是為了「強身健體,克服自己」,並表示感謝鍾培生舉辦今次拳擊賽,希望能夠憑今次賽事戰勝自己。

劉馬車 龍心於記招擺曬姿勢,又大撻新朵「東方臥龍剋龍」,好有氣勢咁!
龍心於記招擺曬姿勢,又大撻新朵「東方臥龍剋龍」,好有氣勢咁!(圖片來源:大會提供)

劉馬車瘋狂擦鞋 指視鍾培生為伯樂

一到劉馬車發言,劉馬車就一輪嘴瘋狂擦鍾培生鞋,首先感激對方邀請,又大讚鍾培生係一個「有智慧、有眼光嘅人」,給予今次機會讓他證明自己:「雖然外界好多人質疑我,但鍾生好堅定,成日私下交流,一直好鼓勵我。我都想透過今次證明自己實力,想俾大家知我係得,如果我係一匹千里馬,鍾生就係我嘅伯樂,我唔會辜負鍾生嘅期望。近呢幾年都經歷咗好多嘢,身體都唔好,自己都可能時日無多,今次拳賽,我有必死決心,一係打低龍心,一係俾佢打死。」劉馬車又指接下來將會繼續與鐘培生合作,鐘培生聽畢一臉茫然,搞到身旁的霍哥和周永恆都不停忍笑。

劉馬車 劉馬車都唔輸蝕,扮曬武林高手咁擺Pose。
劉馬車都唔輸蝕,扮曬武林高手咁擺Pose。(圖片來源:大會提供)
劉馬車 劉馬車不停拍打自己胸口,搞到紅咗一噠。
劉馬車不停拍打自己胸口,搞到紅咗一噠。(圖片來源:Facebook@Viu1 HK)

新朵為「天水圍墮天地獄獸」稱為「大丁」而戰

至於劉馬車的新朵就改為「天水圍墮天地獄獸」,劉馬車激動表示將會為「大丁」而戰,並揚言會在擂台打爆龍心:「我最睇唔起唔尊重女性嘅人渣,幾年前有個女仔叫『大丁』,佢搞到人哋人唔似人,鬼唔似鬼,令我好嬲。今次除咗為我自己而戰,為鍾培生而戰,為大丁而戰,為全港女性而戰。我一定會打爆龍心呢個食屎狗,希望大家踴躍入場支持呢場大戰!」

劉馬車 劉馬車真係憎龍心憎到上曬面!
劉馬車真係憎龍心憎到上曬面!(圖片來源:Facebook@Viu1 HK)

劉馬車拍片下戰書:要全世界睇我點打低你

劉馬車和龍心即將參加拳擊擂台戰的消息一傳出,劉馬車就立即拍片向龍心下戰書,一臉兇狠咁話要全亞洲見證自己如何打低龍心:「我要全香港、全亞洲、全世界嘅人都識得我!我要全世界都知道我喺培生擂台上點樣去打低你!你放心啦,我知道你好打得,所以我好大機會會喺擂台上畀你打死,但我唔驚啊!因為人生已經冇乜嘢可輸!好多人想我打低你,因為你好黑人憎;亦有好多人想你打低我,因為好多人唔鐘意我!」

劉馬車 劉馬車在IG公開練拳擊影片。
劉馬車在IG公開練拳擊影片。(圖片來源:IG@carriagelau0415)
劉馬車 揚言要全世界睇自己點樣打低龍心。
揚言要全世界睇自己點樣打低龍心。(圖片來源:IG@carriagelau0415)

4個有3個曾起訴 劉馬車最多案底

今次鍾培生擂台比賽的人選中,4位中有3位都曾經被起訴或有案底。首先有自稱「人渣」的周永恆因犯「抗拒執行職責的警務人員」及「襲擊執行職責的警務人員」而被判即時入獄兩星期;近年移居英國的龍心就在上月回港時被被廉署落案起訴兩罪。至於劉馬車就最厲害,由17歲開始就被多次定罪,多次涉嫌非禮兒童被捕,更因猥褻罪於內地判監,早前更因「襲擊」市民而於8月14日被判入獄六星期。

劉馬車 劉馬車案底最多。
劉馬車案底最多。(圖片來源:IG@carriagelau0415)
劉馬車 霍哥係參賽人選中唯一一個冇案底嘅,果然係「清泉」。
霍哥係參賽人選中唯一一個冇案底嘅,果然係「清泉」。(圖片來源:IG@jeffreyfok_224)

霍哥周永恆拳賽記者會火藥味濃

霍哥:流血吖嘛,流吖!

