鍾舒漫

鍾舒漫 陳潔玲防疫產品糾紛結案 敗訴陳潔玲審裁處外粗暴騎劫訪問 被斥冇禮貌

最新娛聞

廣告

鍾舒漫(Sherman)和陳潔玲合資的防疫產品生意發生金錢糾紛,今日(3日)在小額審裁處終於有定案,鍾舒漫獲得勝訴,離開時鍾舒漫在妹妹鍾舒祺陪同一起接受傳媒訪問,卻遭陳潔玲粗暴騎劫,懶理被斥冇禮貌,趕極唔走儼如個人騷講不停﹗

文:東方新地|圖:《無綫娛樂新聞台》直播截圖
鍾舒漫(Sherman)和前港姐陳潔玲合資的防疫產品生意發生金錢糾紛,鍾舒漫入稟追討對方4萬元,期間不時隔空爆罵戰﹗擾攘一年,今日(3日)鍾舒漫和陳潔玲就案件在小額錢債審裁處進行裁決,最後判鍾舒漫勝訴﹗陳潔玲被指違反拆夥協議需付對方43,560款項及1,183元訟費予鍾舒漫﹗

鍾舒漫被判勝訴﹗(圖片來源:無綫娛樂新聞台直播截圖)
鍾舒漫被判勝訴﹗(圖片來源:無綫娛樂新聞台直播截圖)

鍾舒漫離開時在妹妹鍾舒祺陪同接受訪問,Sherman被問到心情時表示:「為單咁小嘅事搞成年,其實單嘢係簡單嘅,我不嬲都有信心嘅﹗但周邊發生咗好多戲劇性嘅事令全家都好攰,我希望件事真係完﹗」並指不會怕咗再與人合作搞生意,只要小心便可﹗不過,呢個時候被判敗訴的陳潔玲和老公突然出現,並攝入鏡﹗

鍾舒漫獲判勝訴 敗訴陳潔玲粗暴騎劫訪問無理被斥冇禮貌
鍾舒漫在妹妹鍾舒祺陪同一起接受訪問,問唔夠三分鐘,訪問突然被騎劫﹗(圖片來源:無綫娛樂新聞台直播截圖)
鍾舒漫獲判勝訴 敗訴陳潔玲粗暴騎劫訪問無理被斥冇禮貌
鍾舒漫接受訪問,陳潔玲突然在後方出現並攝入鏡﹗(圖片來源:無綫娛樂新聞台直播截圖)

陳潔玲突然在後面出現並揮手問:「可唔可以一齊訪問?」鍾舒祺斷言拒絕,Sherman亦話:「唔使﹗唔好呀﹗」陳潔玲冇理會夾硬攝位兼自說自話,鍾舒祺話:「你真係唔受歡迎呀唔該﹗你知唔知你好冇禮貌?畀我哋做晒先啦﹗」陳潔玲對住鏡頭話:「對唔住對唔住﹗因為呢,我都想快啲講埋佢,頭先個判決,我終於都明原來我係違犯咗個協議嘅﹗」

鍾舒漫獲判勝訴 敗訴陳潔玲粗暴騎劫訪問無理被斥冇禮貌
陳潔玲搭住鍾舒漫膊頭,問大家可否一起做訪問,即遭拒絕,但陳潔玲唔理硬攝埋位﹗陳潔玲老公(右白衫)亦在後方。(圖片來源:無綫娛樂新聞台直播截圖)
鍾舒漫獲判勝訴 敗訴陳潔玲粗暴騎劫訪問無理被斥冇禮貌
鍾舒祺直斥陳潔玲好冇禮貌,又指她不受歡迎,但陳潔玲無理會攝到中央位只對住鏡頭講「對唔住」。(圖片來源:無綫娛樂新聞台直播截圖)

陳潔玲又指一直願意承擔責任及賠償,但鍾舒漫男友拒絕和解,「唔上訴喇,個銀碼好細,幾萬蚊嘅啫,唔想一件咁細嘅事演變成仇恨。」此時,鍾舒漫姊妹已先行離開企在老遠,陳潔玲繼續發表,而老公攝上前傍實,陳潔玲一輪嘴話:「鍾小姐,過去一年大家互相傷害到此為止,過去我情緒比較波動,亦受佢哋嘅影響,我EQ脾氣唔好,鬧過佢哋,佢哋都傷害咗我,唔好嗌交喇,有造成任何傷害,我好願意同佢講抱歉﹗」

鍾舒漫獲判勝訴 敗訴陳潔玲粗暴騎劫訪問無理被斥冇禮貌
陳潔玲粗暴騎劫訪問,鍾舒漫和妹妹走開﹗(圖片來源:無綫娛樂新聞台直播截圖)
鍾舒漫獲判勝訴 敗訴陳潔玲粗暴騎劫訪問無理被斥冇禮貌
鍾舒漫一走開,陳潔玲老公笑意盈盈攝上傍住做訪問﹗(圖片來源:無綫娛樂新聞台直播截圖)

鍾舒漫等陳潔玲做完訪問後才應邀歸位繼續,對被陳潔玲騎劫訪問,Sherman指真係估佢唔到,問到會否接受對方道歉時,她則說:「如果佢真心道歉我會接受,希望佢將來唔好咁做人﹗佢同外界講話我騷擾佢,其實係冇,我哋一直好被動﹗」Sherman又指賠償金額不是重點,就算法官兩次要求和解,她都不肯罷休,因為只是想討回公道公義﹗

鍾舒漫獲判勝訴 敗訴陳潔玲粗暴騎劫訪問無理被斥冇禮貌
鍾舒漫訪問被騎劫,企在遠方等待﹗(圖片來源:無綫娛樂新聞台直播截圖)
鍾舒漫獲判勝訴 敗訴陳潔玲粗暴騎劫訪問無理被斥冇禮貌
陳潔玲做完訪問仲企定定任影,真係趕都唔走,臉皮好厚﹗(圖片來源:無綫娛樂新聞台直播截圖)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!