16歲Yumi鍾柔美入戲院睇《Barbie》打卡惹網民怒轟：電影業被搞彎晒！

Yumi影住《芭比》結局打卡仲tag埋華納兄弟

在戲院內不准拍攝一張都是常識，但原來有人不知道。昨日（7日）Yumi在IG出story，表示正在觀看近期的大熱電影《Barbie芭比》，點知竟然影住電影中最後結局的場口，不但加上心心emoji，仲tag埋華納兄弟的官方IG兼加上電影《Barbie芭比》的hashtag。事後Yumi似乎知錯並刪除相關限時動態，兼寫上道歉的字眼：「My deeply apologise, sorry.」不過網民依然非常生氣：「成個電影業畀Yumi搞彎晒啦！」、「唔識規矩」、「包場都唔可以咁樣啦」、「家下係咪係得返啲老土戲院會播任達華㗎啦」、「人品要幾差同IQ要幾低先會戲院做呢啲嘢」、「仲要tag埋發行係咩玩法」。不過，仍然有網民覺得Yumi年紀細，值得大家原諒：「細路女唔識嘢姐，又未夠18你想點樣啊」、「影幅相啫，又唔係盜錄」。

鍾柔美 yumi yumi已火速刪除story — Yumi已火速刪除story（圖片來源：ig＠yumichung1221）

鍾柔美 yumi yumi已火速刪除story，竟馬上道歉 — yumi已火速刪除story，竟馬上道歉（圖片來源：ig＠yumichung1221）

任達華：最高刑罰是監禁3個月同罰款港幣5萬元

近呢幾年少播咗「影帝任達華」，提醒觀眾在戲院內拍攝及錄影即屬違法，會被刑事檢控，最高刑罰是監禁3個月同罰款港幣5萬元！其實有唔少藝人都有犯過呢個錯！

百老匯電影中心叫過大家唔好再咁做

百老匯電影中心之前都喺Facebook出過post，指愈來愈多觀眾在戲院內拍攝，並將相片或片段上載至社交平台上，電影中心好心留言勸喻，但對方竟刪除留言當沒有事情發生，態度依舊。

重溫許廷鏗都影過《與神同行》

韓國大熱電影《與神同行》2017年在港上映時，許廷鏗亦有入場支持，作為演藝人的佢都竟然試過喺戲院打卡，還要IG出埋post：「人人都有錯，重點在於你有沒有勇氣，在還來得及的時候，面對自己的『後悔』」，他仲加上Hashtag寫道：「原諒我忍唔住影咗一張」。網友睇到後留言鬧爆，許廷鏗都即時刪除咗相片，改用劇照。