鐵拳英雄

鐵拳英雄|肌男身型大比拼 49歲吳家樂最驚喜 陳展鵬凸腩「棉花肚」

最新娛聞

廣告

無綫劇集《鐵拳英雄》終於在2月19日晚大結局,相信令大家最回味嘅,除咗係一眾演員嘅激烈打鬥場面之外,當然唔少得一排又一排吸睛嘅腹肌!當中49歲嘅吳家樂最有驚喜,不過男主角陳展鵬就略嫌削咗少少喇,唔止腹肌欠奉,仲凸埋腩添!同之前《城寨英雄》真係爭得遠!

原名《唐人街》的《鐵拳英雄》事隔4年開拍前者在2015年操練拍攝),主角的肌肉擔當大跌Watt。
原名《唐人街》的《鐵拳英雄》事隔4年開拍(前者在2015年操練拍攝),主角的肌肉擔當大跌Watt。(圖片來源:TVB劇集截圖)
鐵拳英雄 當年展鵬嘅腹肌雖然未算誇,但起碼叫做有個形。
當年《城寨英雄》展鵬嘅腹肌雖然未算誇張,但起碼叫做「有個形」。(圖片來源:《城寨英雄》截圖)
鐵拳英雄 人魚線都若隱若現!
唔好遮住睇,城寨「拳佬」人魚線都若隱若現!(圖片來源:《城寨英雄》劇照)

陳展鵬事隔四年跌晒Watt

《英雄》系列兩部均由陳展鵬擔正做男主角,當中《城寨》更加為陳展鵬帶嚟人生第一個視帝寶座。《城寨》於2015年拍攝,當時展鵬38歲,為咗拍城寨下咗唔少功夫,修身成績算唔錯!然而到咗2019年,未知係咪因為結咗婚嘅關係,佢拍攝《鐵拳》時候似乎有點準備不足驚現凸腩「棉花肚」,雖然稱唔上肥,但對比起同劇其它幾位男演員,真係有比較有傷害!

鐵拳英雄 縮肚都縮得幾明顯!
縮肚都縮得幾明顯!(圖片來源:《鐵拳英雄》劇照)

當年探班 陳展鵬尷尬收埋身型

劇集初段有一場擂台肉搏戰,以此介紹幾位男角陳展鵬、伍允龍 、陳山聰以及林偉的武功指數,盡騷肌肉之餘再對打,拳拳到肉!不過探班時陳展鵬就選擇以浴袍遮掩身材,當時有觀眾以為作為男一陳展鵬想收埋「秘密武器」,點知劇集真正的「秘密武器」係年紀比佢大4歲的吳家樂(詳見下文),睇返採訪前間猛男列陣,唯獨煎Pang甚為閃縮,真係有少少尷尬!

鐵拳英雄 站在伍允龍身邊,陳展鵬選擇身穿浴衣遮遮掩掩,採訪時仲笑伍允龍沖完涼唔著衫,被網民留言指「厚顏」。
站在伍允龍身邊,陳展鵬選擇身穿浴衣遮遮掩掩,採訪時仲笑伍允龍沖完涼唔著衫,被網民留言指「厚顏」。(圖片來源:無綫娛樂新聞台截圖)
鐵拳英雄 一字排開,視帝雙手插袋故作從容,好彩件浴袍有衫袋,「有料之人」林偉亦好識做,選擇唔剝衫平衡畫面。
一字排開,視帝雙手插袋故作從容,好彩件浴袍有衫袋,「有料之人」林偉亦好識做,選擇唔剝衫平衡畫面。(圖片來源:無綫娛樂新聞台截圖)
鐵拳英雄 最後都要交功課,「擺功架」給記者拍攝時,亦只能以側身應戰,過程中林偉忍唔住笑。
最後都要交功課,「擺功架」給記者拍攝時,亦只能以側身應戰,過程中林偉忍唔住笑。(圖片來源:無綫娛樂新聞台截圖)
鐵拳英雄 去到劇集播放時真係無得避,微微彎身仲凸埋腩仔!
去到劇集播放時真係無得避,微微彎身仲凸埋腩仔!(圖片來源:《鐵拳英雄》劇照)

同劇吳家樂最有驚喜

根據上次《城寨》的經驗,Final Boss嘅身形一定有眼頭,大結局歐瑞偉爆衫一幕的確有驚喜,因為按照歐瑞偉過往嘅形象,點睇都唔似係肌男!情況就同今集嘅49歲嘅吳家樂一樣,拉車仔路向東望落瘦瘦削削,但爆衫嗰一幕,真係令唔少觀眾睇到O晒嘴!就連監製文偉鴻都點名讚:「為了達到路向東廢了武功的謊言設定,我要求家樂要保持瘦削外型,但又要有一身橫鍊肌肉,鋼鐵身型!地獄式訓練非常認真!好意志!好成績!好演員!」

鐵拳英雄 上次歐瑞偉又係爆衫騷肌。
上次歐瑞偉又係爆衫騷肌。(圖片來源:TVBUSA《城寨英雄》截圖)
鐵拳英雄 今次吳家樂又係爆衫。
今次吳家樂又係爆衫。(圖片來源:[email protected]_boon)
鐵拳英雄 呢啲身形先最難練!
呢啲身形先最難練!(圖片來源:[email protected]_boon)
鐵拳英雄 難怪王君馨都睇到眼定定!
難怪王君馨都睇到眼定定!(圖片來源:[email protected]
鐵拳英雄 不過講到最誇都一定係伍允龍㗎喇,唔怪得佢成套劇,大部分時間都唔著衫周街走啦!
不過講到最誇都一定係伍允龍㗎喇,唔怪得佢成套劇,大部分時間都唔著衫周街走啦!(圖片來源:《鐵拳英雄》劇照)
鐵拳英雄 仲有陳山聰都唔錯!
仲有陳山聰都唔錯!(圖片來源:《鐵拳英雄》劇照)
鐵拳英雄 同吳家樂都好似,收水收得好緊要。
同吳家樂都好似,收水收得好緊要。(圖片來源:[email protected]
鐵拳英雄 仲有KK張國強都好Fit。
仲有KK張國強都好Fit。(圖片來源:《鐵拳英雄》截圖)
鐵拳英雄 仲有呢位陳國峰都唔講得笑㗎!
仲有呢位陳國峰都唔講得笑㗎!(圖片來源:《鐵拳英雄》截圖)

撰文:東方新地圖片來源:《鐵拳英雄》截圖、劇照、[email protected][email protected][email protected]_boon、《城寨英雄》劇照、截圖

讀者留言