鍾培生早前宣布拿出1000萬港幣籌備「無敵盃」拳擊擂台賽,並邀請到近期話題多多的前微辣成員霍哥(霍俊邦),將與曾自認是「人渣」的周永恆對打,話題度十足引起全城關注

2人將會於12月打75KG級別的賽事,霍哥表示現正積極備戰中,88KG的他這一刻最重要的目標就是減磅:「我要跌30磅同阿周先生打,所以我希望周先生可以真真正正練到,唔好好似上次Steven(張致恆)咁被人打就算,希望周先生真係練到嘢,唔好我跌咗落嚟30磅喇,跟住頭2 round就搞掂,咁就唔好睇!」他又表示放馬過來,完全不怕流血:「鍾生話流血吖嘛,流吖!」

劉馬車 霍哥 周永恆 周永恆
周永恆(圖片來源:IG@khdcheung)
劉馬車 霍哥 周永恆 前微辣成員霍哥霍俊邦
前微辣成員霍哥霍俊邦(圖片來源:IG@khdcheung)

周永恆叫霍哥做「霍仔」

周永恆一開口即瘋狂向霍哥挑機,更帶有恥笑的語氣:「你要減30磅?我要加5磅啊,你要攰少少,你都要加油!」周永恆近年曾因多次打女人而鬧上法庭,他在記者會上亦不忘「自抽」:「我經常都會有啲唔合法嘅情緒發洩,好多謝今次畀呢個擂台我,簽咗份約可以好合法咁去情緒發洩,阿霍仔你就小心啲喇喎,我好鍾意打交㗎,流血就一定㗎喇!」

劉馬車 霍哥 周永恆 2017年與大陸女友Britni奉子成婚嘅周永恆,一度似乎修心養心做好爸爸。
周永恆曾經多次因為打人而鬧上法庭。(圖片來源:新傳媒照片庫)

自抽專打女人

霍哥隨即不示弱:「我睇新聞都見到你好多打人嗰啲,但唔係打男人!」周永恆即被挑釁成功:「我唔係打男人㗎,我專打女人㗎嘛係咪啊?」周永恆又不斷叫霍哥小心點,表示從曾在霍哥拳賽上做拳證的人口中得知,霍哥於第一回合已經「擘口」,並表示「我驚你第2 round已經抖唔到氣,你小心喇下!」現場亦接受記者提問,周永恆被問到,曾經做腦部手術切除腫瘤的他會否擔心有生命危險:「依家OK,多謝大家嘅擔心。」鍾培生表示2人有提交健康申報,而且亦已通過,兼且比賽時亦有專業的醫療團隊。相信不會有大問題。被問及2人有沒有目標想用多少時間來KO對方,大家都表示盼能一回合內就勝出。

劉馬車 霍哥 周永恆 周永恆是醫院病房常客,據知日前他分別在警局及醫院病房打電話畀因葵求救。
周永恆曾經做腦部手術切除腫瘤。(圖片來源:IG@Christopher Loak)

霍哥周永恆拳賽記者會|「爛仔格」盡現互打30秒

記者會尾聲,霍哥與周永恆在對峙環節中讓在場記者影相,周永恆即「爛仔格」盡現一邊伸脷一邊向霍哥挑釁,霍哥即怒啤對方,周永恆突然伸手大力推對方,霍哥馬上怒摑周永恆,未幾2人扭作一團,要鍾培生在中間調停,但2人仍然未肯投降,在地上繼續打個夠,後來2人才一同站起來,握手言和。

劉馬車 霍哥 周永恆
(圖片來源:YouTube@Viu1 HK)
劉馬車 霍哥 周永恆
(圖片來源:YouTube@Viu1 HK)
劉馬車 霍哥 周永恆
(圖片來源:YouTube@Viu1 HK)
劉馬車 霍哥 周永恆 霍哥摑咗周永恆一巴!
霍哥摑咗周永恆一巴!(圖片來源:大會提供)
劉馬車 霍哥 周永恆 現場畫面好激動!
現場畫面好激動!(圖片來源:大會提供)
劉馬車 霍哥 周永恆 仆低埋!
仆低埋!(圖片來源:大會提供)
劉馬車 霍哥 周永恆
(圖片來源:FB@喜愛日本 Like Japan)
劉馬車 霍哥 周永恆
(圖片來源:YouTube@Viu1 HK)
劉馬車 霍哥 周永恆
(圖片來源:FB@喜愛日本 Like Japan)

澄清打交冇夾好

霍哥於記者會後更新IG限時動態,對於被指2人當眾打交時宣傳伎倆,他隨即否認:「我都成個人騎左(咗)係(喺)上邊,佢唔拍我放手就繼續㗎啦!」他又形容對方「幼稚打埋啲爛仔交」,兼表示12月的時候再放馬過來。

劉馬車 霍哥 周永恆
(圖片來源:YouTube@Viu1 HK)
劉馬車 霍哥 周永恆
(圖片來源:IG@jeffreyfok_224)
劉馬車 霍哥 周永恆
(圖片來源:IG@jeffreyfok_224)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:IG@khdcheung、新傳媒照片庫、IG@jeffreyfok_224、IG@Christopher Loak、《澳門英雄匯-世界格鬥王者爭霸賽》、FB@喜愛日本 Like Japan、IG@carriagelau0415、Youtube@見小 Dragonheart 曰明 The Authentic Blogger、Youtube@劉馬車